Morgunblaðið - 26.05.2009, Page 36

36 MenningFÓLK
MORGUNBLAÐIÐ ÞRIÐJUDAGUR 26. MAÍ 2009
Fólk
Eftir Birtu Björnsdóttur
birta@mbl.is
„ÉG spjallaði aðeins við Paris eftir uppá-
komuna, hún er mjög sérstök stúlka,“ sagði
Ingvar Þórðarson kvikmyndaframleiðandi
sem staddur var ásamt fríðu föruneyti á kvik-
myndahátíðinni í Cannes á dögunum.
Umrædd uppákoma var djarfur dans sem
glaumdrottningin Paris Hilton steig við kær-
asta sinn, Doug Reinhardt, í veislu á kvik-
myndahátíðinni.
Atlotin voru mynduð í bak og fyrir og hafa
myndirnar sést á fjölmörgum fréttamiðlum
síðustu daga.
„Ég var með Pedro Amodovar, Penelope
Cruz og fleirum í frumsýningarpartíi eftir
myndina hans og eftir það lá leiðin á
skemmtistaðinn Jimmy’s. Þar var Paris Hilton
og þegar hún sá Almodovar spratt hún upp
og fór að dilla sér um gólfið,“ segir Ingvar.
„Ég hef nú ekki farið á strippstað en ég
ímynda mér að gjörningurinn hafi verið svip-
aður því sem fram fer á slíkum stöðum,“
bætti hann við.
Síðar um kvöldið ræddi Ingvar við Paris,
sem hann segir að sé viðkunnanleg og hress
stúlka.
Paris Hilton vakti talsverða athygli á kvik-
myndahátíðinni en hún kom mjög víða við og
var mynduð í bak og fyrir á rauða dreglinum
sem og víðar.
Paris Hilton dansaði fyrir Almodovar og Ingvar
Reuters
Hress Paris Hilton fór ekki leynt með ánægju
sína með kærastann Doug Reinhardt.
 Eins og fram hefur komið ætlar
Evróvisjón-hetjan Jóhanna Guðrún
að hamra járnið meðan heitt er, og
halda stórtónleika í Laugardals-
höllinni hinn 4. júní næstkomandi.
Ljóst er að söngkonan unga spennir
bogann ansi hátt, enda ekki á færi
hvers sem er að fylla Höllina. Vissu-
lega hefur Jóhanna Guðrún notið
mikilla vinsælda eftir frábæran
árangur sinn í Moskvu, en hvort
nokkur þúsund manns séu tilbúnir
til að borga 3.900 eða 4.500 krónur
til að sjá hana er hins vegar önnur
saga. Þá vekur tímasetning tón-
leikanna óneitanlega athygli, en
þeir hefjast kl. 21 og því ljóst að
tónleikarnir miðast ekki við stærsta
aðdáendahóp söngkonunnar; nefni-
lega börnin.
Aðstandendur tónleikanna vinna
annars að því um þessar mundir að
fá norska sigurvegarann Alexander
Rybak til þess að koma fram á tón-
leikunum, en takist þeim það þurfa
þeir varla að hafa áhyggjur af
miðasölu, sem er nú þegar hafin á
midi.is.
Tekst Jóhönnu Guð-
rúnu að fylla Höllina?
 Einhver allra mest lesna bók
landsins, Símaskráin, kemur út í
dag. Þótt sífellt fleiri kjósi að fletta
upp símanúmerum á netinu naut
Símaskráin í fyrra mikilla vin-
sælda, og má ef til vill rekja þær
vinsældir til myndskreytinga Hug-
leiks Dagssonar í skránni, en þær
nefndi hann einu nafni Garð-
arshólma. Bókin var rifin út og mun
fleira yngra fólk sótti hana en árin
þar á undan. Reyndar var ásóknin
slík að fyrsta upplag kláraðist á
þremur dögum, og var það mál
manna að Símaskráin hefði aldrei
verið skemmtilegri.
Forsvarsmenn Símaskrárinnar
ákváðu að endurtaka leikinn og
fengu þeir Hugleik til að semja eins
konar framhald af Garðarshólma,
og mun það birtast í Símaskránni
2009. Nú er bara spurning hvort
hún verður jafnskemmtileg og í
fyrra.
