Árbók Tannlæknafélags Íslands - 01.01.1966, Page 36

34
Foreldrar hvers barns voru beðnir að útfylla ættarskýrslu,
þar sem spurzt var fyrir um eftirfarandi fjölskyldumeðlimi:
Foreldra, afa og ömmur, systkini barnsins, systkinabörn barns-
ins, systkini og systkinabörn foreldra. Einnig voru foreldrar
barnanna beðnir að geta nafns, aldurs og heimilisfangs ann-
arra fjölskyldumeðlima, sem vissa var fyrir, að fæðzt höfðu
með einhverja mynd CL/CP.
Alls tókst að ná saman ættarskýrslum 80 CL/CP sjúklinga.
Samvinna fólks var yfirleitt með afbrigðum góð, og áhugi
og fróðleikur íslendinga viðvíkjandi ættum sínum auðveld-
aði mjög þennan þátt rannsóknarinnar. Skiptingu þessara
sjúklinga samkvæmt kyni og mynd líkamsgallans má sjá í
Skrá VI. Þessi skipting er svo til hin sama og kom í ljós, þeg-
ar öll íslenzk CL/CP tilfelli voru til athugunar (sjá Skrá V).
Má því segja, að þessi 80 tilfelli gefi gott yfirlit yfir arfgengi
CL/CP á íslandi.
Við athugun þessara 80 ættarskýrslna kom í ljós, að helm-
ingur þeirra skýrði frá tveimur eða fleiri ættingjum með
CL/CP, þ. e. a. s. fimmtiu af hundraði bentu til arfgengis
CL/CP innan ættarinnar.
Þótt helmingur þessara tilfella hafi getað bent á nær- eða
fjarskyldan ættingja með álíka líkamsgalla og sjúklingurinn
sjálfur, verður í þessari grein fjallað um arfgengi eingöngu,
ef um nærskyldan ættingja er að ræða.
Samkvæmt Skrá VII vissu 19 CL/CP tilfelli (eða 23.8%)
um nærskylda ættingja með álíka líkamsgalla. Ef þessum
19 tilfellum er raðað niður eftir mynd likamsgallans, má
sjá, að 13 af 58 (22.4%) CL(P) sjúklingum vissu um nær-
skyldan ættingja með CL/CP, og 6 af 13 (27.3%) CP sjúkl-
inganna bentu á nærskyldan CL/CP ættingja.
Þessi 13 CL(P) tilfelli vissu alls um 21 nærskyldan ætt-
ingja með álíka líkamsgalla. Af þessum 21 ættingja voru 19
með sams konar líkamsgalla og sjúklingurinn sjálfur, þ. e.
a. s. CL(P), og aðeins 2 holgóma (CP). Holgóma sjúkling-
arnir gátu bent á sjö ættingja, sem einnig voru með líkams-