Morgunblaðið - 22.10.2009, Page 31

Menning 31FRÉTTIR
MORGUNBLAÐIÐ FIMMTUDAGUR 22. OKTÓBER 2009
Á bókamarkaði í
Bandaríkjunum
geisar nú verð-
stríð. Lætin hóf-
ust fyrir alvöru
þegar lágverðs-
verslanakeðjan
Target lagði til
atlögu við mark-
aðinn með því að
jafna verð þeirar
verslunar sem
lofaði lægsta verði á þeim bókum
sem helst þykja líklegar til að seljast
vel fyrir jólin.
Það var Wal-Mart verslanakeðjan
sem blés til sóknar á bókamarkaðinn
með loforðinu um að vera ávallt með
lægsta bókaverðið. Wal-Mart átti
því ekki annarra kosta völ þegar
Target kynnti sitt lága bókaverð, en
að lækka sitt bókaverð enn meira til
að geta staðið við loforð sitt um
lægsta bókaverðið.
Á mánudaginn kynnti Target til-
boð sem hljóðaði þannig að ef við-
skiptavinir pöntuðu 6 jólabækur á
vef verslunarinnar fengjust þær á
8,99 dali hver, eða um 11 hundruð
krónur, sem er sama verð og Wal-
Mart hafði boðið á föstudag fyrir tíu
titla, en Wal-Mart hafði þá þegar
lækkað verðið úr 10 dölum á bók,
niður í 9, eftir að netverslunin Ama-
zon tók að bjóða jólabækur á 10 dali
og svo niður í 8,99 eftir að Amazon
lækkaði bókaverðið niður í 9 dali. Í
fyrradag lækkaði Wal-Mart bóka-
verðið um eitt sent, eða niður í 8,98,
til að bjóða lægra verð en Target,
sem hefur einsett sér að selja bæk-
urnar tíu á sömu kostakjörum, hvað
sem Wal-Mart gerir.
Sarah Palin og John Grisham
En hvaða bókmenntir eru það sem
lágverðsverslanirnar hafa svo mikla
trú á að þeim þykir á það veðjandi að
lækka verðið svo mjög?
Meðal bókanna eru Ævisaga Sö-
ruh Palin varaforsetaframbjóðanda,
Under the Dome eftir Stephen King;
I, Alex Cross eftir James Patterson;
Pirate Latitudes eftir Michael
Crichton; The Lacuna eftir Barböru
Kingsolver og smásagnasafnið Ford
County eftir John Grisham.
„Endirinn á verðstríðinu er ekki í
augsýn,“ sagði Michael Norris hjá
rannsóknar- og sölugreiningardeild
bóksala. Hann sagði ennfremur að
verðstríðið kæmi verst niður á bók-
sölum, vegna þess að þeir gætu eng-
an veginn boðið sama afslátt á bóka-
verði og verslanakeðjur sem lifðu af
þótt þær seldu bækur með tapi.
Aurastríð
um bækur
Bandarískir bóksalar
líða fyrir stórmarkaði
Sarah Palin
Ævisaga komin út.
MENNINGAR- og fræðavef-
ritið Kistan gengur nú í end-
urnýjun lífdaga og lifnar að
fullu við í dag með viðtali við
leik- og söngkonuna Charlotte
Gainsbourg, aðalleikkonu Anti-
christ, auk þess sem Þröstur
Helgason tekur við kefli Kistu-
lúðans. Þessu til viðbótar verða
ritdómar og ávarp nýs ritstjóra
þennan fyrsta dag nývakn-
aðrar Kistu, en það verður þó
aðeins byrjunin – það bíða fleiri greinar birtingar
og enn fleiri eru í smíðum. Áherslan verður sem
fyrr á menningu og fræði, enda Kistan nú undir
armi ReykjavíkurAkademíunnar
Kistan er að sjálfsögðu á veffanginu kistan.is.
Menning
Kistan gengur í
endurnýjun lífdaga
Charlotte
Gainsbourg
NORDIC Affect hóp-
urinn heldur tónleika
í Þjóðmenningarhús-
inu í kvöld kl. 20 und-
ir yfirskriftinni Frá
Putalandi til Parísar.
