Morgunblaðið - 27.08.2009, Blaðsíða 16

Heimild: Debrett’s Presidents of the United States of America
* eiga börn
Joseph
Patrick yngri
(1915-44)
Fórst í
flugslysi
í síðari
heims-
styrjöldinni
John
Fitzgerald
(1917-63)
35. forseti .
Bandaríkjanna
Myrtur
g. 1953
Jacqueline
Lee Bouvier
(1929-94)
Kathleen
(1920-48)
Fórst í
flugslysi
g. 1944 William
John Robert
Cavendish,
Markgreifi af
Hartington
(1917-44)
Eunice Mary
(1921-2009)
g. 1953
Robert Sargent
Shriver (1915- )
Robert
Francis
(1925-68)
Öldunga-
deildar-
þingmaður
Myrtur
g. 1950
Ethel Skakel
(1928- )
Patricia
(1924-2006)
g. 1954
Peter Lawford
(1923-84)
Skildu 1966
Rosemary
(1918-2005)
Á stofnun
frá árinu
1941
Jean Ann
(1928- )
g. 1956
Stephen
Edward Smith
(1927- )
Öldunga-
deildar-
þingmaður.
Var fyrst
kjörinn á
þing 1962
Edward Moore
(1932-2009)
g. Virginia
Joan Bennett
(1936- )
g. 1914 Rose Elizabeth Fitzgerald (1890-1995)Joseph Patrick Kennedy (1888-1969) sendiherra í Bretlandi
Dóttir
(fædd andvana
1956)
Caroline
Bouvier
(1957- )
g. 1987
Edwin Arthur
Schlossberg
John F. Jr
(1960-99)
Fórst í fluglsysi
ásamt konu sinni,
Carolyn, og systur
hennar
Patrick Bouvier
(1963)
Dó skömmu
eftir fæðingu
vegna öndunar-
erfiðleika
Robert Sargent
(1954- )
Maria Owings
(1955- )
g. Arnold
Schwarzenegger
Timothy Perry
(1959- )
g. Linda Potter
Kathleen Hartington (1951- ) g. David Lee Townsend*
Joseph Patrick III (1952- ) g. Sheila Brewster Rauch*
Robert Francis yngri (1954- )
David Anthony (1955-84) Dó af völdum of stórs skammts af heróíni
Mary Courtney (1956- )
Michael Le Moine (1958-97) Dó í skíðaslysi
Mary Kerry (1959- )
Christopher George (1963- ) g. Sheila Sinclair Berner
Matthew Maxwell Taylor (1965- )
Douglas Harriman (1967- )
Rory Elizabeth Katherine (1968- )
Christopher
Kennedy (1955- )
g. Jean Edith
Olsson
Sydney Maleia
(1956- )
g. Peter James
McKelvy
Victoria Francis
(1958- )
Stephen (1957- )
William Kennedy
(1960- )
Sýknaður af ákæru
um nauðgun 1991
Amanda Mary
(ættleidd) (1967- )
Kara Anne (1960- )
Edward Moore yngri
(1961- )
Fótur tekinn af vegna
krabbameins 1973
Patrick Joseph
(1967- )
Fjölskylda Josephs og Rose
Kennedy varð fyrir hverju áfallinu
á fætur öðru á hálfri öld. Fjögur af
níu börnum hjónanna voru myrt
eða fórust í flugslysi og
fjögur barnabörn þeirra
dóu ung að aldri
Var einn af
áhrifamestu og
reyndustu
öldungadeildar-
þingmönnum í
sögu
Bandaríkjanna
Edward Kennedy
ÆTTARTRÉ KENNEDY-FJÖLSKYLDUNNAR
Öldungadeildarþingmaðurinn Edward Kennedy lést á heimili sínu í Massachusetts í fyrrakvöld, 77 ára að aldri, um ári eftir að hann
greindist með heilakrabbamein. Þar með lauk tímabili Kennedy-bræðranna sem settu mjög mark sitt á bandarísk stjórnmál í hálfa öld.
Eftir Boga Þór Arason
bogi@mbl.is
EDWARD Kennedy, sem lést í
fyrrakvöld, 77 ára að aldri, hefur ver-
ið lýst sem „frjálslynda ljóninu“ í
bandarískum stjórnmálum. Hann
var mjög umdeildur en sat í öld-
ungadeild Bandaríkjaþings í nær
hálfa öld og varð einn af áhrifamestu
þingmönnum í sögu Bandaríkjanna.