Símaskráin jafn-
skemmtileg og síðast?
Eftir Ásgeir H Ingólfsson
asgeirhi@mbl.is
ANNA er tólf ára stúlka sem býr með
óléttri móður sinni í dönskum
smábæ, pabbinn er stunginn af. Hún
er búin að uppgötva fyrstu ástina –
þótt hún eigi það til að tjá þá ást með
því að berja strákgreyið með fullum
ruslapokum.
Anna þessi er einmitt titilpersónan
í mynd Rúnars Rúnarssonar sem var
frumsýnd í Cannes á föstudaginn og
ég hitti Rúnar rétt eftir sýninguna
bak við farandskúr við aðalgötuna og
spurði hann hvað þetta væri með
hann og unglingsárin, en andlegur
skyldleiki myndarinnar við Smáfugla
er töluverður.
„Allar myndir sem ég geri fjalla
um fólk sem er á vendipunkti í lífinu,
á þessum krossgötum: í Smáfuglum
eru unglingar að verða fullorðnir, í
Önnu er barn að verða unglingur og í
Síðasta bænum er aðalpersónan mað-
ur sem er kominn yfir götuna og lítur
til baka.“
Stúlkan sem leikur Önnu heitir
Marie Hammer Boda og það kemur
mér töluvert á óvart þegar Rúnar
segir mér að leikkonan sjálf sé aðeins
tólf ára. „Fyrir réttu ári var ég að
gera eina af skólamyndunum og eins
og ég hafði gert í Smáfuglum hafði ég
alla anga úti, ég fann Marie þannig.
Hún hafði aldrei verið fyrir framan
myndavél, aldrei leikið á ævinni.“
Anna í Hundabæ
Allar þessar skólamyndir þýða að
það var ekki sérstakt átak að gera
Önnu á dönsku. „Ég er náttúrlega
búinn að búa í Danmörku í sjö ár og
vera í skólanum í fjögur ár, þannig að
ég er alveg mellufær á dönsku. Þá er
ég búinn að gera nokkrar myndir í
skólanum, við gerum tvær til þrjár á
ári og erum endalaust að vinna með
leikurum.“ En hver er munurinn á
dönskum og íslenskum smábæjum?
„Ég hef ekki upplifað danskan
smábæ, ég er bara að búa til minn
eigin. Við fundum þennan bæ og
gerðum okkar eigin höfn, eins og mér
finnst að höfn eigi að vera – og það
passar víst ágætlega við það hvernig
litlir fiskibæir eru á Norður-Jótlandi,
en það var bara of dýrt fyrir okkur að
fara þangað.“ Bærinn sem myndin er
tekin í heitir Hundestad, Hunda-
staður – eða Dogville á ensku segir
Rúnar og vísar þar til samnefndar
myndar Lars von Trier.
En hver er framtíð myndarinnar
eftir Cannes? „Við kláruðum mynd-
ina fyrir tveimur vikum, en við erum
þegar byrjuð að fá boð. Hún er 35
mínútur sem þýðir að það er ekki úr
jafnmörgum hátíðum að moða og
með styttri stuttmyndir,“ segir Rún-
ar og bætir við að enn sé óvíst hve-
nær hún verði sýnd á Íslandi. Myndin
er síðasta stóra verkefni Rúnars í
danska kvikmyndaskólanum, en það-
an útskrifast hann í júlí. Þetta er hins
vegar fyrsta skólaverkefnið sem má
sýna fyrir utan skólann. Og Rúnar er
feginn að geta nú farið að einbeita sér
að því að gera myndir fyrir stærri
áhorfendahóp. „Það er hundleiðinlegt
að vera alltaf að gera myndir fyrir
sama áhorfendahóp, sem eru sam-
nemendur og misvitrir kennarar. En
þegar ég byrja þá geri ég hins vegar
ekki myndir fyrir sérstakan áhorf-
endahóp, það skiptir ekki máli hvort
þær fara á flakk eða ekki, maður
gleymir sér í vinnunni. Og svo byrjar
einhver skítavinna að markaðssetja
og æla þessu út.“
Rúnar er með mynd hér í Cannes
annað árið í röð og kann ágætlega við
sig. „Það sem ég kann vel við á hátíð-
inni er að útgangspunkturinn er bíó-
myndirnar og kvikmyndaformið en til
þess að fá peningana til að reka batt-
eríið er hent í mjög mikinn glassúr,
stjörnur og rauða dregla og fín föt til
þess að halda utan um þetta. Þetta er
vissulega hálfskitsófrenískur staður.“
Leikstjóri á krossgötum
 Rúnar Rúnarsson frumsýnir stuttmyndina Önnu í Cannes  „Við kláruðum
myndina fyrir tveimur vikum, en við erum þegar byrjuð að fá boð,“ segir hann
Morgunblaðið/ Halldór Kolbeins
Rúnar í Cannes Leikstjórinn hefur þegar fengið boð í Önnu.
