Morgunblaðið - 24.12.2009, Blaðsíða 16

16 FréttirINNLENT
MORGUNBLAÐIÐ FIMMTUDAGUR 24. DESEMBER 2009
Við hjá Bílabúð Benna óskum viðskiptavinum
og landsmönnum öllum gleði og friðar yfir
hátíðarnar og þökkum samskiptin á árinu sem
er að líða.
Þann 15. desember lagði Bílabúð Benna
sitt af mörkum til samfélagsins með því
að færa matargjöf til sameiginlegs átaks
Mæðrastyrksnefndar, Reykjavíkurdeildar
Rauða Krossins og Hjálparstarfs kirkjunnar.
Ákveðið var að gera slíkt í stað þess að
senda hefðbundin jólakort og jólagjafir til
viðskiptavina.
Á mynd f.v. Margrét Beta Gunnarsdóttir - Bílabúð Benna,
Ragnhildur G. Guðmundsdóttir - Formaður Mæðrastyrksnefndar
Benedikt Eyjólfsson - Bílabúð Benna.
Bílabúð Benna - Vagnhöfða 23 - 110 Reykjavík - 590 2000 - benni@benni.is - www.benni.is
Gleðilega hátíð
FRÉTTASKÝRING
Eftir Silju Björk Huldudóttur
silja@mbl.is
„ÞAÐ er óhætt að segja að sam-
komulagi stjórnvalda um íslenska
kvikmyndagerð hafi verið kippt úr
sambandi á þessu ári,“ segir Laufey
Guðjónsdóttir, forstöðumaður Kvik-
myndamiðstöðvar Íslands. Bendir
hún á að samkvæmt fjögurra ára
samkomulagi sem þáverandi
menntamálaráðherra og fjármála-
ráðherra gerðu við samtök í ís-
lenskri kvikmyndagerð árið 2006
hefðu framlög til íslenskrar kvik-
myndagerðar átt að hækka í þrep-
um úr 490 milljónum króna árið
2007 í 700 milljónir árið 2010.
Í fjárlögum ársins 2010 var hins
vegar samþykkt að lækka framlög
til Kvikmyndasjóðs, sem sér um að
úthluta styrkjum til leikinna kvik-
mynda í fullri lengd, stuttmynda-
gerðar, heimildamyndagerðar og
leikins sjónvarpsefnis, niður í 450
milljónir, en á fyrri vinnslustigum
fjárlaganna var lagt til að framlagið
yrði 390 milljónir. Því mótmæltu
kvikmyndagerðarmenn harðlega og
voru ekki síst ósáttir við að skera
ætti miklu mun meira niður í fram-
lögum til kvikmyndagerðarlistar en
annarra listagreina.
Að mati Laufeyjar er hætt við því
að niðurskurðurinn á árinu 2010 hafi
mjög mikil og jafnvel langvarandi
áhrif á kvikmyndageirann hér á
landi. Þannig verði erfiðara að fjár-
magna myndir sem svo aftur geti
leitt til þess að sérmenntað fagfólk
hérlendis hverfi úr greininni, annað
hvort til útlanda eða í önnur ótengd
störf, en um 300 manns hafa lifi-
brauð sitt af kvikmyndagerð hér.
Spurð hvað Kvikmyndasjóður hefði
getað tekið á sig mikinn niðurskurð
án þess að setja geirann í uppnám
segir Laufey að þær tæpu 600 millj-
ónir sem framlög til Kvikmynda-
sjóðs, þar með talið Sjónvarpssjóðs
voru komin upp í hafi í reynd verið
nokkurs konar lágmark. „Ef við get-
um ekki styrkt a.m.k. þrjár leiknar
kvikmyndir og 2-4 sjónvarpsþátta-
raðir á ári og stutt við heimilda- og
stuttmyndir þá er mikil hætta á
spekileka í greininni.“
Spurð hvað sé nú þegar í vinnslu
segir Laufey að í eftirvinnslu séu
myndirnar Rokland, Sumarlandið,
Laxdæla Lárusar Skjaldasonar,
Kóngavegur, Órói og teiknimyndin
Þór, auk þess sem þrjár myndir
hafa fengið vilyrði um styrk, en þær
eru Gauragangur, Grafarþögn og
Baldur. „Það er ljóst að sjóðurinn
ræður ekki við allar þær myndir
sem nú þegar hafa fengið hafa vil-
yrði um styrk og eru í undirbúningi,
þannig að það verður að draga eitt-
hvað úr,“ segir Laufey.
