Morgunblaðið - 14.02.2009, Qupperneq 4

4 FréttirINNLENT
MORGUNBLAÐIÐ LAUGARDAGUR 14. FEBRÚAR 2009
40 - 80%
afsláttur
Eftir Önund Pál Ragnarsson
onundur@mbl.is
FULLT var út úr dyrum á útboðs-
þingi á Grand Hótel í gær. Meiri
mæting var þar frá verktökum en
gert var ráð fyrir. Ljóst er að allir
vildu kynna sér hvað er í boði á
árinu, enda fátt um fína drætti. Má
búast við að hart verði slegist um
verkin í tilboðsgerðinni. Þingið er
haldið af Samtökum iðnaðarins, Fé-
lagi vinnuvélaeigenda og Mannvirki,
félagi verktaka.
Segja má að á þinginu hafi í heild-
ina verið farið yfir yfirstandandi og
væntanlegar verkframkvæmdir á
þessu ári, sem nema kostnaði upp á
um 58 milljarða króna. Í fyrra var
þessi upphæð áætluð 130 milljarðar í
upphafi árs og samdrátturinn því
gríðarlegur. Af þessum 58 millj-
örðum á líklega enn eftir að bjóða út
framkvæmdir fyrir á bilinu 40-44
milljarða króna.
Óskar Bergsson, formaður borg-
arráðs Reykjavíkur, upplýsti að
borgin muni verja tæpum 11 millj-
örðum króna í framkvæmdir. Þar af
rúmum sjö milljörðum í stofn-
framkvæmdir en tæpum fjórum í
viðhald eigna. Hann sagði að reynt
væri að hafa framkvæmdir mann-
aflsfrekar og sýndi fram á að við
stofnframkvæmdir fari um 70% af
kostnaðinum í innlent byggingarefni
og laun fyrir vinnu.
Svo eitthvað sé nefnt af því sem
farið var yfir á þinginu, þá verður
55% samdráttur í fjárfestingum
Orkuveitu Reykjavíkur á þessu ári
frá því síðasta. Fjárfest verður fyrir
12,7 milljarða, þar af fyrir 7,8 millj-
arða í nýjar virkjanir og rannsóknir.
Vegagerðin mun setja um 11 millj-
arða í viðhaldsframkvæmdir og tæp-
an 21 milljarð í stofnkostnað á árinu,
þar af 14,5 milljarða í verk sem þeg-
ar eru komin í gang og sex milljarða
í verk sem á eftir að bjóða út. Á veg-
um Framkvæmdasýslu ríkisins
verður unnið fyrir 4,1 milljarð á
árinu, en mörg verkefni þar eru lítil
að vöxtum. Þar eru því verkefni fyrir
um tvo milljarða í boði, sem nema
minna en tíu milljónum hvert og eru
því ekki útboðsskyld. Þar er því eftir
einhverju að slægjast fyrir marga
minni verktaka.
58 milljarðar í verkin
Enn á eftir að bjóða út opinberar fram-
kvæmdir fyrir 40-44 milljarða á árinu
Morgunblaðið/Sverrir
Malbikun Mannaflsfrek vinna.
ALLS voru rúm-
lega 24,6 millj-
arðar króna í
seðlum og mynt
í umferð um síð-
ustu mán-
aðamót. Það er
því ljóst að 4,3
milljarðar hafa
skilað sér aftur
til Seðlabankans
eftir bankahrun-
ið, en í október
nam fjárhæðin
28,950 milljörðum króna og hafði
aukist um 12,9 milljarða milli
mánaðamótanna september og
október, eða um rúm áttatíu pró-
sent.
Tryggvi Pálsson, fram-
kvæmdastjóri fjármálasviðs Seðla-
bankans, segir að þetta mikla
seðlamagn í umferð sé merki um
óróa. „Eins og tölurnar sýna hefur
þó verið að koma smám saman
meira inn til Seðlabankans.“
Tryggvi segir magn peningaseðla
landsmanna í umferð ekki
áhyggjuefni nema þeir séu óvar-
lega geymdir. „Segja má að þetta
séu afar hagstæð viðskipti fyrir
ríkið. Seðlarnir bera jú enga
vexti.“ Vaxtalaust fé skili sér í
betri afkomu Seðlabankans.
„Þetta er hinn svonefndi mynt-
sláttuhagnaður,“ útskýrir Tryggvi
og bendir á að fyrir hvert prósent
sem fólk verði af í verðbótum og
vöxtum af tíu milljörðum hærri
seðlaeign missi það 100 milljónir
króna á ári. gag@mbl.is
Milljarðar
af götunni
AÐ SÖGN Einars Sigurðssonar, for-
stjóra Árvakurs, lá fyrir að sam-
keppnisyfirvöld myndu með ströng-
um skilyrðum heimila samvinnu á
sviði prentunar og dreifingar sem
myndi skapa báðum útgáfufyr-
irtækjunum færi á verulegri hag-
ræðingu. „Hluti af þeim skilmálum
hentaði ekki 365, eins og sakir
standa, og því náðist ekki niðurstaða
í málinu. Við teljum hins vegar, að
vilji sé fyrir því af hálfu samkeppn-
isyfirvalda að taka málið upp að
nýju ef forsendur breytast.“
Aðspurður segist Einar ekki
reikna með að niðurstöðu Sam-
keppniseftirlitsins verði áfrýjað. Þá
telur hann ekki, að niðurstaða Sam-
keppniseftirlitsins hafi áhrif á sölu-
ferli Árvakurs, sem nú er á lokastigi,
þar sem lengi hafi legið fyrir að
þetta kynni að verða niðurstaðan.
