Skinfaxi - 01.02.2011, Blaðsíða 28

28 SKINFAXI – tímarit Ungmennafélags Íslands
Valdís Þóra
íþróttamaður Akraness
Valdís Þóra Jónsdóttir var kjörin
íþróttamaður Akraness fyrir árið 2010
og var það tilkynnt eftir þrettánda-
gleði í Íþróttahúsinu á Akranesi. Hún
varð m.a. Íslandsmeistari kvenna í
holukeppni sem fram fór á Garða-
velli sl. sumar. Þetta er fjórða árið í
röð sem hún hlýtur nafnbótina
íþróttamaður Akraness. Hún varð
einnig stigameistari kvenna í Eim-
skipsmótaröð GSÍ og vann til verð-
launa á mörgum mótum sumarsins.
Valdís Þóra gerði það líka gott í
Bandaríkjunum þar sem hún er við
nám. Hún var í sigurliði síns skóla og
jafnaði skólametið hjá Texas State
fyrir lægsta skor einstaklings í
keppni. Meðalskor hennar er með
því lægsta sem nýliði á háskólamóta-
röðinni hefur leikið og var hún valin
í lið ársins.
Valdís Þóra tók þátt í Evrópumóti
kvenna fyrir Íslands hönd á La Manga
á Spáni. Hún var einnig valin til að
taka þátt í Heimsmeistaramótinu í
Argentínu fyrir Íslands hönd en varð
fyrir því óláni að fótbrotna í haust og
komst því ekki með á HM.
Önnur í kjörinu varð sundkonan
Inga Elín Cryer og Aðalheiður Rósa
Harðardóttir karatekona í þriðja sæti.
Athygli vekur að konur eru í þremur
efstu sætunum í kjörinu. Þess má
geta svona, til gamans, að Valdís
Þóra og Aðalheiður Rósa eru bræðra-
dætur.
Ragnar og Guðmunda
íþróttakarl og íþrótta-
kona Árborgar
Ragnar Jóhannsson, handknattleiks-
maður frá Umf. Selfoss, og Guðmunda
Brynja Óladóttir, knattspyrnukona
frá Umf. Selfoss, voru útnefnd íþrótta-
karl og íþróttakona Árborgar 2010
á uppskeruhátíð íþrótta- og tóm-
stundanefndar Árborgar 28. desem-
ber sl. Þau eru vel að þessum titlum
komin en þau stóðu sig einstaklega
vel á þessu ári, Ragnar með hand-
knattleiksliðinu sem komst upp í
efstu deild sl. vor og landsliði Íslands
í sínum flokki og Guðmunda með
knattspyrnuliði Umf. Selfoss sem og
U17- og U19-landsliðum Íslands.
Þeim íþróttamönnum sem náðu
afburða árangri á árinu var veitt
viðurkenning og er greinilegt að
efniviðurinn er til staðar í Árborg.
Einnig var úthlutað peningastyrkj-
um til þeirra sem náðu afburða
árangri í meistaraflokki. Handknatt-
leiksdeild Umf. Selfoss og Knatt-
pyrnufélag Árborgar voru heiðruð
sérstaklega fyrir þann frábæra árang-
ur að komast upp um deild og fim-
leikadeild Umf. Selfoss fékk viður-
kenningu fyrir að komast á Evrópu-
mót í hópfimleikum.
Emil Pálsson íþrótta-
maður Ísafjarðarbæjar
Knattspyrnumaðurinn Emil Pálsson
frá Boltafélagi Ísafjarðar var 23. janú-
ar sl. valinn íþróttamaður Ísafjarðar-
bæjar fyrir árið 2010. Þrátt fyrir ung-
an aldur er Emil einn allra besti knatt-
spyrnumaður sem Vestfirðingar hafa
átt. Hann spilaði á æfingamóti í
Svíþjóð með U18-landsliði Íslands
þar sem hann var byrjunarmaður í
öllum leikjum. Þrátt fyrir ungan ald-
ur er hann burðarstólpi í meistara-
flokki BÍ og var fyrirliði þess árið 2010.
Hann hefur verið fastamaður í ungl-
ingalandsliðum KSÍ og stundar nú
æfingar með U19-landsliði Íslands.
Emil leggur hart að sér við æfingar
jafnt sem leiki og er fyrirmynd allra
íþróttamanna, yngri sem eldri.
