Skinfaxi - 01.02.2011, Blaðsíða 10

10 SKINFAXI – tímarit Ungmennafélags Íslands
HVAR
ERU ÞAU
Í DAG?
Eðvarð Þór
Eðvarðsson
Eðvarð Þór Eðvarðsson skipar sér á
bekk á meðal sterkustu sundmanna
sögunnar hér á landi. Eðvarð Þór var á
sínum tíma í hópi sterkustu baksunds-
manna í heiminum en hann komst
meðal annars í úrslit í 200 metra bak-
sundi á heimsmeistaramótinu í Madríd
1986. Þetta var á þeim tíma besti
árangur sem íslenskur sundmaður
hafði náð. Hann setti auk þess Norður-
landamet og varð þá annar Íslending-
urinn til að setja Norðurlandamet í
sundi. Hann bætti það síðan á Evrópu-
mótinu í Strassborg 1987 og það met
stóð í fimm ár. Sama ár hafnaði Eðvarð
Þór í þriðja sæti í 200 metra baksundi
í Evrópubikarkeppni innanhúss í
Malmö. Eðvarð Þór synti alla tíð fyrir
Ungmennafélagið Njarðvík.
Fór upp úr lauginni til
að þjálfa
„Ég menntaði mig sem kennara og fór
síðan í framhaldsnám í stjórnun mennta-
stofnana. Í dag er ég aðstoðarskólastjóri
Holtaskóla í Reykjanesbæ og sundþjálfari
hjá Íþróttabandalagi Reykjanesbæjar. Ég
er búinn að starfa við sundþjálfun alveg
frá því að mínum sundferli lauk. Við get-
um sagt að ég hafi farið upp úr lauginni
„Get ekki
hugsað mér
betri hluti
til að hafa í
minningunni“
til að þjálfa. Ég hef afskaplega gaman af
því að þjálfa og alltaf eru nýir vinklar á
þjálfunina eftir því sem maður eldist og
þroskast. Ég er íþróttakennari í grunninn
og hef lokið öllum þjálfarastigum sem
viðkoma sundinu. Ég fór m.a. til Dan-
merkur á sínum tíma og var þar um
tveggja ára skeið og þjálfaði þar félags-
lið,“ sagði Eðvarð Þór í spjalli við Skinfaxa.
Að ofan: Eðvarð
Þór ásamt tveim-
ur barna sinna.
Að neðan: Eðvarð
Þór Eðvarðsson,
íþróttamaður
ársins 1986.
Sundið hefur gefið mér
mikið
– Þegar þú lítur yfir farinn veg, hefur keppnis-
ferillinn og þjálfunin gefið þér mikið?
„Þetta var frábær tími. Ég get ekki
hugsað mér betri hluti til að hafa í minn-
ingunni. Það sem stendur upp úr á ferli
mínum er að komast í úrslit á Heims-
meistaramótinu í Madríd 1986 og þriðja
sæti á Evrópumeistaramótinu í Svíþjóð
sama ár. Norðurlandametið er líka ofar-
lega í minningunni og ég var síðan oft í
úrslitum á Evrópumeistaramótum. Það
var síðan ofsalega gaman að vera kjörinn
íþróttamaður ársins 1986. Ég komst svo í
undanúrslit á Ólympíuleikunum í Seoul
1988. Sundið hefur gefið mér mikið og
ég nýt þess enn í dag. Sundið hefur kennt
manni margt í frábærum félagsskap,
hvernig maður vill haga lífinu varðandi
taktík og skipulag,“ sagði Eðvarð Þór.
– Á hvaða vegi finnst þér sundíþróttin vera
í dag?
„Góðum að mörgu leyti. Þetta er harð-
ur heimur og það er svo margt annað
sem glepur. Þetta er erfið íþrótt sem
krefst mikils sjálfsaga. Ég held því fram
fullum fetum að einstaklingsbundinn
ávinningur sé gríðarlega mikill. Sem
dæmi vil ég nefna að ég er að hitta
krakka sem ég þjálfaði fyrir 15 árum og
maður nýtur þess að sjá hvar þau eru
stödd í lífinu og hvað þau hafa getað
tamið sér,“ sagði Eðvarð Þór Eðvarðsson í
spjallinu við Skinfaxa.