Ekki áhrif
á söluferlið
ÞAÐ hefur farið meira fyrir mótmælum og ósætti en
kærleika og friði á Austurvelli undanfarið. Þeir komu
þó fullir af hlýhug krakkarnir úr Frístund í Háteigs-
skóla sem hér sjást afhenda Valgerði Sverrisdóttur,
þingmanni Framsóknarflokksins, hjarta. Krakkarnir
bjuggu til 63 hjörtu sem þau ætla þingmönnum þjóð-
arinnar. Hjörtunum er ætlað að minna á kærleikann og
Kærleikana sem haldnir verða á Austurvelli kl. 18 í dag
og eru þáttur í Vetrarhátíð sem sett var í gær.
annaei@mbl.is
Kærleikar á Austurvelli
Morgunblaðið/Heiddi
Hlýjar kveðjur í þinghúsið
SAMKEPPNISEFTIRLITIÐ ógilti
í gær samruna Árvakurs hf., Frétta-
blaðsins ehf. og Pósthússins ehf. Í
ákvörðun Samkeppniseftirlitsins
segir að af samruna hefði leitt að
Morgunblaðið, Fréttablaðið ehf.,
Landsprent ehf. (prentsmiðja Ár-
vakurs) og Pósthúsið ehf. (sem nú
annast dreifingu Fréttablaðsins)
hefðu verið í eigu eins og sama aðila,
þ.e. Árvakurs.
Þá hefðu 365 miðlar ehf. ennfrem-
ur komið inn í hluthafahóp Árvakurs
sem stærsti hluthafinn með ríflega
þriðjungs hlut. „Það er niðurstaða
Samkeppniseftirlitsins að samrun-
inn hefði falið í sér mjög alvarlegar
samkeppnishömlur á mörkuðunum
fyrir útgáfu dagblaða, auglýsingar í
dagblöðum, dreifingu dagblaða og
prentun dagblaða,“ segir m.a. í
fréttatilkynningu frá eftirlitinu.
Samrunaaðilum var sent
andmælaskjal í upphafi desember sl.
Í framhaldinu óskuðu félögin eftir
viðræðum um hvort unnt væri að
heimila samrunann með skilyrðum í
stað þess að ógilda hann. Samkeppn-
iseftirlitið var reiðubúið að taka til
skoðunar hvort unnt væri að heimila
með skilyrðum samruna og samstarf
í dagblaðaprentun og dagblaðadreif-
ingu. „Hugmyndir samrunaaðila
byggðu á því að Fréttablaðið, ásamt
Morgunblaðinu, yrði prentað hjá
Landsprenti, sem áfram yrði í eigu
Árvakurs. 365 miðlar ehf. myndu
hins vegar ekki eignast hlut í Ár-
vakri. Dagblaðadreifing yrði á vett-
vangi Pósthússins ehf. sem yrði í
sameiginlegri eigu Árvakurs og 365
miðla efh. […] Viðræðum félaganna
og Samkeppniseftirlitsins lauk án
þess að sátt næðist um skilyrðin. Var
annað félagið ekki tilbúið að fallast á
skilyrði sem voru nauðsynleg til þess
að afstýra samkeppnishömlum.“
silja@mbl.is
Samruni Árvakurs og
Fréttablaðsins ógiltur
Hefði falið í sér mjög alvarlegar samkeppnishömlur
STEINGRÍMUR J. Sigfússon fjár-
málaráðherra lagði fram frumvarp
til laga um afnám laga um eftirlaun
forseta Íslands, ráðherra, alþingis-
manna og hæstaréttardómara á
ríkisstjórnarfundi í morgun. Ekki
hafa fengist upplýsingar um hvað
felist í frumvarpinu.
Alþingi samþykkti 22. desember
sl. breytingar á eftirlaunalögum frá
árinu 2003 en þau hafa valdið mikl-
um deilum í samfélaginu.
Þrátt fyrir að þingmenn hafi al-
mennt lýst yfir ánægju með frum-
varpið vildi stjórnarandstaðan, á
þeim tíma, hins vegar ganga lengra
og láta æðstu ráðamenn greiða í
Lífeyrissjóð starfsmanna ríkisins.
Eftirlauna-
lögin verði
aflögð
76% fullorðinna fóru ein í einkabíl
til vinnu eða skóla í nóvember og
desember 2008 og 66% grunn-
skólabarna gengu í skólann sinn.
Þetta kemur fram í könnun Um-
hverfis- og samgöngusviðs á ferða-
venjum.
Í könnuninni var spurt með
hvaða hætti fólk ferðast að jafnaði
til vinnu eða skóla á morgnana. Í
ljós kom að 76% fóru ein í einka-
bíl, 7% fóru gangandi til vinnu eða
skóla, 6% með strætó, 2% á reið-
hjóli, 8% sem farþegar í bifreið og
2% með öðrum hætti.
Sama spurning var lögð fyrir ár-
ið 2006 og þá reyndust 73% svar-
enda fara ein í einkabíl til vinnu
eða skóla.
Einnig var spurt í könnuninni
hvernig barnið hefði farið í skól-
ann. Fóru 66% barna fótgangandi í
skólann, 31% í einkabíl, 5% á hjóli,
4% með strætó og tæplega 1%
með öðrum hætti. annaei@mbl.is
Fjöldi einfara
í umferðinni
Morgunblaðið/Ómar