Eftir Birgi Örn Steinarsson
biggi@mbl.is
SÖGULEGAR sættir náðust innan
STEFs á aðalfundi samtakanna síð-
astliðinn laugardag þegar Tónskálda-
félag Íslands og FTT komust að sam-
eiginlegri niðurstöðu um áralöng
deilumál sín.
Gerðar voru breytingar á úthlut-
unarreglum STEFs er deilt hefur
verið um í áratugi. Samþykkt var að
leggja niður svokallað punktakerfi
fyrir útvarps- og sjónvarpsspilun, þar
sem tónlist var raðað niður í mismun-
andi verðflokka eftir úrskurði mats-
nefndar á tónverkum og innihaldi
þeirra. Punktakerfið er þó enn við
lýði við tónleikahald. Á móti kemur að
þeir félagar TÍ er leggjast í að semja
löng og tímafrek verk geta sótt styrki
til sérstaks sjóðs er stofnað verður til.
Einnig voru gerðar breytingar á
samþykktum STEFs er lúta að
stjórnarfyrirkomulagi.
„Þetta er mikill léttir og ég held að
það verði friðsamlegt innan STEFs
eftir þetta,“ segir Sigurður Flosason
tónlistarmaður er hefur setið í stjórn
FTT um langt skeið og verið virkur í
samningsviðræðum á milli félaganna.
„Breytingarnar að stjórnarfyr-
irkomulaginu snúa að því að draga úr
vægi félaganna tveggja og þannig fá
utanfélagsmenn aðeins meira vægi.
Það verður heldur einfaldara að ná
fram breytingum með atkvæða-
greiðslu, en hér áður var það nánast
ógerningur. Þá þurfti maður að sann-
færa helminginn af félagsmönnum
hins félagsins svo nokkuð gæti gerst
sem þýðir að það var útilokað. Það er
ekki þar með sagt að menn vilji endi-
lega gera breytingar en það er óþægi-
legt að finnast maður vera inni í boxi
sem maður kemst ekki út úr. Það
verður áfram erfitt að gera breyt-
ingar enda held ég að það sé allt í lagi.
Við eigum að vera íhaldssöm samtök
sem eiga að fara varlega og forðast
hallarbyltingar.“
Sátt innan STEFs
Morgunblaðið/Golli
Agent Fresco Eftir þær breytingar sem gerðar hafa verið fær hljómsveitin
borgað það sama fyrir hverja mínútu í útvarpi og til dæmis Atli Heimir.
Félag tónskálda og textahöfunda og Tónskáldafélag Íslands útkljá deilumál sín
En ætli Rúnar eigi eftir að koma
aftur til Cannes og taka þátt í
aðalkeppninni? Fyrsta myndin í
fullri lengd er í burðarliðnum,
en við þurfum sjálfsagt að bíða
einhvern tíma eftir henni. „Nú
er bara að setjast niður og klára
að skrifa handrit, svo er fjár-
mögnun, meiri skrif – þetta tek-
ur örugglega meira en ár áður
en ég get farið að taka myndina.
Þetta er bara eins og að moka
skurð,“ segir Rúnar.
Að moka skurð