Saga - 1986, Qupperneq 357

Fréttir
Vorsaga
Eins og getið er í formála þessa heftis er ætlunin að Saga komi út tvisvar á ári,
vor og haust. Vorheftið verður í allmiklu stærra broti, enda ríkulega mynd-
skreytt, og hefur hlotið heitið Vorsaga. Reynt verður að hafa efnið sem
aðgengilegast með frísklegri uppsetningu. Greinamar yrðu að jafnaði styttri
en þær sem birtast í Sögu, venjulega 5—10 síður, og höfundum yrði uppálagt
að hafa stíl sinn sem léttastan og liprastan. Fyrirhugaðir eru nokkrir fastir liðir
og má nefna að áhersla verður lögð á að fá fram skoðanaskipti, valinkunnir
menn lýsa viðhorfum sínum til sögu og sagnfræði, minnst verður tímamóta
eftir því sem við á, birt viðtöl og bréf sem kunna að berast frá lesendum.
Lengd hvers heftis verður um 100 síður. f ritnefnd eru tíu ungir sagnfræðing-
ar. Saga sjálf, haustheftið, verður með sama sniði og verið hefur, nema hvað
síðum mun fækka eitthvað. Áskrifendur Sögu fá Vorsögu senda og er ætlunin
að áskriftargjald verði álíka hátt fyrir bæði heftin og verið hefur fyrir Sögu
eina. Stjórn Sögufélags vill með þessari breytingu reyna að svara kröfum
tímans.
Bókatíðindi
Sögufélag. Bók Þórunnar Valdimarsdóttur, Sveitin við sundin, sjötta bindið í
ritröðinni Safn til sögu Reykjavíkur, kom út um miðjan ágúst. Með útkom-
unni minnist stjóm Sögufélags 200 ára afmælis Reykjavíkur. Er skemmst frá
því að segja að bókin hlaut geysigóðar viðtökur og er á þrotum en önnur
prentun er væntanleg fyrir jól. Þau rit í Safni til sögu Reykjavíkur sem
ófáanleg voru hafa verið endurprentuð.
f september kom út ellefta og síðasta bindi Landsyfirréttardóma og Hcestarétt-
ardóma 1802—74 og tekur til tímans 1871—4. Útgáfa dómanna hefur staðið
yfir allt frá 1916. Einnig kom út í september sextánda bindi Alþingisbóka
tslands og tekur yfir árin 1781—90. Er þá óútgefið eitt bindi en útgáfan hófst
árið 1912.
Vert er að vekja athygli á því að afmælisrit Sigurðar Þórarinssonar, Eldur er
í norðri, er aftur fáanlegt.
Þá er þess að geta að Sögufélag hefur afmælisrit Landsbanka fslands, Lands-
hagi, í umboðssölu. f ritinu eru greinar eftir ellefu fræðimenn um fjárhags- og
atvinnumál frá um 1880 til um 1930.