Skinfaxi - 01.02.2011, Blaðsíða 24

24 SKINFAXI – tímarit Ungmennafélags Íslands
Mikilvægi ungmennafélagshreyfingarinnar
hefur sjaldan verið meira en í dag. Á tímum
kreppu og samdráttar er nauðsynlegt að
styðja með öllum ráðum við grasrótarstarfið
í hreyfingunni, en það er undirstaðan fyrir
allt íþróttastarf félaganna. Ungmennafélag
Íslands og héraðssamböndin hafa í gegnum
árin veitt félögunum styrk og kraft á mörg-
um sviðum. Mikilvægt er að menn standi
þétt við bakið hver á öðrum og vinni sam-
eiginlega að baráttu- og hagsmunamálum
hreyfingarinnar. Á það ekki síst við þegar sótt
er að mikilvægum tekjustofnum hreyfingar-
innar og niðurskurður er á flestum sviðum
hjá ríkisvaldinu.
Á HSK-þingi, sem haldið var fyrir skömmu,
bar málefni heildarsamtaka íþróttahreyf-
ingarinnar á góma. Þar var m.a. rætt um
hugsanlegt samstarf og/eða sameiningu
UMFÍ og ÍSÍ. Við umræður í allsherjarnefnd
kom fram að margir fulltrúar aðildarfélaga
sögðust ekki hafa skýra mynd af því fyrir
hvað hreyfingarnar standa. Í ljósi þess er
ekki úr vegi að tæpa á því helsta sem UMFÍ
stendur fyrir.
Ungmennafélag Íslands
UMFÍ er landssamband ungmennafélaga.
Innan hreyfingarinnar eru nítján héraðssam-
bönd og tíu félög með beina aðild. Alls eru
263 félög innan UMFÍ með um 100 þúsund
félagsmenn. Markmið samtakanna er „rækt-
un lýðs og lands“, en í því felst að rækta það
besta hjá hverjum einstaklingi og einnig að
leggja rækt við íslenska tungu og menningu.
Ennfremur að vernda náttúru landsins. UMFÍ
leggur áherslu á að allir geti verið með og
að þátttaka sé lífsstíll.
Hlutverk UMFÍ er að samræma starfsemi
ungmennafélaga á Íslandi og veita þjónustu
við aðildarfélög og félagsmenn. UMFÍ kem-
ur fram út á við fyrir hönd ungmennafélag-
anna, til dæmis gagnvart stjórnvöldum og í
erlendum samskiptum. UMFÍ rekur þjónustu-
miðstöðvar í Reykjavík og á Sauðárkróki.
Þangað geta sambandsaðilar, félög eða ein-
stakir ungmennafélagar leitað eftir þjón-
ustu og aðstoð við ýmis verkefni.
Fjöregg hreyfingarinnar
Eitt af fjöreggjum ungmennafélagshreyfing-
arinnar er Unglingalandsmót UMFÍ. Mótið
er vímuefnalaus íþrótta- og fjölskylduhátíð
fyrir unglinga 11 til 18 ára og er haldin um
verslunarmannahelgina ár hvert. Þau eru frá-
bær kostur fyrir alla þá sem velja heilbrigt og
vímuefnalaust umhverfi samhliða því að taka
þátt í fjölbreyttri íþróttakeppni. Mótin hafa
notið gífurlegra vinsælda og hafa þátttak-
endur og gestir á mótunum verið á bilinu
10 til 12 þúsund. Á þessu ári verður 13. ULM
haldið á Egilsstöðum og næsta mót þar á
eftir verður á Selfossi 2012.
Landsmót UMFÍ hafa í gegnum tíðina ver-
ið stórviðburðir í íslenskri íþróttasögu. Þau
eru fjölmennustu íþróttahátíðir sem haldn-
ar eru hér á landi og hafa oft verið nefnd
Ólympíuleikar Íslands. Landsmót UMFÍ á
Akureyri 2009 var hið 26. í röðinni og jafn-
framt 100 ára afmælismót. Þar var keppt í
um 30 greinum, flestum hefðbundnum
íþróttagreinum, ásamt svokölluðum starfs-
íþróttum sem hafa notið mikilla vinsælda.
Rúmlega 1500 keppendur tóku þátt í mótinu.
Ef saman er talin þátttaka í kynningargrein-
um, ráðstefnum og öðru því sem boðið var
upp á voru þátttakendur yfir 2.700. Næsta
Landsmót UMFÍ verður haldið á Selfossi
2013.
Fyrsta Landsmót UMFÍ 50+ verður haldið á
Hvammstanga 24.–26. júní n.k. Þar gefst eldri
ungmennafélögum tækifæri á að etja kappi í
völdum íþróttagreinum og eiga góðar stund-
ir saman. UMFÍ hefur verið í góðu samstarfi
við Félag áhugafólks um íþróttir aldraðra,
FÍÁA, og Landssamtök eldri borgara við und-
irbúning þessa nýja verkefnis.
