Skinfaxi - 01.02.2011, Blaðsíða 4

4 SKINFAXI – tímarit Ungmennafélags Íslands
Á stjórnarfundi Ungmennafélags Íslands,
sem haldinn var 25. mars sl. í þjónustumið-
stöð UMFÍ í Reykjavík, var samþykkt að fyrsta
Landsmót UMFÍ 50+ verði haldið á Hvamms-
tanga í umsjá Ungmennasambands Vestur-
Húnvetninga dagana 24.–26. júní í sumar.
UMFÍ auglýsti eftir mótshaldara til að sjá um
undirbúning og framkvæmd á fyrsta Lands-
móti UMFÍ 50+ og bárust tvær umsóknir, frá
USVH og HSK. Mótið er sérstaklega ætlað
einstaklingum 50 ára og eldri. Framkvæmd
mótsins verður í höndum Ungmennafélags
Íslands og USVH í samstarfi við sveitarfélag-
ið Húnaþing vestra. Samstarfsaðilar eru
Félag áhugafólks um íþróttir aldraðra, FÁÍA,
og Landssamband eldri borgara.
Landsmót UMFÍ hafa alla tíð notið óskiptra
athygli og vinsælda. Landsmót UMFÍ eru ein
fjölmennustu íþróttamót sem haldin eru hér
á landi. Fyrsta mótið var haldið árið 1909 og
næsta mót verður haldið á Selfossi 2013. Á
Landsmótum er keppt í mörgum greinum
íþrótta auk ýmissa starfsíþrótta eins og drátt-
arvélaakstri, starfshlaupi auk annarra greina.
Fjöldi keppenda hefur oft verið í kringum
2000 og þeir sem koma og fylgjast með eru
frá 12 til 20.000, en hefur mest farið upp í
25.000 manns árið 1965 á Laugarvatni.
Unglingalandsmót UMFÍ hafa heldur
betur slegið í gegn, en 14. Unglingalandsmót
UMFÍ verður haldið á Egilsstöðum í sumar.
Fyrsta Unglingalandsmót UMFÍ var haldið á
Dalvík 1992. Unglingalandsmótin hafa svo
Fyrsta Landsmót UMFÍ 50+
verður haldið á Hvammstanga
sannarlega sannað gildi sitt sem glæsilegar
fjölskyldu- og íþróttahátíðir þar sem saman
koma þúsundir barna og unglinga ásamt
fjölskyldum sínum og taka þátt í fjölbreyttri
dagskrá. Frá árinu 2002 hafa Unglingalands-
mótin verið haldin á hverju ári og hefur þátt-
takendum fjölgað jafnt og þétt með hverju
árinu.
Nú hefur verið ákveðið að blása til fyrsta
Landsmóts UMFÍ 50+ á Hvammstanga
dagana 24.–26. júní nk. sem fyrr segir. Þó
nokkur umræða hefur verið í gangi um að
ýta úr vör Landsmóti UMFÍ fyrir þennan
aldurshóp enda hefur vakning um hreyfingu
ýmiss konar í þjóðfélaginu aldrei verið meiri.
Nú er svo komið að allir þeir sem eru orðnir
50 ára og eldri fá tækifæri til að etja kappi
saman í þeim greinum sem í boði eru á mót-
inu. Allir geta verið með og aðalatriðið er að
fólk hittist og eigi góða stund saman.
Helga Guðrún Guðjónsdóttir, formaður
UMFÍ, sagði það einkar ánægjulegt að þetta
mót skuli vera komið á en það sé búið að
vera áhugamál hennar og annarra í nokkurn
tíma. Landsmót UMFÍ 50+ verði því skemmti-
leg viðbót við þá flóru sem hreyfingin er með.
Helga Guðrún sagði ennfremur að þarna
væri verið að mæta ákveðnum aldurshópi
sem hefur verið að óska eftir að vera virkari
innan hreyfingarinnar. Hún taldi að þetta
Landsmót ætti að gera það.
„Við vitum að í þessum aldursflokki hefur
orðið ákveðin vakning á undanförnum árum.
Á stóru Landsmótunum okkar hafa alltaf ein-
hverjir verið að keppa á þessum aldri og enn-
fremur í almenningsíþróttum sem við höf-
um haldið úti. Með Landsmóti UMFÍ 50+
skapast vettvangur til að koma saman og
taka þátt í mörgum íþróttagreinum. Ég held
að þetta nýja mót sé kall tímans. Þarna á sér
ekki bara keppni heldur skiptir þátttakan máli
og vera saman í öllu mögulegu. Maður er
manns gaman er lykilþema í Landsmótunum
og það verður óneitanlega spennandi að sjá
hvernig til tekst. Mér líst sérlega vel á
Hvammstanga sem mótsstað og ég tel að
staðsetningin sé góð. Það er skemmtilegt
fyrir USVH að fá þetta mót en sambandið er
70 ára og þetta er um leið góð kynning fyrir
svæðið í heild sinni. Í þessu felast mörg tæki-
færi, bæði fyrir heimamenn og fyrir lands-
menn sem eru að koma og taka þátt,“ sagði
Helga Guðrún Guðjónsdóttir, formaður
UMFÍ, í samtali við Skinfaxa.
– Verður ekki spennandi að sjá hvernig til
tekst?
„Jú, það verður það. Ég hlakka mikið til og
vona að það verði góð þátttaka. Við rennum
svolítið blint í sjóinn með þátttökuna en von-
andi er að þetta mót festi sig í sessi eins og
hin mótin tvö. Verkefnið er mjög spennandi
og þarft og ég held að þetta sé góð viðbót
og stuðningur við íþróttastarfið í landinu
og þennan aldurshóp,“ sagði Helga Guðrún.
Myndirnar hér á
síðunni eru frá
Hvammstanga.
Húnaþing vestra