Bankablaðið - 01.12.1987, Blaðsíða 15

Erlent samstarf
15
T rúnaðarmannanámskeið NB U:
Vikutími í Voksenásen
Árlega er haldið á vegum Norræna
bankamannasambandsins námskeið fyr-
ir trúnaðarmenn af öllum Norðurlönd-
unum. SÍB hefur tækifæri til að senda
3 trúnaðarmenn á þetta námskeið. Þetta
árið voru valdar til fararinnar þær Anna
Kjartansdóttir, trúnaðarmaður í Lands-
banka íslands á Hótel Loftleiðum, Guð-
rún Valgeirsdóttir trúnaðarmaður í Út-
vegsbanka íslands h.f. á Selt jarnarnesi
og Kristrún Guðmundsdóttir, trúnaðar-
maður í Landsbanka íslands, skipulagi.
Frásögn þeirra af námskeiðinu fer hér
á eftir.
Við sem þetta skrifum vorum þátttak-
endur á trúnaðarmannanámskeiði Nor-
ræna bankamannasambandsins, sem
haldið var í Osló dagana 6.-11. septem-
ber sl. Námskeiðið var haldið á Hótel
Voksenásen. Þegar við komum þangað
sunnudaginn 6. september hafði helli-
rignt allan daginn og var rafmagns-
laust. Fyrstu tímana sátum við því og
ornuðum okkur við arineld. Um kvöldið
fór fram kynning þátttakenda þar sem
hver og einn sagði lítillega frá sjálfum
sér og sýndi á korti hvaðan hann kom.
Morguntrimm hófst kl. 6.30 og fannst
sumum það ansi snemmt og sváfu á
sínu græna eyra, en aðrir voru hressari
og ýmist gengu eða hlupu þarna uppi á
hæðinni fyrir ofan Holmenkollen skíða-
stökkpallinn. Ekki sást alltaf yfir Osló,
en þó kom það fyrir að það birti upp og
þá var útsýnið alveg stórkostlegt.
Á mánudagsmorgun hittust þátttak-
endur frá hverju landi fyrir sig og
ræddu um hvers þeir væntu af nám-
skeiðinu. Það sem við töldum mikilvæg-
ast var að kynnast fulltrúum frá hinum
Norðurlöndunum og læra af reynslu
þeirra.
Að lokinni kynningu á NBU má segja
að hið eiginlega starf á námskeiðinu
hafi hafist. Námskeiðið byggist á vinnu
þátttakenda sjálfra í hópum, þar sem
rædd voru mörg málefni. Starfsvett-
vangur trúnaðarmannsins var fyrsta
umræðuefnið. í ljós kom að reynsla
fólks sem trúnaðarmanna er mjög svip-
uð. Flestir höfðu í fyrstu verið nánast
neyddir í starfið, en fengið síðan áhuga
á því. Að loknum umræðum í hópunum
hittust allir og gerði hver hópur grein
fyrir sínum niðurstöðum í almennum
umræðum.
Á mánudagskvöldið voru pallborðs-
umræður um stöðu verkalýðshreyfing-
arinnar í samfélaginu. í þeim tóku þátt
fulltrúar frá atvinnurekendum annars
vegar og hins vegar frá Norska banka-
mannasambandinu og samtökum sem
það er aðili að.
Tveim dögum var varið í hópstarf og
umræður um bankamenntun og breyt-
ingar á starfsemi banka. Okkur fannst
sérstaklega athyglisvert hversu langt
hin norrænu samböndin hafa náð í sam-
bandi við starfsfræðslu bankamanna.
Hvað tæknina og breytingarnar varðar
hafa allir gengið í gegnum sama hlut-
inn, við erum þó alltaf aðeins á eftir.
Á þriðjudagskvöldið fórum við í stutta
útsýnisferð um Osló. í ljósaskiptunum
vorum við í Vigelandsgarðinum, þar sem
styttur eftir norska myndhöggvarann
Vigeland prýða garðinn. Það var stór-
kostleg upplifun.
Fyrir hádegi á miðvikudag störfuðu
þátttakendur í hópum og ræddu efni,
sem þeir höfðu sjálfir valið sér. Þar var
m.a. rætt um jafnréttismál, vinnu- og
afgreiðslutíma og launakjör og launa-
kerfi. Það vakti athygli að alls staðar er
lögð áhersla á styttri vinnudag og geysi-
leg notkun á sjálfsafgreiðslutækjum
gerir þörfina fyrir lengri afgreiðslu-
tíma minni. Danir virðast bjóða upp á
hæst byrjunarlaun í bönkunum, en þau
eru svipuð í hinum löndunum.
Eftir hádegi á miðvikudag var okkur
boðið í heimsókn í Fellesdata, sem er
ein af norsku reiknistofunum og þjónar
80% af sparisjóðunum þar í landi. Þar
var okkur kynnt starfsemi stofnunar-
innar og ýmsar nýjungar í sjálfvirkum
afgreiðslutækjum fyrir banka og versl-
anir. Voru menn að velta því fyrir sér
hvernig banki framtíðarinnar yrði.
Menn hafa mikið rætt um svonefnda
heimabanka og einnig möguleika starfs-
manna á því að vinna heima með tölvur
sem eru tengdar beint í bankann eða
viðkomandi stofnun. Reynsla þeirra í
Fellesdata var sú að um leið og starfs-
maður hætti að koma á vinnustaðinn,
þá rofnuðu öll tengsl og viðkomandi
starfsmaður gafst að lokum upp.
Að lokinni þessari heimsókn bauð
Norska bankamannasambandið okkur
í kvöldverð á stað sem heitir Dröbak.
Dröbak er við Oslófjörðinn sunnan-
verðan og sigldum við þangað og tók sú
ferð um 2 klst. Þar áttum við ánægju-
legt kvöld og var síðan ekið til baka.
Fimmtudagurinn fór allur í hópstarf
og umræður um bankamenntun og
breytingar á bankakerfinu. Um kvöldið
var kvöldvaka og var þar ýmislegt til
gamans gert.
Námskeiðinu lauk með því að fulltrúi
frá hverju sambandi skýrði frá því fyrir
hönd síns hóps hvað námskeiðið skildi
eftir sig.
Við teljum okkur vera reynslunni rík-
ari eftir þetta námskeið, þökkum fyrir
okkur og hvetjum aðra trúnaðarmenn
eindregið til að nýta þetta einstaka tæki-
færi sem þessi norræna samvinna býð-
ur upp á.
íslensku þatttakendurnir á trúnaðarmannanámskeiði NBU ásamt fræðslufulltrúa SÍB.