Morgunblaðið - 22.10.2009, Side 15

Fréttir 15ERLENT
MORGUNBLAÐIÐ FIMMTUDAGUR 22. OKTÓBER 2009
Eftir Boga Þór Arason
bogi@mbl.is
NICK Griffin, leiðtogi Breska þjóðarflokksins
(BNP), á að sitja fyrir svörum í „Question Time“,
vinsælum sjónvarpsþætti BBC, og það hefur vakið
deilu í Bretlandi um hvernig fjölmiðlar eigi að fjalla
um aukið fylgi flokka sem eru lengst til hægri og
sakaðir um þjóðernisöfgar.
Peter Hain, sem fer með málefni Wales í bresku
ríkisstjórninni, og fleiri hafa sent stjórn BBC bréf
og krafist þess að hún hnekki þeirri ákvörðun
Marks Thompsons, forstjóra BBC, að heimila að
Hain og fleiri stjórnmálamenn óttast að þáttur-
inn verði flokki Griffins til framdráttar. Þeir benda
á að fylgi þjóðernisflokks Jean-Marie Le Pen tvö-
faldaðist í Frakklandi á einu kvöldi árið 1984 þegar
hann sat fyrir svörum í vinsælum sjónvarpsþætti.
Aðrir telja það skaða Breska þjóðarflokkinn ef
fjölmiðlar fara í saumana á stefnu hans. „Það er al-
veg rétt að bjóða leiðtogum BNP í „Question
Time“,“ hefur fréttavefur The Times eftir John
Humphrys, gamalreyndum BBC-manni sem hefur
séð um vinsæla fréttaskýringaþætti. „Hvers vegna
ættum við að óttast það sem þeir hafa að segja?
Þetta mál snýst um málfrelsi og skyldur BBC.“
Í HNOTSKURN
» Fjórir fyrrverandi hers-höfðingjar hafa sakað
Breska þjóðarflokkinn um að
reyna að „stela orðstír“ hers-
ins í pólitískum tilgangi.
» Nick Griffin líkti breskumhershöfðingjum við stríðs-
glæpamenn nasista vegna
hernaðarins í Írak og Afgan-
istan og sagði að ef Churchill
væri á lífi myndi hann kjósa
Breska þjóðarflokkinn.
Eðlilegt málfrelsi eða hættulegt?
 Deilt um þá ákvörðun BBC að sýna þátt þar sem leiðtogi Breska þjóðarflokks-
ins situr fyrir svörum  Er þátturinn hættuleg auglýsing eða liður í málfrelsinu?
Griffin sitji fyrir svörum í þætt-
inum í kvöld. Að jafnaði horfa
um þrjár milljónir manna á þátt-
inn.
„Það væri öfugsnúið af þér að
halda því fram að þessir menn
væru eins og hver annar lýðræð-
islega kjörinn flokkur,“ sagði
Hain í bréfi til Thompsons í vik-
unni sem leið. Hain telur að
flokkur Griffins sé ólöglegur
vegna þess að hann hafi brotið lög með því að meina
fólki inngöngu í hann á grundvelli hörundslitar.
Nick Griffin
INDVERSKIR lögregluþjónar búa sig undir að hleypa
af byssum sínum til að votta minningu fallinna félaga
virðingu sína við athöfn í indversku borginni Mumbai í
gær, á árlegum minningardegi fallinna lögreglu-
manna. Um 830 indverskir lögreglumenn biðu bana við
skyldustörf á síðasta ári, þeirra á meðal tugir manna
sem féllu í árásum hóps hryðjuverkamanna í Mumbai
26.-29. nóvember.
Reuters
FALLINNA LÖGREGLUMANNA MINNST
Amman. AFP. | Jórdaninn Ali, þrítug-
ur þriggja barna faðir, var atvinnu-
laus og örvinglaður. Vinur hans taldi
hann á að selja annað nýrað til að
bæta aðstæður fjölskyldunnar og
bjarga um leið lífi annars manns.
Ali fór þess vegna með flugvél til
Egyptalands fyrr á árinu og seldi
annað nýrað fyrir 5.000 dollara, jafn-
virði rúmra 600.000 króna. Nú dauð-
sér hann eftir því. „Ég veit ekki hvað
ég var að hugsa,“ segir hann. „Ég
veit núna að mér urðu á mistök
vegna vanþekkingar. Ég er atvinnu-
laus, fátæktin og bágindin blinduðu
mig.“
Ali er á meðal tuga fátækra Jórd-
ana sem hafa selt líffæramiðlurum
annað nýrað. Annar Jórdani, Mo-
hammed, kveðst aðeins hafa fengið
helminginn af umsaminni greiðslu
fyrir nýra sem hann féllst á selja í
fyrravetur. „Ég hef verið örmagna
frá því að nýrað var tekið,“ segir
hann. „Það er eitthvað að mér en ég
veit ekki hvað það er. Ég get ekki
leitað til læknis vegna þess að ég hef
heyrt að lögreglan sé að leita að fólki
eins og mér.“
Ekki eru til áreiðanleg gögn um
líffæraviðskiptin en jórdönsk yf-
irvöld segja að þau séu ekki mjög
umfangsmikil. Slík viðskipti með líf-
færi eru bönnuð með lögum, varða
allt að fimm ára fangelsi og sekt að
andvirði 3,5 milljóna króna.