Kennedy var á margan hátt ímynd
bandarískra yfirstéttarmanna, með
próf frá einum af virtustu háskól-
unum á norðausturströnd Bandaríkj-
anna, og andstæðingar hans segja að
staða hans hafi gert honum kleift að
halda velli í stjórnmálunum þrátt
fyrir hneykslismál í einkalífi hans.
Líf hans var þó enginn dans á rósum
því hann og fjölskylda hans urðu fyr-
ir hverju áfallinu á fætur öðru, til að
mynda þegar bræður hans, John F.
og Robert, voru myrtir.
Eftir morðin var Edward oft bor-
inn saman við bræður sína og hann
átti erfitt með að standa undir vænt-
ingunum sem gerðar voru til hans.
Vikið úr skóla
Edward Moore Kennedy, oft kall-
aður Ted Kennedy, fæddist 22. febr-
úar 1932 og var níunda og yngsta
barn Josephs og Rose Kennedy. Þau
voru bæði af írsku bergi brotin og
komin af auðugum stjórnmálamönn-
um. Faðir Rose var borgarstjóri
Boston og faðir Josephs átti sæti á
þingi Massachusetts. Joseph Kenn-
edy var sendiherra Bandaríkjanna í
Bretlandi fyrir síðari heimsstyrjöld-
ina.
Edward Kennedy hóf nám við
Harvard-háskóla árið 1950 en honum
var vikið úr skólanum ári síðar fyrir
prófsvindl. Hann hafði fengið vin
sinn til að taka fyrir sig próf í
spænsku, fagi sem hann hafði van-
rækt.
Kennedy gekk þá í herinn og
gegndi herþjónustu í Evrópu í tvö ár.
Hann hóf síðan aftur nám við Har-
vard-háskóla, lauk þar námi í sögu og
stjórnsýslu árið 1956 og laganámi við
Virginíu-háskóla þremur árum síðar.
Hann hóf afskipti af stjórnmálum
árið 1958, þegar hann aðstoðaði
bróður sinn, John F., í kosningum til
öldungadeildarinnar. Þegar John
varð forseti í janúar 1961 losnaði sæti
hans í öldungadeildinni fyrir
Massachusetts. Edward var þá of
ungur til að taka við þingsætinu því
samkvæmt stjórnarskránni þurfa
þingmenn deildarinnar að vera orðn-
ir þrítugir. Forsetinn bað því ríkis-
stjóra Massachusetts að skipa vin
Kennedy-fjölskyldunnar á þingið til
bráðabirgða, eða þar til Edward yrði
kjörgengur til deildarinnar. Edward
sigraði síðan í kosningum í
Massachusetts árið 1962 og varð þá
yngsti þingmaður öldungadeild-
arinnar. Eftir það var hann sjö sinn-
um endurkjörinn í deildina.
Þetta var blómaskeið Kennedy-
bræðranna en fjölskyldan varð fyrir
hverju áfallinu á fætur öðru næstu
árin. John F. var myrtur í nóvember
1963 og ári síðar mátti litlu muna að
Edward færist í flugslysi þegar að-
stoðarmaður hans og flugmaður létu
lífið. Edward var dreginn úr flaki
flugvélarinnar með bak- og rifbrot,
auk þess sem lungað féll saman.
Örlagaríkt slys
Robert Kennedy var síðan myrtur
á kosningaferðalagi í júní 1968 þegar
hann sóttist eftir því að verða for-
setaefni demókrata.
Margir töldu þá að Edward yrði
næsta forsetaefni Kennedy-
fjölskyldunnar en sá draumur varð
nánast að engu ári síðar þegar hann
ók bíl út af brú á eyjunni Chappa-
quiddick í Massachusetts. Ung kona
sem var með honum í bílnum, Mary
Jo Kopechne, beið bana. Edward
tókst að synda úr bílnum og hann fór
á hótel sitt og skýrði ekki frá slysinu
fyrr en ellefu stundum síðar. Sjó-
menn fundu lík konunnar í bílnum
morguninn eftir. Við rannsókn á mál-
inu komu fram vísbendingar um að
konan hefði líklega verið á lífi í bíln-
um í nokkrar klukkustundir og hægt
hefði verið að bjarga henni.
Edward játaði að hafa farið af
slysstaðnum án þess að reyna að
bjarga konunni og bar því við að
hann hefði verið í losti. Hann fékk
tveggja mánaða skilorðsbundinn
fangelsisdóm.
Þrálátur orðrómur var um að
Edward hefði ekki skýrt frá slysinu
strax vegna þess að hann hefði verið
drukkinn. Málið var mikill álits-
hnekkir fyrir hann og varð til þess að
hann gaf ekki kost á sér í forseta-
embættið á árunum 1972 og 1976.
