Morgunblaðið - 30.12.2008, Blaðsíða 36
36 MenningFÓLK
MORGUNBLAÐIÐ ÞRIÐJUDAGUR 30. DESEMBER 2008
Andri Freyr Viðarsson, útvarps-
og tónlistarmaður, hefur alið
manninn í Danmörku undanfarna
mánuði en hefur þó komið fyrir
eyru hlustenda Rásar 2 á föstudög-
um í vetur þar sem hann hefur tal-
að frá Kaupmannahöfn með hjálp
nýjustu tækni Ríkisútvarpsins.
Andri Freyr hefur þó ekki setið
auðum höndum á daginn heldur
tekið að sér hin og þessi störf og
þar á meðal leik í heimildarmynd
og lokaverkefni Janusar Braga
Jakobssonar frá Konunglega kvik-
myndaháskólanum í Kaupmanna-
höfn. Myndin verður sýnd í Rík-
issjónvarpi þeirra Dana síðar á
næsta ári og því aldrei að vita nema
nýir möguleikar opnist fyrir Andra
á leiksviðinu.
Andri Freyr í kvikmynd
Fólk
„JÁ mér finnst þetta í alvörunni góð tónlist, skemmtileg stuð-
tónlist,“ segir Curver Thoroddsen sem stendur fyrir þriðja
90’s-partíinu á gamlárskvöld ásamt Kiki-Ow.
„Auðvitað tengi ég betur við sum lögin en önnur. Ég
spila lög sem ég hataði þegar ég var unglingur eins
og „No Limits“ og ég fæ ennþá grænar bólur þegar
Kiki setur Ace of Base á, en mér finnst þetta ótrú-
lega fyndið núna.“ Curver telur að 90’s-kvöldin hafi
náð að festa sig svo í sessi vegna þess að lögin séu svo
skemmtileg. „Þetta eru stuðlög sem hægt er að syngja
og dansa með. Sum eru skemmtilega hallærisleg og
önnur kúl nostalgía og fólk leyfir sér að skemmta
sér. 90’s-kvöldin eru á ákveðnum suðupunkti
núna, alltaf troðfullt hjá okkur og svo kom út
90’s-safndiskur nýlega,“ segir Curver og tekur undir það að
þetta æði sé honum og Kiki að kenna. „Við byrjuðum með
þetta sem grínkvöld en höldum þau nú á 3-4 mánaða fresti og
það er alltaf troðfullt. Þegar við byrjuðum héldum við að
við værum aðallega að stíla inn á þann aldur sem upp-
lifði þessa tónlist á sínum tíma en hópurinn sem var
smábörn þegar þetta var í gangi hefur mikið sótt
þessi kvöld og þeim finnst það geðveikt.“
Í haust stóðu Curver og Kiki fyrir komu Had-
daway til landsins og segir Curver það á stefnu-
skránni að flytja fleiri slíkar 90’s-goðsagnir inn.
90’s-partíið á gamlárskvöld fer fram á Nasa
og hefst kl. 1 eftir miðnætti. Miðaverð er 3.500
kr. og aldurstakmark 20 ár. Forsala er á midi.is
og í Spútnik en þeir sem kaupa miða þar fá af-
slátt af 90’s-fötum. ingveldur@mbl.is
Plötusala fyrir jólin 2008 var að
flestra mati góð og dreifing á ís-
lenskum plötum mun hafa verið
með svipuðu sniði og í fyrra. Þó
mun framleiðslukostnaður hafa
verið meiri þetta árið af eðlilegum
ástæðum og því viðbúið að þegar
allur kostnaður hefur verið dreginn
frá verði hreinn hagnaður eitthvað
minni en í fyrra. Páll Óskar seldi
vel eins og fram hefur komið og
Villa Vill-platan rann greiðlega út
úr plötubúðum landsins en svo má
ekki gleyma plötu Emilíönu Torrini
sem var gríðarlega vinsæl í ár – sér
í lagi síðustu dagana fyrir jól sem
helgast af því að eintök af plötunni
voru í aðdraganda jólavertíð-
arinnar ófáanleg sökum gjaldeyr-
ishafta. Vonbrigði jólasölunnar
hljóta hins vegar að vera önnur
plata Sprengjuhallarinnar Bestu
kveðjur og Bubba-platan Fjórir
naglar en þær seldust undir vænt-
ingum. Endanlegar tölur yfir söl-
una munu hins vegar ekki koma inn
á borð útgáfufyrirtækjanna fyrr en
um miðjan janúar og því enn ekki
vitað hvaða plötum var helst skilað.