Vinsæl almennings-
íþróttaverkefni
UMFÍ hefur staðið fyrir mörgum vinsælum
almenningsíþróttaverkefnum undanfarin ár.
Hefur það verið gert til að vekja fólk til um-
hugsunar um mikilvægi hreyfingar og hollra
lifnaðarhátta. Á síðasta ári fór af stað verk-
efnið Hættu að hanga! – Komdu að synda,
hjóla eða ganga! Þar var höfðað til allra aldurs-
hópa þannig að hver og einn gæti stundað
sína íþrótt á eigin forsendum. Gönguverkefni
UMFÍ og Fjölskyldan á fjallið eru verkefni sem
hafa verið starfrækt árum saman og notið
mikilla vinsælda. Þá hefur UMFÍ komið að
vefnum ganga.is en þar er að finna upplýs-
ingar um göngu og gönguleiðir um land allt.
Umhverfismál skipa stóran sess í starfi
UMFÍ og hefur hreyfingin oft farið í lands-
átak til að hreinsa og fegra umhverfið. Um
þessar mundir er unnið að undirbúningi nýs
verkefnis undir kjörorðinu Hreint land, fagurt
land.
Sýndu hvað í þér býr
Félagsmálafræðsla er ein af grunneiningum
ungmennafélagshreyfingarinnar og hafa
margir einstaklingar fengið þekkingu og
reynslu af félagsmálastörfum innan hennar.
UMFÍ stofnsetti Leiðtogaskólann 2001 til að
halda utan um fræðslustarf hreyfingarinnar.
Leiðtogaskólinn býður upp á vönduð nám-
skeið með góðum leiðbeinendum hvar sem
er á landinu. UMFÍ hefur m.a. í samvinnu við
Kvenfélagasamband Íslands og Búnaðar-
samband Íslands staðið fyrir félagsmála-
fræðslu um land allt undir yfirskriftinni
,,Sýndu hvað í þér býr“.
Ungt fólk í UMFÍ
Í gegnum árin hefur stefna UMFÍ verið að
virkja ungt fólk sem mest til þátttöku í starfi
innan hreyfingarinnar. Starfandi er ung-
mennaráð UMFÍ, en í því eru ungmenni á
aldrinum 15–25 ára. Ráðinu er ætlað að
vera til umsagnar fyrir störf hreyfingarinnar
og taka að sér ákveðin verkefni. Ungmenna-
ráðið hefur komið að forvarnamálum hreyf-
ingarinnar og staðið fyrir skemmtihelgum
fyrir ungmenni 16–20 ára sem virða áfengis-
og tóbakslögin. Ungmennaráðið hefur
einnig tengst ýmsum námskeiðum og ráð-
stefnum, bæði innanlands og utan.
Norræn ungmennaskipti eru meðal
þeirra verkefna sem fara fram á vegum
UMFÍ á hverju ári. UMFÍ á einnig samstarf
við sex lýðháskóla í Danmörku og árlega
fara nokkur ungmenni til námsdvalar í
tengslum við það samstarf.
Öflugar forvarnir
UMFÍ hefur ávallt haft forvarnir á stefnu-
skrá sinni. Á síðasta sambandsþingi var sam-
þykkt ný forvarnastefna UMFÍ. Í nokkur ár
hefur verkefnið Flott án fíknar verið rekið
undir hatti UMFÍ. Verkefnið tekur einkum til
þriggja þátta, þ.e. neyslu tóbaks, áfengis og
ólöglegra fíkniefna. Verkefnið byggist á
samningsbundnu klúbbastarfi og viðburða-
dagskrá þar sem unglingar skemmta sér
saman á heilbrigðan og uppbyggilegan
hátt. Markmiðið með klúbbastarfinu er að
unglingum finnist eftirsóknarvert að eyða
æskunni á heilbrigðan hátt, án tóbaks og
vímuefna. Þá hefur UMFÍ undanfarin ár
tekið þátt í árlegum Forvarnadegi Forseta
Íslands.
Þrastaskógur
Ein fallegasta skógarperla landsins er
Þrastaskógur í Grímsnesi, skammt austan
við Ingólfsfjall. Tryggvi Gunnarsson gaf
Ungmennafélagi Íslands svæðið til skóg-
ræktar fyrir 100 árum. Þar er nú falleg úti-
vistarparadís með merktum gönguleiðum
sem margir nota. Í Þrastalundi er rekinn
veitingastaður.
STÖNDUM ÞÉTT SAMAN
Örn Guðnason, ungmennafélagi í stjórn UMFÍ og framkvæmdastjóri Umf. Selfoss:
Örn Guðnason,
stjórnarmaður UMFÍ
og framkvæmda-
stjóri Umf. Selfoss.