Kristján Helgi íþrótta-
maður og Nína Björk og
Sigríður Þóra íþrótta-
konur Mosfellsbæjar
Kjör íþróttamanns og íþróttakonu
Mosfellsbæjar fór fram í Íþróttamið-
stöðinni að Varmá 17. janúar sl.
Ásamt því að heiðra íþróttakarl og
-konu Mosfellsbæjar voru veittar
viðurkenningar fyrir Íslandsmeistara-
titla, bikarmeistara, landmótsmeist-
ara og fyrir þátttöku í æfingum eða
keppni með landsliði. Einnig voru
veittar viðurkenningar fyrir efni-
legasta dreng og stúlku yngri en 16
ára í hverri íþróttagrein. Heiðursverð-
laun fékk Sveinbjörn Sævar Ragnars-
son, markvörður og handbolta-
kappi úr Aftureldingu, sem hefur
æft og keppt með félaginu í 33 ár
og er enn að keppa, 67 ára gamall.
Fimm fulltrúar voru í kjöri til
íþróttamanns Mosfellsbæjar frá
fimm félögum en íþróttamaður
Mosfellsbæjar 2010 var kjörinn
Kristján Helgi Carrasco með 93 stig.
Kristján var í 1. sæti á Bikarmeist-
aramóti Íslands KAÍ og í 1. sæti á
Grand Prix-meistaramóti Kata á veg-
um KAÍ. Bæði mótin eru haldin þrisv-
ar á keppnistímabilinu og eru stigin
talin saman. Karatesamband Íslands
útnefndi hann sem karatemann
Íslands 2010. Hann var kjörinn
íþróttamaður Aftureldingar 2010.
Fjórir fulltrúar voru í kjöri til íþrótta-
konu Mosfellsbæjar frá fjórum félög-
um. Íþróttakonur Mosfellsbæjar
2010 voru kjörnar þær Nína Björk
Geirsdóttir, golfíþróttakona úr Golf-
klúbbnum Kili, og Sigríður Þóra
Birgisdóttir, knattspyrnukona úr Aft-
ureldingu. Þær urðu jafnar í kjörinu
með 93 stig.
Nína sýndi frábæran árangur á
árinu og fór meðal annars holu í
höggi á Íslandsmótinu í holukeppni
og lenti í fjórða sæti á Landsmóti
GSÍ. Hún spilaði fyrir Íslands hönd í
Evrópukeppni landsliða þar sem hún
stóð sig best af íslensku keppendun-
um í mótinu. Nína var kosin íþrótta-
kona Golfklúbbsins 2010.
Sigríður Þóra hefur keppt með
U17- og U19-landsliðum Íslands,
í samtals 11 leikjum. Þótt Sigríður
Þóra sé ung að árum hefur hún ver-
ið ein af lykilleikmönnum í meistara-
flokki Aftureldingar síðustu fjögur
ár og verið fyrirliði liðsins í nokkrum
leikjum. Hún var jafnframt kjörin
íþróttakona Aftureldingar 2010.
Jón Guðni íþrótta-
maður Ölfuss
Knattspyrnumaðurinn Jón Guðni
Fjóluson, leikmaður Fram og U-21
landsliðs Íslands, var valinn íþrótta-
maður ársins 2010 í Sveitarfélaginu
Ölfusi og fór fram verðlaunaafhend-
ing af því tilefni í Versölum í Þorláks-
höfn 17. janúar sl.
Jón Guðni átti frábært sumar árið
2010 og var einn af lykilmönnum
Fram í Pepsídeildinni. Þar spilaði
hann 17 leiki og skoraði 5 mörk. Jón
Guðni spilaði sinn fyrsta A-landsleik
í mars en alls urðu þeir fjórir á árinu.
Þá spilaði Jón Guðni með U21-lands-
liði Íslands sem náði þeim frábæra
árangri að komast í úrslit Evrópu-
meistaramótsins í knattspyrnu 2011.
Jón Guðni var valinn í lið ársins hjá
KSÍ og hlaut ýmsar fleiri viðurkenn-
ingar á árinu.
Ellefu íþróttamenn voru tilnefnd-
ir í kjörinu um íþróttamann ársins en
íþrótta- og æskulýðsnefnd Ölfuss
velur hver hlýtur titilinn og er þetta
í tólfta sinn sem valið fer fram.