Plötusala með svipuðu
sniði og í fyrra
Re/Max-auglýsingin í miðju
Skaupi í fyrra vakti mikla athygli
þó fagurfræðilega hafi hún ekki
verið upp á marga fiska. Enn er
óvíst hvort önnur slík auglýsing
verður sýnd í ár en vitað er að síð-
asta auglýsing fyrir Áramóta-
skaupið 2008 verður auglýsing frá
Icelandair sem tekin var upp í upp-
hafi þessa árs og kynnir til leiks
nýjar innréttingar flugvélanna.
Auglýsingin mun hafa verið tekin
upp í Prag og koma um 200 auka-
leikarar við sögu í henni. Það er
stórleikarinn Ingvar E. Sigurðsson
sem talar yfir auglýsinguna en leik-
stjórn var í höndum tvíeykisins
Samúels og Gunnars hjá Saga Film.
Síðasta auglýsing fyrir
Áramótaskaup
Eftir Arnar Eggert Thoroddsen
arnart@mbl.is
ÞAÐ myndu fáir þekkja hann úti á
götu en það er eiginlega meira en
líklegt að þú sem þetta lest getir
hummað eitt, jafnvel tvö lög eftir
Togga, Þorgrím Haraldsson.
Lag hans, „Þú komst við hjartað í
mér“, naut geysilegra vinsælda í ár,
fyrst í flutningi Páls Óskars en svo
varð allt vitlaust er hljómsveitin
Hjaltalín tók það upp á sína arma.
Lagið ómar og í dag sem nokkurs
konar vögguvísa undir auglýsingu
fyrir Byr. Lag hans „Wonderful“
glumdi í auglýsingu fyrir Volkswa-
gen Golf og lagið „Sexy Beast“, af
plötu hans Puppy (2006) rataði inn í
Coke Light-auglýsingu á sínum
tíma.
Þegar sú plata kom út var Toggi
grunlaus um að hann ætti eftir að
læðast aftan að gervallri þjóðinni
með þessar þekkilegu melódíur sín-
ar. Hann var „bara“ að gefa út
plötu …
Sannfærður um gæðin
Í ljósi þessarar náðargáfu er
nokkuð merkilegt að komast að því
að Toggi hefur lagasmíðavinnuna
engan veginn sem aðalstarfa og
hann lýsir því reyndar að hann kom-
ist varla í að sinna henni. Þannig
vinnur hann fulla vinnu auk þess að
eiga unga fjölskyldu.
„Ég væri alveg til í að vinna að
þessu í fullu starfi, það er ekki það,“
segir hann og dæsir. „Íslenskar að-
stæður bjóða hins vegar ekki upp á
það. Hingað til hefur þetta, og þú
ræður hvort þú trúir því, verið röð
af hendingum. Ég sem lög, fyrst og
síðast, og er ekki að reyna að sveigja
þau eða beygja að einhverju auglýs-
ingasniði. En síðan hef ég ekkert á
móti því að lögin mín birtist þar. Það
truflar mig ekki neitt. Svo fremi að
þær skaði ekki lögin. Hingað til hafa
þær reyndar virkað sem prýðileg-
asta kynning á minni tónlist!“
Kynningin á „Þú komst við hjart-
að í mér“, lagi sem birtist upp-
runalega á plötu Páls Óskars frá því
í fyrra, Allt fyrir ástina, er reyndar
orðin miklu meira en prýðileg. Lag-
ið hefur tekið sér rækilega bólfestu í
heila og hjarta svo margra; allt frá
leikskólabörnum upp í erna borgara
sem kunna einfaldan, fallegan texta
Páls Óskars upp á hár. Toggi við-
urkennir að vinsældirnar séu nánast
búnar að vera fáránlegar.
„Ég var afskaplega sáttur við út-
gáfu Páls Óskars og ég lagði hart að
honum að setja það út sem „smá-
skífu“ og staðhæfði við hann að lagið
ætti eftir að verða algjört „monster
hitt“. Hann veðjaði hins vegar á
önnur lög í upphafi og þeim farn-
aðist reyndar afskaplega vel líka.
