Skinfaxi - 01.02.2011, Blaðsíða 36

36 SKINFAXI – tímarit Ungmennafélags Íslands
Úr hreyfingunni
Aðalfundur Keflavíkur íþrótta- og ung-
mennafélags var haldinn 28. mars sl. Góð
mæting var á fundinn og sóttu hann um
60 manns. Meðal fundargesta voru Helga
Guðrún Guðjónsdóttir, formaður UMFÍ, og
Björg Jakobsdóttir, varaformaður UMFÍ,
Jóhann B. Magnússon, formaður Íþrótta-
bandalags Reykjanesbæjar, bæjarfulltrú-
arnir Friðjón Einarsson og Kristinn Jakobs-
son, Stefán Bjarkason, framkvæmdastjóri
íþrótta- og tómstundasviðs, og íþrótta-
og tómstundaráðsmennirnir Rúnar
Arnarsson og Björg Hafsteinsdóttir.
Ellert Eiríksson var kjörinn fundarstjóri
og Sigurvin Guðfinnsson ritari. Aðalfund-
urinn samþykkti breytingar á lögum
félagsins. Formaður og stjórn voru endur-
kjörin. Kosið var eftir nýjum lögum. Kosið
var um meðstjórnendur til eins árs þar
sem um mótframboð var að ræða.
„Við áttum góðan aðalfund, en fundur-
inn samþykkti breytingar á lögum félags-
ins. Það er á brattann að sækja fjárhags-
lega en samt sem áður horfum við alltaf
björtum augum fram á veginn. Það er
unnið gjöfult og gott starf innan deild-
anna sem skiptir miklu máli,“ sagði Einar
Haraldsson, formaður Keflavíkur, íþrótta-
og ungmennafélags, í samtali við Skinfaxa.
Á aðalfundinum var Sigurður Steindórs-
son sæmdur gullheiðursmerki Keflavíkur.
Sigurður var formaður Knattspyrnufélags
Keflavíkur KFK og vallarstjóri á íþróttavell-
inum í Keflavík, auk þess sem hann þjálf-
aði handbolta- og knattspyrnumenn og
-konur. Með sanni má segja að hann hafi
verið einn af merkari íþróttafrömuðum í
Keflavík. Sigurður studdi vel við yngri
íþróttaiðkendur og var þeim ávallt innan
Aðalfundur Keflavíkur, íþrótta- og ungmennafélags:
Sigurður sæmdur gullheiðursmerki
Kári Gunnlaugsson varaformaður, Sigurður
Steindórsson og Einar Haraldsson formaður.
handar. Hann var einnig í miklum tengsl-
um við meistaraflokk ÍBK og gekk þar í öll
störf, meðal annars að nudda leikmenn,
stundum svo hressilega að menn æptu
undan honum. Það hefur verið mikill feng-
ur í því fyrir íþróttalífið í Keflavík að hafa
mann eins og Sigurð innanborðs.
Frá afhendingu silfurheiðursmerkja. Frá vinstri:
Einar Haraldsson formaður, Björn Jóhannsson,
Hörður Ragnarsson, Jón Ólafur Jónsson og Kári
Gunnlaugsson,1. varaformaður.
Hörður Ragnarsson, Jón Ólafur Jónsson
og Björn Jóhannsson hlutu silfurheiðurs-
merki félagsins. Starfsmerki voru veitt
fyrir stjórnarsetu. Árni Pálsson, Sigurvin
Guðfinnsson og Þórður Magni Kjartans-
son fengu gullmerki fyrir 15 ár, Geir
Gunnarsson, Hermann Helgason og
Þorsteinn Magnússon silfurmerki fyrir 10
ár og Ásdís Júlíusdóttir, Halldóra B. Guð-
mundsdóttir, Helga H. Snorradóttir og
Hjördís Baldursdóttir fengu bronsmerki
fyrir 5 ár.
Starfsbikarinn var veittur Jóni Örvari
Arasyni. Björn Jóhannsson, Sigmar Björns-
son og Baldvin Sigmarsson voru heiðrað-
ir fyrir að þeir urðu allir Íslandsmeistarar
á árinu 2010, þrír ættliðir.
Formaður og varaformaður UMFÍ heiðr-
uðu þá Ólaf Birgi Bjarnason og Guðsvein
Ólaf Gestsson með starfsmerki UMFÍ.
Svanhvít Jóhannsdóttir var endurkjörin
formaður Umf. Kjalarness á aðalfundi
félagsins sem haldinn var 17. mars sl.
Ný stjórn tók við fyrir um ári síðan. Innra
skipulag félagsins hefur verið tekið í gegn
og öflugu starfi viðhaldið. Um þrjú hundr-
uð félagar eru skráðir í félagið í dag. Með-
al verkefna þess í fyrra voru sundnám-
skeið, knattspyrnuæfingar, fimleikaæfing-
ar og öflugt sumarstarf.
Sigurður Guðmundsson, landsfulltrúi
UMFÍ, og Gunnar Gunnarsson, varamaður
í stjórn UMFÍ, mættu á þingið fyrir hönd
UMFÍ og kynntu starf hreyfingarinnar.
Miklar umræður spunnust á þinginu um
þá möguleika sem Umf. Kjalarness getur
nýtt sér í gegnum UMFÍ.
Aðalfundur Ungmennafélags Kjalarness, UMFK:
Öflugu starfi viðhaldið
Ein breyting varð á stjórn. Hafsteinn Frið-
finnsson gaf ekki kost á sér áfram sem
varaformaður en verður varamaður í
stjórn. Magnús Ingi Magnússon tekur við
varaformennskunni og Birna Ragnars-
dóttir kemur ný inn sem meðstjórnandi.
Auk þeirra og Svanhvítar eru í stjórninni
Íris Fjóla Bjarnadóttir, ritari, og Davor
Karlsson, gjaldkeri.
„Það er óhætt að segja að starfið í heild
sinni gangi bara nokkuð vel. Starfið er að
mestu leyti byggt upp í kringum fótbolt-
ann og svo hafa fimleikarnir svolítið verið
að koma inn. Við byrjuðum með sund sl.
haust með námskeiðum og æfingum.
Þetta fór vel af stað þannig að við héld-
um áfram með sundið eftir áramót. Við
höfum verið með kynningu á körfubolta
og badminton en skráningar hafa ekki
verið nógu margar til að hægt sé að ráða
þjálfara að svo stöddu. Síðan hefur verið
ákveðið að auglýsa eftir íþróttafulltrúa
sem myndi starfa 50% með ungmenna-
félaginu og 50% með Klébergsskóla,“
sagði Svanhvít G. Jóhannsdóttir, for-
maður Umf. Kjalnesinga.
Svanhvít G. Jóhannsdóttir,
formaður Umf. Kjalnes-
inga á aðalfundinum.