Morgunblaðið - 26.05.2009, Blaðsíða 26

26 Minningar
MORGUNBLAÐIÐ ÞRIÐJUDAGUR 26. MAÍ 2009
✝ Snorri PállSnorrason læknir
fæddist á Rauðavík á
Árskógsströnd 22.
maí 1919. Foreldrar
hans voru Snorri
Halldórsson héraðs-
læknir, símstjóri og
oddviti á Breiðaból-
stað á Síðu f. á Hall-
freðarstöðum í Hró-
arstungu 18.10. 1889,
d. í Reykjavík 15.7.
1943, og Þórey Ein-
arsdóttir f. á Hömrum
í Eyjafirði 18.9. 1888
d. 29.3. 1989. Bróðir Snorra var
Halldór f. 1924. d. 2007, maki Krist-
ín Magnúsd og áttu þau 1 son, en
Halldór átti 2 dætur af fyrra hjóna-
bandi. Hálfsystkini Snorra í föð-
urætt eru: Sigurbjörg f. 1929. d.
2005, maki Sveinn Ásgeirsson áttu
3 börn. Guðmundur f. 1931, maki
Bryndís Elíasd. eiga 3 börn. Egill f.
1936, d. 1994, maki Svana Trygg-
vad, áttu 3 börn. Hálfsystkini
Snorra í móðurætt eru Sóley f.
1931, maki Jón Hilmar Magnúss
eiga 7 börn. Svanhvít tvíburasystir
Sóleyar, á 1 barn. Rósa Guðrún f.
1936, maki Brynjar Halldórsson,
eiga 7 börn. Faðir þeirra er Jón
Kristjánsson sjómaður frá Litla-
Árskógssandi.
Snorri kvæntist 18.9. 1948 Karol-
ínu Kristíu Jónsd. Waagfjörð hjúkr-
unarkonu f. 19.4. 1923. Þau eign-
Háskólans frá 1983, kenndi við
Hjúkrunarskóla Íslands og við
Kennaraskóla Íslands, og var
stundakennari við sjúkraþjálfara-
og hjúkrunarnámsbrautir við HÍ
frá stofnun þeirra. Snorri var með-
dómari í sakadómi Reykjavíkur
1957, 1974 og 1975 og bæjarþingi
Reykjavíkur 1961 og 1962. Í stjórn
LFR 1958 -1964 og LF. Eirar 1959
-1960. Formaður Læknafélags Ís-
lands 1971-1974. Í stjórn Hjarta-
sjúkdómafélags íslenskra lækna,
ritari Styrktarfélags lamaðra og
fatlaðra 1952-1954. Var einn af
stofnendum Hjartaverndar og sat í
stjórn 1964. Í úthlutunarnefnd bif-
reiða til fatlaðs fólks frá 1964 og í
nefnd um eftirgjafir aðflutnings-
gjalda af bifreiðum til fatlaðra. Í
heilbrigðisráði Íslands og var einn
af stofnendum manneldisráðs. Í ut-
anfararnefnd (vegna vistunar sjúk-
linga erlendis), varaformaður úr-
skurðar- og eftirlitsnefndar vegna
ráðgjafar um fóstureyðingar. Evr-
ópuráð styrkti Snorra til náms-
dvalar í Massachusetts General Ho-
spital og Presbyterian Hosp. í
Boston í mars-maí 1960, National
Heart Hosp. í London, Ósló, Gauta-
borg, og Kaupmannahöfn 1964.
Hann hefur skrifað fjölmargar
greinar í innlend og erlend lækna-
rit og ýmis tímarit um heilbrigð-
ismál. Snorri var sæmdur ridd-
arakrossi Hinnar íslensku
fálkaorðu 31. júlí 1980.
Snorri verður jarðsunginn frá
Dómkirkjunni í Reykjavík í dag, 26.
maí og hefst athöfnin kl. 13.
Meira: mbl.is/minningar
uðust tvö börn: 1)
Snorra Páll f. 24.2.
1959, maki Helga S.
Þórarinsd. Börn
þeirra Þórarinn f.
29.8. 1979. Snorri Páll
f. 30.9. 1984. Hulda
Dís f. 20.12. 1999. 2)
Kristín f. 8.2. 1963,
maki Magnús Jak-
obsson. Börn þeirra:
Sandra f. 8.8. 1984,
maki Andri Reyr
Vignirsson, þau eiga
3 börn, Reynir Páll f.
30.9. 1987, og Kristín
Bryndís f. 30.3. 1992.