Hann bauð sig þó fram í forkosn-
ingum demókrata árið 1980 gegn
sitjandi forseta, Jimmy Carter, en
tapaði. Ósigurinn var einkum rakinn
til illa skipulagðrar kosningabaráttu
og slæmrar frammistöðu Kennedys í
sjónvarpsviðtali þegar hann gat ekki
svarað einfaldri spurningu frétta-
manns CBS: „Hvers vegna viltu
verða forseti?“
Bandarísk æsifréttablöð lýstu oft
Edward Kennedy sem flagara og
drykkjurafti og ferli hans sem
stjórnmálamanns virtist vera lokið
árið 1991 eftir að systursonur hans,
William Smith, var ákærður fyrir að
nauðga stúlku eftir að hafa skemmt
sér með Edward á næturklúbbi í
Flórída. Þingmanninum tókst þó að
snúa vörn í sókn og náði endurkjöri
með öruggum sigri í kosningum árið
1994.
Síðustu árin gat Edward Kennedy
sér orð fyrir að vera einn af áhrifa-
mestu þingmönnum í sögu Banda-
ríkjanna. Hann þótti mjög slyngur í
því að mynda bandalög á þinginu,
vann oft með repúblikönum til að
knýja fram lagafrumvörp. Hann
lagði m.a. mikla áherslu á umbætur í
heilbrigðis- og menntamálum og
barðist fyrir réttindum innflytjenda.
Jafnvel þegar vinsældir repúblik-
ana voru mestar og margir þing-
menn demókrata reyndu að þvo af
sér frjálslyndisstimpilinn var Edw-
ard Kennedy stoltur af því að vera
„frjálslynda ljónið“ í Washington.
„Frjálslynda ljónið“ fallið frá
 Edward Kennedy varð einn af áhrifamestu og merkustu þingmönnum í sögu Bandaríkjanna
þrátt fyrir fjölmörg áföll í lífinu  Hálfrar aldar tímabili Kennedy-bræðranna lokið
Þríeykið Kennedy-bræður, John, Robert og Edward, í Hyannis Port 20. júlí
1960, árið áður en John F. Kennedy tók við forsetaembættinu.
16 FréttirERLENT
MORGUNBLAÐIÐ FIMMTUDAGUR 27. ÁGÚST 2009
BARACK Obama Bandaríkjaforseti
lofaði lífsferil og arfleifð Edwards
M. Kennedys í sjónvarpsávarpi í
gær og sagði hann „einn hæfasta
Bandaríkjamanninn sem hefði þjón-
að lýðræði landsins. Enginn annar
naut viðlíka virðingar hjá báðum
hópum öldungadeildarinnar“, sagði
Obama.
Barack Obama og Edward Kenn-
edy störfuðu saman meðan á kosn-
ingabaráttu Obama stóð á síðasta
ári og þótti stuðningur Kennedys
vega þungt fyrir forsetaframboð
Obama.
Þeir hittust að sögn bandarískra
fjölmiðla síðast fyrir nokkrum mán-
uðum en að sögn aðstoðarmanna
Obama ræddust þeir stöku sinnum
við í síma. Þá mun deilan um um-
bætur í bandaríska heilbrigðiskerf-
inu hafa verið efst á baugi en Kenn-
edy var einn dyggasti stuðnings-
maður Obama á þinginu í þeim
efnum.
Minnst víða um heim
Fyrrverandi Bandaríkjaforseti,
repúblikaninn George W. Bush,
sem Kennedy gagnrýndi m.a. vegna
Íraksstríðsins, minntist Kennedys í
gær og sagði hann hafa verið
„ástríðufullan mann sem barðist af
hörku fyrir sannfæringu sinni“.
Leiðtogar víða um heim minntust
Kennedys í gær og sagði Gordon
Brown, forsætisráðherra Bret-
lands, að Kennedy yrði syrgður í
öllum álfum heims. „Ég er stoltur af
að hafa átt hann að vini,“ sagði
Brown. Þá lofaði Ban Ki-moon,
framkvæmdastjóri Sameinuðu
þjóðanna, Kennedy sem mann er
hefði verið „rödd þeirra sem annars
hefði ekki heyrst til“.
Edward M. Kennedy verður jarð-
settur á laugardaginn í Arlington-
þjóðargrafreitnum skammt frá
Washington þar sem hann mun
hvíla í námunda við legstaði bræðra
sinna Johns F. og Roberts Kenn-
edys. jmv@mbl.is
Einn hæfasti þjónn
bandarísks lýðræðis
Reuters
Minning Obama ávarpaði banda-
rísku þjóðina í minningu Kennedys.