Morgunblaðið - 24.11.2009, Blaðsíða 15

Morgunblaðið/Hjálmar Bogi Hafliðason
Eftir Hafþór Hreiðarsson
Húsavík | „Ég hef stundum verið
spurður hvers vegna ég búi á
Húsavík og hafi aldrei farið héð-
an. Þið, kæru vinir, hafið svarað
því hér í dag,“ sagði Sigurður
Hallmarsson þegar hann þakkaði
fjölmörgum gestum innilega fyrir
komuna á opnun myndlistarsýn-
ingar sl. laugardag sem hann
heldur í tilefni áttræðisafmælis
síns sem er í dag. Sýningin er í
Safnahúsinu á Húsavík og var
opnunin með afar menningar-
legum hætti enda fáir, ef nokkrir,
sem hafa lagt lista- og menning-
arlífi Húsvíkinga jafnmikið lið í
gegnum tíðina og Sigurður Hall-
marsson. Enda er Diddi Hall, eins
og Sigurður er jafnan kallaður
meðal Húsvíkinga, fyrsti og eini
bæjarlistamaður Húsavíkur til
þessa.
Dagskráin hófst í Sjóminjasafn-
inu þar sem fluttar voru ræður,
leikið á hljóðfæri, sungið og boð-
ið upp á léttar veitingar. Meðal
annars lék lúðrasveit ljúfa tóna,
undir stjórn Didda, kórar sungu
og þeirra á meðal Sólseturskór-
inn, kór aldraða sem Diddi
stjórnar og Herdís, alltaf kölluð
Dísa, Birgisdóttir, eiginkona
Didda, syngur með. Þegar komið
var upp í sýningarsalinn lék
Katrín, dóttir Didda og Dísu, á
flygil sem þar er og sagði afmæl-
isbarnið þetta hafa verið sann-
kallaðan húsvískan menningar-
viðburð. Lagði jafnframt til að
bæjarbúar fyndu sér tilefni í
hverjum mánuði til að halda slíka
samkomu.
Á sýningunni sýnir Diddi sextíu
og sex vatnslitamyndir sem hann
hefur málað á undanförnum ár-
um og stendur hún til og með 29.
nóvember og er opin frá kl. 13-
17.
Fyrsti og eini bæjarlista-
maður Húsavíkur áttræður
Listagen Katrín, dóttir Dísu og Didda, lék á flygil. Sjálfur situr Diddi (l.t.v.)
við hlið Dísu, konu sinnar. Því næst er Reynir Jónasson tónlistarmaður.
Stjórnandinn Sigurður Hallmarsson stjórnaði lúðrasveit í tilefni dagsins en
hann er jafnframt kórstjóri Sólseturskórsins, kórs eldri borgara á Húsavík.
Daglegt líf 15
MORGUNBLAÐIÐ ÞRIÐJUDAGUR 24. NÓVEMBER 2009
Stefán Friðbjarnarson skrifar:„Í Staksteinum Morgunblaðs-
ins 16. nóvember er látið að því
liggja að fjármálaráðherrann eigi
ekkert eftir að skattleggja nema
andardrátt fólks.“ Og auðvitað
fylgir staka.
Hann á ríkið, hann á máttinn,
en hann er stundum seinn að
fatta,
og hann á aðeins andardráttinn
eftir til að leggja á skatta.
Rúnar Kristjánsson hlustaði á
fréttir í hádeginu í síðustu viku:
Mig í hjartað hryggðin sker,
heftir gleði fríska.
Lafði Thatcher látin er,
– læðan kanadíska!
Guðmundur Hansen sendi vísu í
Hornið:
Þá ýtt úr stjórn var Ögmundi
ýfðust Liljur grænuvalla,
stukku burt frá Steingrími
og stríddu lúmskum nauðaskalla.
VÍSNAHORN pebl@mbl.is
Af læðunni
Thatcher
Nú eru liðnir 328 dagar af þessu ári
og innan við mánuður þangað til sól
fer aftur að hækka á lofti. Þessir
328 dagar hafa verið dagar sem við
hér um slóðir höfum meðal annars
hugsað töluvert um hvort verði af
byggingu netþjónabús á Blönduósi.
Enn fást engin skýr svör en þeir
sem best þekkja til þessara mála
eru vongóðir. Ef af þessu verkefni
verður skapast hér mörg ný störf
og verður það öllu héraðinu, og þótt
víðar væri leitað, mikil lyftistöng.
  