Missagt var í blaðinu
í gær, að tónleikarnir
yrðu á miðvikudagskvöldi. Meðal viðkomustaða á
tónleikunum eru dimm húsasund Parísarborgar á
18. öld og Putaland Gúllivers. Á tónleikunum
flytja barokkfiðluleikararnir Halla Steinunn Stef-
ánsdóttir og Sara DeCorso dúó eftir Haydn,
Leclair og Telemann. Í bland við tónlistarflutn-
inginn verður sagt frá tónskáldunum og tón-
smíðum þeirra en þar á meðal er hin skemmtilega
Gúlliversvíta Telemanns.
Tónlist
Ferð frá Putalandi
til Parísar í kvöld
Nordic Affect
FRANSKI ljósmynd-
arinn Grégory Ge-
rault kom fyrst til Ís-
lands árið 2002. Sú
heimsókn hafði slík
áhrif á hann að hann
hefur komið hingað í
ein 20-30 skipti síðan.
Sýningin MYCELAND er afrakstur þessara
ferða, sýn hans á Ísland, en hún verður opnuð í
dag í Skotinu í Ljósmyndasafni Reykjavíkur. Í
texta Ásdísar Ólafsdóttur listfræðings um sýn-
inguna segir: „Grégory hefur gert að sínu landið,
fólkið og lífsmynstur þess og hann horfir ekki á
það utan frá heldur að innan með skilningi þess
innvígða. Það er væntumþykja í augnaráði
hans....“ Aðgangur er ókeypis og allir velkomnir.
Ljósmyndir
Væntumþykja í
augnaráði hans
Ein mynda Gregorys.
Eftir Bergþóru Jónsdóttur
begga@mbl.is
VÖLVA er rafrænn leikhússeiður
sem miðlar hinum leymdardómsfulla
spádómi Völuspár með nýrri gagn-
virkri tækni. Verkið verður frumsýnt
í kvöld kl. 20 í Kassanum, litla sviði
Þjóðleikhússins. Höfundar verksins
eru tveir, Pálína Jónsdóttir sem leikur
völvuna og Walid Breidi
„Ég var að vinna í stóru verkefni í
New York. Það var þverlistrænt
margmiðlunarverk, risastórt, og var
sýnt á Next Wave hátíðinni við
Brooklyn Academy of Music. Einn
samstarfsmanna minna þar, Walid
Breidi, langaði að vinna með mér
áfram með nýjum gagnvirkum miðl-
um. Hann kom með hugmynd að því
að búa til gagnvirkt hljóðfæri sem
hægt væri að klæða sig í og væri með
nýrri gerð af skynjurum sem eru
varla komnir á markað ennþá. Ég var
til í þetta, og sagði honum að mig
hefði lengi langað að vinna með Völu-
spá. Völuspá er spákonukvæði og með
því að spyrða saman sígildt fornkvæði
og nýjustu margmiðlunartækni, sáum
við fram á að geta skapað magnað
galdratæki sem völvan íklæddist.“
Nota texta Þórarins Eldjárns
Allt gekk þetta eftir, og Pálína
ákvað að nota Völuspá Þórarins Eld-
járns, en hann endurorti kvæðið á nú-
tímamáli og gaf út árið 1995. „Kvæðið
er torskilið og mér fannst óaðgengi-
legt að fara með það í upprunalegri
gerð í leikhúsið. Ég er hins vegar al-
gjörlega trú textanum; kvæðið stend-
ur fyllilega fyrir sínu. Líkamsmál leik-
listarinnar og töfrar leikhússins sjá
um afganginn.“
Pálína kveðst líta á verkið sem eins-
konar innsetningu og óhefðbundið
sem leikverk. „Rýmið er eins og al-
heimurinn, hefur hvorki upphaf né
endi. Það sem við sjáum eru 27 hang-
andi skjáir í níu súlum. Það er tákn-
rænt, því talan níu er heilög í heiðni. Í
hverri súlu eru fortíð, nútíð og framtíð
og á skjáina varpar völvan sínum
myndrænu hugsunum.“
Pálína segir Völuspá ótrúlegan auð
að eiga. „Það er stórkostlegt að kynn-
ast kvæðinu og upplýsingunum sem í
því búa. Ef við værum aðeins skyn-
samari og færum eftir því sem for-
mæður okkar boðuðu, værum við ekki
jafn illa sett í dag. Tímasetningin á
sýningunni nú er mögnuð, því það er
svo langur gangur frá því að hug-
mynd kviknar þar til verk kemst á
svið.