Eftir stúdentspróf frá Mennta-
skólanum á Akureyri, lauk Snorri
prófi í almennri læknisfræði við
Háskóla Íslands 1949. Var heim-
ilislæknir, aðstoðarlæknir á Vífils-
staðaspítala, síðar aðstoðarlæknir
borgarlæknis og aðstoðarlæknir á
lyflækningadeild Landspítalans.
Snorri fór 1954 til framhaldsnáms í
lyflækningum með sérstöku tilliti
til hjartasjúkdóma. Vann á
Massachusetts General Hospital í
Boston og sem framhaldsnemi við
Harvard University School þar í
borg. Réðist að loknu námi á lyf-
lækningadeild Landspítalans, varð
deildarlæknir og síðan yfirlæknir
frá 1970 til 1989, er hann hætti
störfum. Snorri var lektor við
læknadeild HÍ 1959, dósent frá
1966 og prófesor við læknadeild
Hann fór fallega hann Snorri
bróðir að morgni laugardags á sól-
ríkum degi, haldandi í hönd Krist-
ínar dóttur sinnar, en sonurinn
Snorri var á leið í land, því hann vissi
að hverju stefndi. Hann kvaddi okk-
ur Bryndísi á fimmtudeginum með
kossi, búinn að gefast upp á því að
halda upp á níræðisafmælið eftir
nokkra daga. Snorri og Kristín, börn
og barnabörn voru hans yndi, en þau
Karólína hafa verið á Droplaugar-
stöðum lengi og notið þar frábærrar
umönnunar sem ber að þakka.
Við bróðir minn megum muna tím-
ana tvenna. Uppaldir í þá afskekktri
sveit, á Breiðabólstað á Síðu, með
óbrúuð vötn á báða vegu, en Snorri
faðir okkar var þar héraðslæknir í
stóru héraði; Álftaver í vestri og
Öræfin í austri, alltaf ferðast á hest-
um. Á Breiðabólstað var mannmargt
heimili. Þar var sjúkraskýli, skurð-
stofa og apótek og fengum við gjarn-
an að fylgjast með pabba við störf og
ég var ekki gamall þegar ég var við
hlið hans er sjúklingur kvaddi þenn-
an heim. Það voru margir góðir hest-
ar og átti hver fjölskyldumeðlimur
sinn hest og var Bleikur Blesi Snorra
mikill skeiðhestur og fékk ég hann
oft lánaðan, þegar Snorri var farinn í
skóla á haustin, en pabbi notaði okk-
ur stundum sem hestasveina í lækn-
isvitjunum, en í lengri ferðum voru
fengnir sérstakir vatnamenn til
fylgdar. Snorri var 12 árum eldri en
ég og ég var 12 ára þegar faðir okkar
andaðist og varð hann þá föður-
ímynd þegar fjölskyldan fluttist til
Reykjavíkur. Breytingin var mikil úr
friðsæld sveitalífsins í skarkala her-
námsáranna. Fyrsta farartækið var
BSA-mótorhjól sem Halldór bróðir
okkar keypti og það var er til vill ör-
lagavaldur þegar Snorri fékk það
lánað, er hann var að vinna á Vífils-
stöðum og bauð fallegum hjúkrunar-
nema frá Vestmannaeyjum í ferð
upp í Heiðmörk og varð það hans
gæfuspor, því þessi góða stúlka,
Karólína, hefur stutt hann og annast
í gegnum sætt og súrt síðan.
Næsta farartæki var Villis-jeppi
árgerð 1942 sem Snorri keypti af al-
nafna föður okkar, Snorra Halldórs-
syni sem bjó við Grettisgötuna eins
og við.
Minnisstæð er mér brúðkaupsferð
Karólínu og Snorra, þar sem hann
fékk mig til að vera bílstjóra því
hann hafði veikst hastarlega af
mænuveiki og átti erfitt með að
keyra jeppann. Ég var þá 17 ára og
var ferðinni heitið norður á Árskógs-
strönd til Þóreyjar móður Snorra og
systra hans Sóleyjar, Svanhvítar og
Rósu Guðrúnar. Þetta var mikið
ferðalag á þeim vegum sem þá voru
norður og öll ferðin ævintýri. Þórey
tók mér sem glataða syninum og um-
vafði okkur með hlýju. Á leiðinni
suður hrepptum við hið versta veður
í Hvalfirði og var þá orðið frekar
dimmt og vegurinn mjór og holóttur
og lá þá hátt uppi í hlíðum og var
ekki mikið sagt þar til komið var á
Grettisgötuna og man ég enn hvað
Karó hló mikið og þurfti margt að
segja.