Alfreð og Íris Mist
íþróttafólk Kópavogs
Alfreð Finnbogason, knattspyrnu-
maður úr Breiðabliki, og Íris Mist
Magnúsdóttir, fimleikakona úr
Gerplu, voru kjörin íþróttakarl og
íþróttakona Kópavogs fyrir árið
2010. Kjörinu var lýst á íþróttahátíð
Kópavogs í Salnum 5. janúar sl.
Fengu þau að launum farandbikar
og eignarbikar jafnframt því sem
Hafsteinn Karlsson, forseti bæjar-
stjórnar Kópavogs, afhenti þeim
hvoru um sig 150 þúsund króna
ávísun í viðurkenningarskyni frá
bæjarstjórn Kópavogs.
Alfreð og Íris Mist voru valin úr
hópi 39 íþróttamanna sem fengu
viðurkenningu íþrótta- og tóm-
stundaráðs Kópavogs (ÍTK) eftir
tilnefningar frá íþróttafélögunum í
bænum.
Alfreð var einn af lykilmönnum í
meistaraliði Breiðabliks sem á árinu
vann fyrsta Íslandsmeistaratitil félags-
ins í karlaknattspyrnu. Hann lék 21
leik í Pepsídeildinni, skoraði 14 mörk
og var í hópi markahæstu leikmanna
deildarinnar. Hann var valinn besti
leikmaður ársins í lokahófi KSÍ af
leikmönnum og þjálfurum Pepsí-
deildarinnar. Sömu útnefningu
hlaut hann hjá Morgunblaðinu,
Fréttablaðinu og á fótbolti.net.
Hann spilaði sinn fyrsta A-landsleik á
árinu og var fastamaður í U21-lands-
liðinu sem vann sér þátttökurétt á
EM í Danmörku á komandi sumri.
Alfreð hefur verið gríðarlega ein-
beittur í að ná markmiðum sínum
og heldur nú til Lokeren í Belgíu þar
sem hann tekst á við ný verkefni
sem atvinnumaður í knattspyrnu.
Íris Mist varð á árinu Íslands- og
bikarmeistari í hópfimleikum ásamt
stöllum sínum í liði Gerplu. Hápunkt-
inum var hins vegar náð í október
síðastliðnum þegar hún ásamt liðs-
félögum sínum varð Evrópumeistari
í hópfimleikum. Íris Mist er einn af
burðarstólpunum í Evrópumeistara-
liðinu bæði félagslega og getulega.
Hún hefur vakið sérstaka athygli
fyrir að framkvæma ný og erfið stökk
á trampolíni. Á EM framkvæmdi hún
m.a. erfiðustu æfingar á trampolíni
sem sýndar voru á mótinu. Árangur
Írisar Mistar og liðsfélaga hennar er
einstakur í íþróttasögu landsins þar
sem þetta er fyrsta liðið sem vinn-
ur til gullverðlauna í hópíþrótt á
Evrópumóti.
Hörður Axel íþrótta-
maður Keflavíkur
Hörður Axel Vilhjálmsson var kjör-
inn íþróttamaður Keflavíkur fyrir
árið 2010 en þetta var annað árið í
röð sem Hörður Axel hlýtur þessa
viðurkenningu.
Í umsögn um Hörð Axel segir að
hann hafi tekið miklum breyting-
um frá því að hann lék fyrst með
Keflavík. Hann er fyrirmynd ungu
kynslóðarinnar, utan vallar sem
innan. Hann var lykilleikmaður
Keflavíkurliðsins á síðasta tímabili
og var liðið hársbreidd frá Íslands-
meistaratitli. Oddaleikur í úrslitaein-
víginu var háður í Keflavík en hann
tapaðist eins og frægt er orðið.
Hörður Axel leggur mikið á sig til
að bæta sig sem leikmaður og stund-
ar morgunæfingar af fullum krafti,
oft eins síns liðs. Þrátt fyrir að liðið
hafi ekki halað inn titla á leiktíðinni
er Hörður Axel verðugur handhafi
þessarar tilnefningar segir í umsögn-
inni. Hann var valinn í Stjörnulið KKÍ
í netkosningu á dögunum fyrir hönd
landsbyggðarinnar. Það er enn ein
sönnun þess að strákurinn hefur
2010
ÍÞRÓTTAFÓLK ÁRSINS