Morgunblaðið - 26.05.2009, Blaðsíða 12

12 FréttirINNLENT
MORGUNBLAÐIÐ ÞRIÐJUDAGUR 26. MAÍ 2009
Handbók með ítarlegum upplýsingum og veiðikortum fylgir.
Fæst hjá N1, í veiðivöruverslunum og á www.veidikortid.is
31 vatnasvæði vítt og breitt um
landið fyrir aðeins 6000 krónur
Þú
ákveður
svo hva
r og
hvenær
þú
veiðir
veidikortid.is
Hver seg
ir að
það sé d
ýrt
að veiða
?
ÞREFALT eftirlitskerfi er með meðferðarheimilum
hér á landi og erfitt að bæta það enn frekar án þess
að íþyngja verulega bæði börnum og starfsfólki, að
sögn Braga Guðbrandssonar, forstjóra Barnavernd-
arstofu.
Fyrrverandi starfsmaður meðferðarheimilis fyrir
unglinga hefur verið kærður fyrir kynferðisofbeldi
gegn þremur unglingsstúlkum á heimilinu. Manninum
hefur verið vikið endanlega úr starfi og gerir rann-
sóknardeild lögreglunnar á Akureyri ráð fyrir að málið
verði sent til ríkissaksóknara í næstu viku.
Það var fyrir rúmu ári að málið kom fyrst upp.
Dvöldu þá tvær stúlknanna, sem nú er kært vegna, á
meðferðarheimilinu. Greindi önnur þeirra frá því að
maðurinn hefði beitt sig og hina stúlkuna kynferðisof-
beldi. Framburður stúlknanna stangaðist hins vegar á,
maðurinn neitaði sök og kæran var felld niður. Mað-
urinn var hins vegar fluttur til í starfi. Hann fór að
vinna á meðferðarheimili fyrir drengi en sneri aftur á
gamla vinnustaðinn er því var lokað.
Í mars sl. tilkynnti síðan þriðja stúlkan, að maðurinn
hefði beitt sig kynferðisofbeldi. Að sögn Braga var um
stakt atvik að ræða, sem stúlkan tilkynnti í skólanum
næsta dag og hófst rannsókn samstundis. Skömmu síð-
ar barst kæra frá stúlkunni sem áður hafði neitað að
hafa verið beitt ofbeldi. annaei@mbl.is
Erfitt að bæta eftirlitið
 Fyrrverandi starfsmaður meðferðarheimilis kærður fyrir kynferðisofbeldi
Í HNOTSKURN
»Óháður eftirlitsmaður ogsérfræðingar Barnavernd-
arstofu heimsækja meðferðar-
heimilin reglulega og ræða við
börnin einslega.
»Sálfræðingar starfa á öll-um heimilunum og er líðan
hvers barns skráð hálfsmán-
aðarlega.
Eftir Líneyju Sigurðardóttur
Þórshöfn | Fjölmennt var í verslun
Samkaupa á Þórshöfn í síðustu viku
þegar leikskólabörnin ásamt nem-
endum 1. og 2. bekkjar grunnskól-
ans komu þangað með listaverkin
sín, sem prýða áttu heilan vegg í
versluninni. Samkaup buðu þessu
unga listafólki að skreyta vegginn
og er hann nú þakinn líflegum
myndverkum sem gleðja augu við-
skiptavina verslunarinnar.
Að launum fengu listamennirnir
veitingar, köku og ávexti, og voru
að lokum kvaddir með litlum gjöf-
um frá versluninni. Morgunblaðið/Líney Sigurðardóttir
Myndlist
barnanna í
Samkaupum
BISKUP Íslands
hefur auglýst
embætti sóknar-
prests í Hafnar-
fjarðarpresta-
kalli laust til
umsóknar og
veitist embættið
frá og með 1. júlí
nk.
Núverandi
sóknarprestur er
sr. Gunnþór Ingason, en hann hef-
ur gegnt starfinu síðan 5. júní
1977, eða í 32 ár. Sr. Gunnþór
hverfur til annarra starfa innan
kirkjunnar. Prestur Hafnarfjarð-
arprestakalls er sr. Þórhallur
Heimisson.