Svo þegar Hjaltalín tók lagið varð
allt bilað og ég hugsaði auðvitað
„Yess!“. En ég verð að segja að ég
átti aldrei von á svona rosalegu góðu
gengi. Ég vil auðvitað heitt og inni-
lega að lögin mín verði ógeðslega
vinsæl þó að ég hafi engan sér-
stakan áhuga á að verða vinsæll
sjálfur.“
Næstum búinn að henda laginu
Toggi segist ekki vera þannig höf-
undur að hann semji smelli eftir
pöntun. Ef slík pressa sé sett á hann
fari hann í baklás. Þetta verði að
hafa sinn gang.
„Ég fæ sjaldan andann yfir mig
eins og það er kallað. Ég held að
slíkt hafi gerst einu sinni, og þá rann
fullbúið lag út. Helv … gott lag
reyndar. Almennt þarf ég að hafa
mikið fyrir þessu, ég sit við í marga
klukkutíma, marga daga. Maður
klaufast áfram með einhverja
hljóma og prófar hitt og þetta. Ferl-
ið tekur oft óratíma og maður er að
berjast við ýmsar meinlokur, ýtandi
slæmum hugmyndum frá.“
Toggi segist þó gefa sér það að
hann hafi gott skynbragð á hvað það
er sem grípur og hvað ekki.
„Ég finn vel fyrir því þegar eitt-
hvað er EKKI að virka. Ætli það sé
ekki einhver poppradar í mér, ég
þoli t.a.m. ekki gítarsóló og óþarfa
stærilæti og flúr. Þetta er líklega
gamli pönkarinn í mér. Ég vil hafa
þetta hnitmiðað, einfalt og allt
óþarfa rugl er eitur í mínum popp-
beinum!“
Toggi segist þannig óhræddur við
að henda því sem hann telji ekki
nógu gott eða er þá hreinlega orðinn
leiður á. Og þannig fór næstum því
fyrir perlunni sem er ástæða þess-
ara skrifa.
„Ég gæti vel samið lög allan dag-
inn en trikkið er auðvitað að semja
góð lög,“ segir hann. „Ég hendi því
miklu og klára ekki mikið af lögum.
Athugaðu að ég var búinn að henda
„Þú komst við hjartað í mér“. Þetta
var bara eitt af þessum lögum sem
ég vissi ekki almennilega hvert ætti
að fara og það var á tímabili komið
langleiðina í tunnuna.“
Hann lýsir því að hann hafi samið
versin á staðnum fyrir framan Pál
Óskar.
„Ég var með viðlagið en bullaði
versin á staðnum til að hafa eitthvað
með. Hann var ekki sérstaklega
sannfærður!“
Spurning?
Á nýju ári verður Togga mest um-
hugað um að koma út nýrri plötu
sem myndi fylgja í kjölfar áð-
urnefndrar Puppy. Nýtt lag, „Silly
Old Song“ er þá farið í útvarps-
spilun.
„Svo er spurning um að ég fari
sjálfur að tækla þetta geysivinsæla
lag mitt,“ segir hann. „Hver veit?
Kannski það slái enn frekar í gegn á
næsta ári þannig …“
Hann kom við hjartað í okkur
Hulunni svipt af Togga, sem á langvinsælasta lag ársins, hið stórkostlega „Þú
komst við hjartað í mér“ „Vissi að það yrði vinsælt. En ...,“ segir höfundurinn
Morgunblaðið/Golli
Salt jarðar Toggi er starfsmannastjóri hjá Garðlist sem sér m.a. um að halda göngustígum borgarinnar hreinum.
„Það er gott að hafa „venjulega“ vinnu meðfram tónlistinni,“ segir Toggi. „Það skerpir á sköpuninni ef eitthvað er.“
Og hver er svo galdurinn á bak
við smellasmíði? Hvað segir
lagahöfundur ársins um þá iðn?
„Málið er að hafa þetta nægi-
lega einfalt. Það er allt og
sumt,“ útskýrir Toggi. „Þú
komst við hjartað í mér“ er
bjánalega einfalt lag, viðlagið er
t.a.m. tveir hljómar. Þú getur
sungið sex önnur Toggalög yfir
melódíunni. Ég er ekki góður
hljóðfæraleikari og held hljóma-
ganginum því einföldum. Gald-
urinn er svo að flækja hlutina
með flottum söngmelódíum.“
Leyndarmálið
Partídýr DJ Kiki-Ow og DJ Curver.
Curver spilar lög sem hann hataði sem unglingur