Löngu og farsælu ævistarfi er lok-
ið og vil ég fyrir hönd fjölskyldunnar
þakka Snorra bróður fyrir alla hans
hjálpsemi og ljúfmennsku í okkar
garð alla tíð og óska Karólínu,
Snorra Páli, Kristínu, Helgu, Magn-
úsi og afkomendum þeirra Guð
blessunar.
Þinn bróðir
Guðmundur Snorrason.
Margar og góðar minningar á ég
um Snorra Pál Snorrason fyrrver-
andi yfirlækni á lyflæknisdeild
Landsspítalans við Hringbraut.
Þann heimspeking og heiðursmann
hefi ég þekkt allt frá 1960 þegar ég
18 ára gömul hóf vinnu á Landsspít-
alanum sem nemi í hjúkrun. Land-
spítalinn við Hringbraut var þá ein-
ungis gamli spítalinn, engar
viðbyggingar komnar. Gengið var
inn um aðalinngang gamla spítalans
um mjög háar og þungar tvöfaldar
dyr. Síðan þá hafa leiðir okkar legið
saman í starfi.
Göngudeild háþrýstings- og blóð-
fitumælinga var starfrækt 1976 til
2002 í Lágmúla 9. Aðalupphafsmenn
þessarar deildar voru prófessorarnir
Sigurður Samúelsson sem lést ný-
lega, Snorri Páll Snorrason og Þórð-
ur Harðarson. Þessi deild sem var
deild innan Landspítalans, var
göngudeild þar sem unnið var fyr-
irbyggjandi starf fyrir þá sem voru
háir í blóðþrýstingi og blóðfitu til að
koma í veg fyrir alvarlega hjarta- og
nýrnasjúkdóma. Snorri Páll var yf-
irlæknir þar eins og á hjartadeild
Landspítalans. Ekki var hægt að
hugsa sér betri lækni í það hlutverk.
Starfsfólk jafnt sem sjúklingar
bar mikla virðingu fyrir Snorra Páli.
Hann hafði þessa hlýju nærveru og
bar virðingu fyrir öllum, bæði starfs-
fólki og sjúklingum. Sjúklingunum
þótti afar gott að ræða við hann enda
var það hans sterki eiginleiki að
hlusta á hvað fólk hafði að segja og
var margt vandamálið leyst á þann
hátt. Ef eitthvað þarfnaðist lausnar í
sambandi við starfið var nóg að setj-
ast á móti Snorra Páli við skrifborðið
hans og ræða málið sem þá leystist
bara svona eins og af sjálfu sér.
Hann hafði mjög ríka kímnigáfu,
kunni að segja frá mönnum og mál-
efnum á svo skemmtilegan hátt.
Einnig var gaman að segja honum
sögur eða skrítlur, hann hló svo inni-
lega með öllu andlitinu.
Snorri Páll var mikill læknir og
starf hans var mjög yfirgripsmikið.
Það sem einkenndi Snorra Pál var
fáguð framkoma, heiðarleiki,og virð-
ing fyrir mönnum og málefnum. Hlý
og björt minning um þann góða
mann mun lifa áfram með samferða-
mönnum um ókomna tíð.
Eftirlifandi eiginkonu, Karólínu,
afkomendum þeirra og þeirra fjöl-
skyldum votta ég mína dýpstu sam-
úð.
Guðrún R. Þorvaldsdóttir.
Í dag er kvaddur Snorri Páll
Snorrason, fyrrverandi yfirlæknir á
hjartadeild Landspítalans og pró-
fessor við læknadeild Háskóla Ís-
lands. Hann hefði orðið níræður 22.
maí sl. Stutt varð á milli þeirra Sig-
urðar Samúelssonar prófessors sem
lést á jólaföstu 97 ára. Þeir voru
stjórnendur þegar lyflækningadeild-
in á Landspítalanum var að slíta
barnsskónum og breytast í þróaðar
sérdeildir.
Snorri Páll var læknissonur og
ólst upp á Breiðabólsstað austur á
Síðu á menningarheimili og við
sveitabúskap þess tíma. Hann lauk
stúdentsprófi frá Menntaskólanum á
Akureyri 1940 og settist síðan í
læknadeild Háskóla Íslands. Á
námsárunum veiktist hann hastar-
lega af lömunarveiki sem olli varan-
legum þrekmissi og fötlun. Með
harðfylgi lauk hann kandídatsprófi
1949, fór til framhaldsnáms í Boston
og fékk 1955 sérfræðingsleyfi í lyf-
lækningum með sérstöku tilliti til
hjartasjúkdóma.
