Skinfaxi - 01.02.2011, Blaðsíða 31

SKINFAXI – tímarit Ungmennafélags Íslands 31
Blak:
Þróttur í Neskaupstað
bikarmeistari kvenna
Kvennalið Þróttar í Neskaupstað varð bikar-
meistari kvenna í blaki þegar liðið lagði HK í
sannkölluðum háspennuleik sem fram fór í
Laugardalshöllinni 20. mars sl.
Þróttur byrjaði mikið mun betur en HK og
sigraði í tveimur fyrstu hrinunum. Þá tók HK
við sér og náði að jafna í 2-2 og því varð að
grípa til oddahrinu. Í oddahrinunni varð
að framlengja til að knýja fram úrslit en
Þróttur sigraði með 19 stigum gegn 1.7
Uppfærsla leikdeildar Eflingar í Þingeyjar-
sýslu á Sögu úr Vesturbænum, West Side
Story, var frumsýnd á Breiðumýri fyrir fullu
húsi þann 18. mars sl. Sýningin tókst í alla
staði frábærlega og var hún enn ein rós í
hnappagat leikdeildar Eflingar og Arnórs
Benónýssonar leikstjóra. Flest burðarhlut-
verk eru í höndum ungra leikara sem stunda
nám við Framhaldsskólann á Laugum og
Litlulaugaskóla og sum hver eru að stíga
sín fyrstu skref á sviði. Öll skiluðu þau hlut-
verkum sínum með sóma og hnökralaust.
Leikdeild Eflingar sýndi
Sögu úr Vesturbænum
fyrir fullu húsi
Reyndari leikarar leikdeildarinnar voru
í minni hlutverkum að þessu sinni og
skiluðu sínu með sóma eins og við var að
búast. Alls taka 35 leikarar þátt í sýning-
unni, auk vel á fjórða tug fólks sem unnið
hefur hörðum höndum að tjaldabaki við
förðun, búninga, hárgreiðslu, lýsingu og
uppsetningu á sviðinu sem er mjög stórt.
Tónlistarstjórn er í höndum Jaan Alavere.
„Frumsýningin gekk gríðarlega vel en
stund sem þessi er alltaf spennandi. Við-
tökurnar voru mjög góðar og allir sem
komu að sýningunni stóðu sig með prýði.
Undirbúningur er búinn að standa yfir
meira og minna síðan í nóvember en aðal-
krafturinn byrjaði í janúar og fram að
frumsýningu,“ sagði Arnór Benónýsson,
leikstjóri sýningarinnar Sögu úr Vestur-
bænum, í samtali við Skinfaxa.
„Það fer mikill tími í uppfærslu á svona
stykki. Það fara svona 6–8 vikur og fimm
daga vikunnar í undirbúning. Það er gam-
an þegar gengur vel, þetta gefur mikið
og félagsskapurinn er skemmtilegur. Við
erum búin að auglýsa níu sýningar en
aðsókn ræður að sjálfsögðu hve margar
sýningar verða þegar upp er staðið. Við
erum nánast búin að vera með einhverja
uppfærslu á hverjum vetri síðustu 15 árin
og aðsóknin alltaf verið góð,“ sagði Arnór
Benónýsson.
Frá frumsýningu á
verkinu West Side
Story hjá Eflingu
í Þingeyjarsýslu.