Saga - 1973, Blaðsíða 152

144
ÞORLEIFUR ÞORLEIFSSON
KOLABRYGGJAN við Ingólfsgarð hlaut nafn sitt af
því, að hún var fyrst í stað einkum notuð við uppskipun
á kolum úr hafskipum, en milli anna við akstur á fyllingu
í garða og bakka, sem raunar var að mestu lokið á þessu
ári, þá óku lestarnar með kol frá bryggjunni í bing suður
af Batteríinu fyrrverandi. í þeim tilgangi að auðvelda
og flýta fyrir losun á kolum úr skipum var fluttur inn frá
Danmörku stór uppskipunarkrani og settur á spor á Kola-
bryggju. Svo virðist, sem ráðamenn hafi búizt við að raf-
magn yrði fáanlegt á næstunni, þar sem vélar kranans
voru rafknúnar. Hins vegar tók Rafmagnsveita Reykjavík-
ur ekki til starfa fyrr en árið 1921. Örlög þessa forvera
Hegrans, er reistur var á Austurbakka 1926, urðu þau,
að hann var brátt fluttur af bryggjunni og rifinn niður.
Þórarinn Kristjánsson var ráðinn eftirlitsmaður við
hafnargerðina 1. apríl og skipaður bæjarverkfræðingur
frá 1. júlí í stað Sigurðar Thoroddsen.
1917.
Síðari hluta október um haustið voru hafnarmannvirkin
tilbúin til úttektar úr höndum Kirks, en 16. nóvember
voru þau afhent formlega f. h. N. C. Monbergs. Eins og
áður er að vikið, skyldi hafnargerðinni lokið 16. október
(1. okt. í bók K. Z. tír bæ í borg). En verkið tafðist mjög
af völdum heimsstyrjaldarinnar. Svo var og ráðist í mun
meiri framkvæmdir en upphaflegir samningar við N. C.
Monberg gerðu ráð fyrir. Bæjarstjórn samþykkti að festa
kaup á öllum þeim vinnuvélum, sem verktakar höfðu notað
við hafnargerðina, svo og öllum efnisleifum, byggingum og
járnbraut með vögnum. Kaupverðið nam kr. 550.000.
Kostnaður við hafnargerðina til 16. nóvember varð sam-
tals 2,6 milljónir að meðtöldu ofangreindu kaupverði (kr-
550 þús.). þar af kr. 753 þúsund í vinnulaun. Næsta ár