Hófst nú 35 ára starfsferill á lyf-
lækningadeild Landspítalans. Þá var
hún staðsett á 1. hæð gamla hússins
en 1966 flutti Snorri með nýrri
hjartadeild í 4. hæð viðbyggingar
þar sem hún er enn. Hann stjórnaði
deildinni með lagni og var vinsæll af
sjúklingum og samstarfsfólki. Hann
hélt vel við þekkingu sinni, las mikið
tímarit og sótti námsstefnur í fræð-
unum. Þá var hann kennari við Há-
skóla Íslands og eru minnisstæðir
kennslustofugangar hans.
Snorri var einn af frumkvöðlunum
að stofnun Hjartaverndar, ásamt
Sigurði Samúelssyni, Ólafi Ólafssyni
og Davíð Davíðssyni og hann sat í
stjórn samtakanna frá stofnun
þeirra 1964 til 1998. Verkefni
Hjartaverndar féllu vel að hugðar-
efnum Snorra. Hann lagði jafnan
áherslu á forvarnir sjúkdóma og
Snorri Páll Snorrason
✝
Yndisleg eiginkona mín,
MARÍA ÞÓRHILDUR ÓSKARSDÓTTIR,
Lambastekk 2,
Reykjavík,
andaðist á heimili sínu fimmtudaginn 21. maí.
Jarðarförin verður auglýst síðar.
Fyrir hönd aðstandenda,
Níels Maríus Blomsterberg.
✝
Ástkær sonur okkar, fóstursonur, bróðir og barna-
barn,
GUÐMUNDUR ÖRN SVERRISSON,
lést af slysförum þriðjudaginn 19. maí.
Útförin fer fram frá Bústaðakirkju föstudaginn
29. maí kl. 13.00.
Blóm og kransar vinsamlega afþakkaðir en þeim
sem vilja minnast hins látna er bent á líknar-
stofnanir.
Fyrir hönd aðstandenda,
Þórdís Á. Guðmundsdóttir, Alfons Jónsson,
Kristrún Jenny Alfonsdóttir,
Sverrir Pétursson, Marisa Pétursson,
Pétur Þorbjörnsson, Valgerður Sigurðardóttir,
Kristín Valdimarsdóttir.
✝
Ástkæri faðir okkar, tengdafaðir og afi,
RÍKHARÐ S. KRISTJÁNSSON,
sem lést á líknardeild Landspítalans í Kópavogi
sunnudaginn 24. maí, verður jarðsunginn frá
Bústaðakirkju föstudaginn 29. maí kl. 15.00.
Gerður Ríkharðsdóttir, Óskar Örn Jónsson,
Svandís Ríkharðsdóttir, Valdimar Örn Júlíusson,
Telma Dögg, Jón Andri, Harpa Eik, Ísak Örn og Brynjar Bogi.
✝
Ástkær sonur okkar, bróðir, barnabarn og barna-
barnabarn,
SIGMUNDUR ERLING INGIMARSSON,
Simmi trommari,
Grundartúni 5,
Akranesi,
lést á Landspítalanum Fossvogi föstudaginn
22. maí.
Útför hans fer fram frá Akraneskirkju fimmtudaginn
28. maí kl. 14.00.
Ingimar Garðarsson, Anna Signý Árnadóttir,
Auður Inga Ingimarsdóttir, Brynjólfur Þór Jónsson,
Sigurlaug Inga Árnadóttir,
Garðar Halldórsson,
Ragnheiður Elíasdóttir
og fjölskyldur.
AÐ SKRIFA MINNINGARGREIN
Sami skilafrestur er á greinum vegna útfara í kyrrþey.
Minningargreinar sem berast blaðinu innan tilskilins frests verða birtar
í blaðinu. Leitast verður við að birta þær á útfarardegi eða sem næst þeim
degi.Hvemargar greinar birtast í blaðinu á útfarardegi viðkomandi, ræðst
af stærð blaðsins hverju sinni.
Minningargreinar, sem berast eftir tilskilinn frest eða útfarardag,
verða eingöngu birtar á vefnum á www.mbl.is/minningar. Tilvísun á
vefslóðina verður í greinum eða æviágripi sem birtast í blaðinu.
Netgreinarnar eru öllum opnar.
Þeim, sem vilja fá birta minningargreinar í Morgunblaðinu,
er bent á að skilafrestur til birtingar í blaðinu er á hádegi
tveimur virkum dögum fyrir útfarardag, þ.e.:
Birtingardagur Skilatími
Mánudagsblað Hádegi föstudag
Þriðjudagsblað Hádegi föstudag
Miðvikudagsblað Hádegi mánudag
Fimmtudagsblað Hádegi þriðjudag
Föstudagsblað Hádegi miðvikudag
Laugardagsblað Hádegi fimmtudag