Ótrúlegur auður í Völuspá
 Pálína Jónsdóttir og Walid Breidi eru höfundar hinnar óvenjulegu sýningar Völvu
 Byggist á fornum kveðskap Völuspár en nýtir nýjustu margmiðlunartækni
Völva Pálína í hlutverki völvunnar fyrir framan skjáina, þar sem völvan sér fortíð, nútíð og framtíð. Kjóllinn er
hljóðfæri sýningarinnar; gagnvirkur miðill hljóðmyndarinnar sem völvan stjórnar með hreyfingum sínum.
SÝNING er nefnist Innistæða – verk úr
eigu Landsbankans verður opnuð í
Listasafni Reykjanesbæjar á morgun,
föstudag, klukkan 18.00. Á sýningunni
verða 30 málverk frá tímabilinu 1900 til
1990, eftir marga helstu myndlistarmenn
þjóðarinnar.
„Þeim sem stýra Listasafninu hefur
þótt vanta kennslusýningu fyrir skólana
á svæðinu, um íslenska myndlist, sem
hægt væri að sýna nemendum,“ segir
sýningarstjórinn, Aðalsteinn Ingólfsson.
„Við fengum verk frá Landsbankanum
sem mynda þetta yf-
irlit. Ég valdi úr safni
þeirra verk frá ólík-
um tímabilum ís-
lenskrar myndlist-
arsögu.“
Aðalsteinn segir að
vissulega hafi ekki öll
verk bankans staðið
til boða, sum hangi í
útibúum hans og skrifstofum, en hann
telur að þetta sé nokkuð gott yfirlit yfir
myndlistarsöguna, frá Þórarni B. Þor-
lákssyni til Errós. „Við reynum að
hengja verkin þannig upp að þau séu í
tímaröð og myndi tímabil, fyrir nemend-
urna,“ segir hann.
Þá er gefinn út bæklingur þar sem
reynt er að gera hið sama, en hann er
einskonar leiðarvísir um þróun íslenskr-
ar myndlistar á liðinni öld.
Í stofnskrá Listasafns Reykjaness er
lögð áhersla á menntunarhlutverk safns-
ins og tekið fram að því sé ætlað að efla
þekkingu og áhuga á myndlist.
efi@mbl.is
Verk úr eigu Landsbankans
hengd upp fyrir nemendur
Vestmannaeyjar Málverk eftir Gunnlaug Blöndal sem er á sýn-
ingunni Innistæður – verk úr eigu Landsbankans í Reykjanesbæ.
Sýningin opnuð í Listasafni Reykjanesbæjar á morgun
Aðalsteinn
Ingólfsson
Kjóll völvunnar er alsettur
nemum og skynjurum sem gefa
frá sér hljóð þegar þeir eru
snertir. Kjóllinn er því upp-
spretta áhrifshljóða sýning-
arinnar.
„Hann er hugsaður sem líf-
rænt framhald míns eigin lík-
ama. Ég hugsaði hann sem lík-
ama úr náttúrlegum efnum og
það voru mikil heilabrot um
það hvernig hann ætti að vera.“
Kjólinn er handunninn, hekl-
aður og prjónaður, og Pálína
kveðst hafa fengið „drekadís-
irnar miklu“ Guðrúnu Rögnu Sig-
urjónsdóttur og Filippíu I. El-
ísdóttur til að búa hann til og
koma nemum og skynjurum fyrir
á réttum stöðum. „Þær skiluðu
af sér hreint ótrúlegu lista-
verki,“ segir Pálína Jónsdóttir.
Kjóllinn – magnað galdratæki
Ég ber djúpstæða
virðingu fyrir honum
um leið og mér sárnar fyrir
hans hönd 32
»