Þó svo við höfum beðið eftir net-
þjónabúi hafa menn líka unnið að
ýmsu og hrint í framkvæmd. Nægir
að nefna að verið er að byggja nýja
sundlaug og sundlaugargarð og
hafa framkvæmdir gengið vel. Ef
allt fer eins og áætlað er verður
sundlaugin tekin í gagnið um það
leyti sem fyrstu lömbin líta heiminn
í vor.
Nýtt pípuorgel var vígt í kirkjunni
um miðjan mánuðinn að viðstöddu
fjölmenni. Orgelverkstæði Björgvins
Tómassonar á Stokkseyri annaðist
hönnun og smíði orgelsins og hófst
vinna við smíði þess í september
2007.
Orgelhúsið er úr evrópskri eik sem
og allar trépípur þess, 72 að tölu.
Málmpípur eru smíðaðar úr ýmsum
tin- og blýblöndum en samtals hefur
hljóðfærið að geyma 1.245 pípur og
tuttugu og eina rödd. Að vígsluathöfn
lokinni bauð sóknarnefnd til kaffi-
samsætis í Félagsheimilinu á
Blönduósi
  
Það er gaman að byggja upp en að
hinu gamla, sem hefur tilfinningalegt
og menningarlegt gildi, þarf að hlúa.
Gamla kirkjan, sem kúrir undir
brekkurótum í gamla bænum, hefur
fengið töluverða andlitslyftingu í
sumar og haust. Eins og margir vita
var gamla kirkjan afhelguð fyrir
rúmum tveimur árum og gefin með
ákveðnum skilyrðum. Hugmynd
þeirra Atla Arasonar og Sveins M.
Sveinssonar, sem eiga kirkjuna, er að
koma á laggirnar lista- og menning-
arhúsi. Allt er undir í því sambandi
og er engin listgrein undanskilin. Í
þessari vinalegu kirkju með stóru
sálina er hægt að vera með litla tón-
leika, myndlistarsýningar hverju
nafni sem þær nefnast og svo mætti
lengi telja. Það eina sem er takmark-
andi í því sem þarna verður hægt að
gera áður en langt um líður er fyrst
og fremst hugmyndaflugið. Eigend-
urnir hafa sannarlega gert sitt til að
standa undir þeim skilyrðum sem
sett voru og má segja að ástand
kirkjunnar í dag sé með miklum
ágætum.
  
Nú fer að líða að lokum rjúpnaveiði-
tímabilsins og eru menn sammála um
að meira hafi verið um rjúpu á þessu
hausti en oft áður. Flestir veiðimenn
hafa fengið sem þarf í jólamatinn og
geta því farið að einbeita sér að því að
setja upp jólaljósin og lýsa upp
skammdegið en ekki veitir af, því
jörð er alauð og gleypir mestalla
birtu sem býðst þessa dagana.
BLÖNDUÓS
Jón Sigurðsson fréttaritari
Morgunblaðið/Jón Sigurðsson
Vígsla Fjölmenni var viðstatt vígslu hins nýja pípuorgels.
ÞAÐ ER STUTT TIL DANMERKUR
Fundur með sendiherra Íslands
í Kaupmannahöfn
www.utflutningsrad.iswww.utn.stjr.is
Sturla Sigurjónsson, verðandi sendiherra Íslands í
Kaupmannahöfn, verður til viðtals miðvikudaginn
25. nóvember.
Fundirnir eru kjörið tækifæri fyrir þá sem vilja ræða
viðskiptamöguleika, menningartengd verkefni og önnur
hagsmunamál í umdæmi sendiráðsins.
Auk Danmerkur eru umdæmislönd sendiráðsins: Færeyjar,
Grænland, Ísrael, Rúmenía, Slóvenía og Tyrkland.
Fundirnir verða haldnir á skrifstofu Útflutningsráðs Íslands,
Borgartúni 35, og má bóka þá í síma 511 4000 eða með
tölvupósti, utflutningsrad@utflutningsrad.is.
Nánari upplýsingar veita Andri Marteinsson,
andri@utflutningsrad.is og Hermann Ottósson,
hermann@utflutningsrad.is.
PI
PA
R\
TB
W
A
•
SÍ
A
•
9
2
1
5
7