Tekið er fram í auglýsingu bisk-
ups, að hann muni skipa í embættið
til fimm ára, en það er valnefnd
sem velur sóknarprestinn. Um-
sóknarfrestur er til 23. júní nk.
sisi@mbl.is
Nýr prestur
í Hafnarfirði
Séra Gunnþór
Ingason
FORSÆTISNEFND Alþingis sam-
þykkti í gær tillögu forseta Al-
þingis, Ástu R. Jóhannesdóttur,
um að svokallað „aðstoðar-
mannakerfi“ fyrir landsbyggð-
arþingmenn yrði lagt niður,
a.m.k. tímabundið, af fjárhags-
ástæðum.
Einnig var samþykkt að „að-
stoðarmannakerfið“ yrði endur-
metið með hliðsjón af reynslunni
sem fengist hefur af því.
Samningar við aðstoðarmenn
frá síðasta kjörtímabili féllu nið-
ur við þingrof og kosningar.
Aðstoðarmenn
þingmanna aflagðir
STANGVEIÐI
Eftir Einar Fal Ingólfsson
efi@mbl.is
VEIÐI er hafin á urriðasvæðunum
í Laxá í Aðaldal. Á svæðum SVFR,
Staðar- og Múlatorfu, Hrauni og
Presthvammi, mun veiðin hafa farið
ágætlega af stað, en mikið vatn er í
ánni og náttúran sögð nokkuð sein af
stað sökum vorkulda.
Í vikunni hófst einnig í fyrsta skipti
skipulögð silungsveiði á svæðum Lax-
árfélagsins, fyrir utan Hólmavað-
sveiðar. Veitt er til 19. júní, er lax-
veiðin hefst. Að sögn Jóns Eyfjörð,
sem hefur umsjón með þessu „nýja“
svæði, byrjaði veiðin vel en hann seg-
ir að þessi svæði hafi verið „vannýtt
auðlind“, enda sé mikið af vænum sil-
ungi þarna eins og á öðrum svæðum
Laxár.
„Við fengum 19 urriða á tvær
stanganna á þremur vöktum,“ sagði
Jón. Hann segir mikið af urriðanum
um tvö pund en þeir félagarnir fengu
líka einn 65 cm langan, sem hann
áætlaði að hefði vegið 6,5 til 7 pund,
og nokkra sem voru 50 til 55 cm lang-
ir. „Flestir tóku straumflugu, Dýrbít
með mjög þungum haus,“ sagði Jón.
Í gær fréttist af veiðimönnum sem
voru á svæðinu og höfðu fengið á ann-
an tug fiska yfir daginn á tvær stang-
ir, allt á púpur andstreymis.
Stórlaxar í Vopnafirði
Greint hefur verið frá því á frétta-
vefjum veiðimanna, að tveir sannkall-
aðir stórlaxar hafi veiðst í gráslepp-
unet í Vopnafirði. Munu fiskarnir
hafa vegið 14 kíló hvor, 28 pund,
blóðgaðir. Laxarnir munu vera í
reykhúsi norðan heiða.
Grásleppuvertíðin var framlengd
um viku og geta þeir grásleppu-
veiðimenn sem síðast byrjuðu, í lok
maí, og nýta alla 62 dagana, veitt inn í
júnímánuð. Veiðimenn velta fyrir sér
hvort algengt sé að laxar, sem nálgast
heimaslóðir, villist í netin.
Ljósmynd/Jón Eyfjörð
Urriða landað Jón Sigurðsson landar einum við Laxá nærri Laxamýri. Magnús Böðvar Eyþórsson mundar háfinn.
Urriðar á laxasvæðinu
Í HNOTSKURN
» Hafin er skipulögð sala ásilungsveiðileyfum á flest
svæði Laxárfélagsins í Laxá í
Aðaldal. Veitt er á 10 stangir
til mánaðamóta en síðan með
12 stöngum til 19. júní. Upp-
lýsingar um veiðisvæðið eru á
vefnum www.silunga.net.
 Urriðaveiði hafin á svæðum Laxárfélagsins  Hefur verið
„vannýtt auðlind“  Stórlaxar sagðir veiðast í grásleppunet