Skinfaxi - 01.02.2011, Blaðsíða 40

40 SKINFAXI – tímarit Ungmennafélags Íslands
Úr hreyfingunni
Sambandsþing UÍA var haldið á Eskifirði
5. mars sl. Þingið gekk vel í alla staði og
fóru fram líflegar umræður um starfsemi
sambandsins. Á þinginu var kjörin ný
stjórn og er hún skipuð sem hér segir:
Formaður er Elín Rán Björnsdóttir. Aðal-
stjórn: Vilborg Stefánsdóttir, Neskaupstað,
Jósef Auðunn Friðriksson, Stöðvarfirði,
Gunnlaugur Aðalbjarnarson, Egilsstöðum,
og Gunnar Gunnarsson, Fljótsdal. Vara-
stjórn Stefán Bogi Sveinsson, Böðvar
Bjarnason og Jóhann Atli Hafliðason. Úr
aðalstjórn gengu Gunnar Jónsson, Eski-
firði, Berglind Agnarsdóttir, Fáskrúðsfirði,
Ungmenna- og íþróttasamband Austurlands, UÍA:
Líflegt og málefnalegt þing á Eskifirði
og Jónas Þór Jóhannsson, Egilsstöðum.
Úr varastjórn gengu Steinn Jónsson og
Björn Heiðar Sigurbjörnssoni. Þeim voru
þökkuð vel unnin störf í þágu UÍA.
Seyðfirðingarnir Adolf Guðmundsson
og Þorvaldur Jóhannsson voru sæmdir
starfsmerkjum UMFÍ. Adolf var formaður
UÍA um skeið á níunda áratugnum. Hann
starfaði lengi að knattspyrnumálum hjá
Hugin og þjálfaði handknattleikslið UÍA
sem náði góðum árangri á Landsmótinu
í Keflavík. Adolf er að auki með dómara-
réttindi í boccia og hefur oft reynst ung-
mennafélagshreyfingunni öflugur bakhjarl.
Frá afhendingu starfsmerkja
á sambandsþingi UÍA.
Hjálmar Jónsson, íþrótta-
maður UÍA 2010.
KAUPFÉLAG SKAGFIRÐINGA
Þorvaldur var einn af framámönnum
skíðaiðkunar á Seyðisfirði. Hann hefur
starfað og stutt ungmennahreyfinguna í
áratugi, meðal annars sem skólastjóri,
sveitarstjórnarmaður og framkvæmda-
stjóri Sambands sveitarfélaga á Austur-
landi. Hann varði mark knattspyrnuliðs
Hugins um tíma og lætur enn vel í sér
heyra á vellinum. Gunnar Gunnarsson,
varamaður í stjórn UMFÍ, sæmdi Seyð-
firðingana heiðursmerkjum sínum. Þá
var Hjálmar Jónsson úr akstursíþrótta-
klúbbnum Start kjörinn íþróttamaður
UÍA.