Yfirvöld í Egyptalandi framseldu
ellefu Jórdana í september og þeir
voru ákærðir í Jórdaníu fyrir að hafa
keypt líffæri, aðallega nýru, og selt
þau í Egyptalandi fyrir jafnvirði allt
að 3,7 milljóna króna hvert. Fleiri
hafa verið yfirheyrðir vegna málsins
og sjö meintir líffæramiðlarar eru á
flótta undan lögreglunni.
Íbúar Jórdaníu eru rúmar sex
milljónir og samkvæmt opinberum
tölum eru 70% þeirra undir þrítugs-
aldri. Rúm 14% vinnufærra manna
eru skráð atvinnulaus en hagfræð-
ingar telja að atvinnuleysið sé í raun
miklu meira, eða um 30%.
Nær 80% voru Palestínumenn
Yfir 80 líffærasölumál voru af-
hjúpuð í Jórdaníu árið 2007 og stjórn
landsins stofnaði þá sérstaka nefnd
sem á að reyna að binda enda á þessi
ólöglegu viðskipti og hvetja fólk til
líffæragjafar.
„Líffæramiðlararnir fá ákveðið
hlutfall af söluandvirðinu, notfæra
sér bágindi fátækra, telja þá á að
selja nýra og hjálpa þeim síðan að
fara til þriðja lands þar sem líffærin
eru tekin,“ segir dánardómstjórinn
Momen Hadidi, sem á sæti í nefnd-
inni. „Á ári hverju deyja yfir 800
manns í bílslysum í Jórdaníu. Við
ættum að hvetja ættingja þeirra,
sem deyja, til að gefa líffæri þeirra.
Þannig getum við minnkað eft-
irspurnina eftir líffærasölum.“
Nýleg rannsókn á málum 130
manna, sem seldu nýra, leiddi í ljós
að nær 80% þeirra voru Palest-
ínumenn frá Baqaa í norðvest-
urhluta Amman, stærstu flótta-
mannabúðunum í Jórdaníu.
bogi@mbl.is
Líffæramiðlarar gera
sér eymd að gróðavegi
Sárafátækt fólk í Jórdaníu lokkað til að selja líffæri sín
Í HNOTSKURN
» Alþjóðaheilbrigð-ismálastofnunin telur að
ólögleg viðskipti með líffæri
færist nú í vöxt í heiminum.
Dæmi eru um að auðugir sjúk-
lingar borgi líffæramiðlurum
jafnvirði 12-25 milljóna króna
fyrir hvert líffæri.
» Þeir sem selja líffæri síneru yfirleitt sárafátækir
og fá allt niður í 120.000 krón-
ur fyrir nýra, þótt gangverðið
sé líklega um 600.000 krónur.
ÁTTA af hverjum tíu Dönum telja að
lögreglan geti ekki bundið enda á
stríð sem geisað hefur í Kaupmanna-
höfn milli bifhjólagengja og ung-
menna úr röðum innflytjenda, sam-
kvæmt nýrri viðhorfskönnun sem
birt var í gær.
Um 82% aðspurðra í könnunni
sögðust ekki telja að stríðinu lyki á
næstu sex mánuðum. Aðeins sex af
hundraði sögðust telja að lögregl-
unni tækist að binda enda á átökin
en 11% voru óákveðin í Gallup-könn-
un sem Berlingske Tidende birti í
gær.
Lögreglan segir að átökin tengist
baráttu um fíkni-
efnamarkaðinn í
Kaupmannahöfn.
Sex menn hafa
beðið bana og 59
særst í 109 skot-
árásum glæpa-
gengja frá því í
ágúst á síðasta
ári. Þrír hafa látið
lífið í átökunum
frá 9. október.
Um 21% aðspurðra í Gallup-könn-
uninni sagðist forðast það að fara í
hverfi þar sem árásirnar hafa verið
gerðar.
Telja að gengjastríði
linni ekki á næstunni
Danskur vítisengill
ÓLYMPÍUELDURINN fyrir Vetrarólympíuleikana í Vancouver á næsta
ári verður kveiktur við hátíðlega athöfn í Ólympíu á Grikklandi í dag.
Gríska leikkonan Maria Nafpliotou er hér í hlutverki hofgyðju og kveikir á
ólympíukyndli á lokaæfingu fyrir athöfnina.
Reuters
KVEIKIR ÓLYMPÍUELD