Varar við fátækragildru
Í opnu bréfi sem forsvarsmenn
kvikmyndageirans sendu öllum al-
þingismönnum vikuna áður en fjár-
lögin voru samþykkt, var á það bent
að 140 milljón kr. niðurskurður 2010
jafngilti í reynd niðurskurði upp á
280 milljónir til greinarinnar í heild.
Ástæðan er sú að Kvikmyndasjóður
styrkir aldrei meira en 50% af fram-
leiðslukostnaði myndar og því komi
alltaf 50% framlag frá erlendum
fjárfestum. Laufey varar við ákveð-
inni fátækragildu sem komi fram í
því að kvikmyndagerðarmenn freisti
þess að gera ódýrari myndir en fyrr
sem þýði að minna fjármagn erlend-
is frá komi inn í verkefnin auk þess
sem það kalli á fleiri erlenda með-
framleiðendur sem aftur þýði að
tekjumöguleikar íslenskra framleið-
enda minnki. Laufey segir mikil-
vægt að ekki sé veittur neinn af-
sláttur á tæknilegar lágmarkskröfur
kvikmyndir og þau gæði sem ein-
kenni myndir atvinnumanna.
„Við höfum miklar áhyggjur af
framhaldinu,“ segir Ásdís Thorodd-
sen, kvikmyndagerðarmaður. Bend-
ir hún á að reynslan erlendis frá
sýni að það borgi sig að halda áfram
stuðningi við kvikmyndageirann á
þrengingartímum þar sem hann
skili meiri peningum til þjóðarbús-
ins en sem nemi styrkjunum sem til
hans renna. Á sama tíma séu kvik-
myndir mikilvæg landkynning sem
hafi bein jákvæð áhrif á ferðaþjón-
ustuna hérlendis. „Það er því erfitt
að finna listgrein sem leggur jafn-
mikið til þjóðarbúsins og kvik-
myndagerðin.“
„Mikil hætta á spekileka“
Morgunblaðið/Þorkell
Himnaför Baltasar Kormákur við tökur á kvikmyndinni A Little Trip to Heaven sem frumsýnd var í árslok 2005.
Kvikmyndasjóður ræður ekki við að styrkja allar þær myndir sem nú þegar hafa fengið vilyrði um styrk
Að mati forstöðumanns Kvik-
myndamiðstöðvar Íslands er
hætt við því að niðurskurður til
Kvikmyndasjóðs 2010 hafi mjög
mikil og jafnvel langvarandi áhrif
á kvikmyndageirann hérlendis.
Framlög til kvikmyndagerðar
2007 2008 2009 2010
Samkomulag um framlag
Framlag í fjárlögum
(Tölur í milljónum króna)
49
0
51
5,
4 56
0
56
0 6
20
59
0
70
0
45
0
39
0
Upphafleg
tillaga í
fjárlögum
„AUÐVITAÐ á
þetta eftir að
bitna á kvik-
myndagerðinni
og draga úr
framleiðslunni.
Ég held það þýði
ekkert annað en
að horfast í augu
við það,“ segir
Katrín Jak-
obsdóttir,
menntamálaráðherra, en tekur fram
að hins vegar feli niðurskurðurinn
ekki í sér endalok íslenskrar kvik-
myndagerðar þó draga þurfi saman
seglin tímabundið. „Það var vitað að
fjárlögin 2010 og 2011 yrðu erfið, en
þetta er ekki eilíft ástand. Við þurf-
um að komast út úr þessum þreng-
ingum með sem minnstum skaða.“
Katrín segir ástæðu þess að meira
er skorið niður í framlögum til kvik-
myndageirans en öðrum listgreinum
núna skýrast af því geirinn hafi
fengið umtalsverða hækkun, um-
fram aðra, á framlögum á árunum
2005-2007 sem leiddi til aukinnar
framleiðslu. Segist hún vonast til
þess að þar sem kvikmyndageirinn
taki á sig stóran skell árið 2010 verði
honum hlíft við miklum niðurskurði
í fjárlögunum 2011.
Spurð hvort hún hafi áhyggjur af
því að störf í greininni tapist þar
sem fagfólk þurfi að hverfa til ann-
arra starfa eða sækja í störf erlendis
á þrengingartímum hérlendis segir
Katrín fulla ástæðu til að skoða það.
Bendir hún á að hún muni fljótlega á
nýju ári í samvinnu við iðnaðar-
ráðherra láta vinna úttekt á stöðu ís-
lenskrar kvikmyndagerðar og m.a.
skoða hagrænu áhrif niðurskurð-
arins og reyna í framhaldinu að
teikna upp framtíðarlandslagið.
Ekki eilíft
ástand
Katrín
Jakobsdóttir