Morgunblaðið - 24.12.2009, Blaðsíða 20

20 Daglegt líf
MORGUNBLAÐIÐ FIMMTUDAGUR 24. DESEMBER 2009
Þorláksmessa er líklega eins í höf-
uðstað Norðurlands og annars stað-
ar; einhverjir á hlaupum að kaupa
síðustu gjöfina, sumir borða
skemmdan mat, aðrir hangikjöt. Hér
er að vísu snjór, logn og hjartað slær í
Vaðlaheiðinni.
  
Það er nauðsynlegur liður í messu
heilags Þorláks að hlusta á jólakveðj-
urnar á Rás 1: „Sendi hugheilar
kveðjur … þakka af heilum hug …
sendi vinum … barnabörnum og
barnabörnum …“ Dásamlegt.
  
Kristján Þór Júlíusson, alþing-
ismaður og forseti bæjarstjórnar Ak-
ureyrar, hættir í bæjarstjórn um ára-
mótin. Hann hefur verið bæjarfulltrúi
hér frá 1998 og var lengi bæjarstjóri.
Hann hefur nú beðist lausnar og lýsir
því yfir, í bréfi til bæjarstjórnar, að
hann hyggist ekki gefa kost á sér við
sveitarstjórnarkosningarnar næsta
vor.
  
Í bréfi Kristjáns til bæjarstjórnar
segir að ástæða þess að hann hafi
ákveðið að biðjast lausnar séu ófyr-
irséðar annir í störfum Alþingis á
þessu ári og fyrirsjáanlegar miklar
annir strax í upphafi nýs árs.
  
„Bæjarmálaflokkur sjálfstæð-
ismanna hefur verið samfellt í forystu
bæjarfélagins frá árinu 1998 og á
þeim tíma haft forgöngu um gríð-
armiklar breytingar og margvísleg
framfaramál til eflingar búsetuskil-
yrða í höfuðborg hins bjarta norð-
urs,“ segir Kristján í bréfinu.
  
Kristján segir jafnframt: „Á þessum
árum hefur víða verið lyft Grettistaki
í uppbyggingu íþrótta- og tómstunda-
mála, menningarmála, félagsþjón-
ustu og ekki hvað síst á sviði grunn-
og leikskóla bæjarfélagsins.“ Póli-
tískir samherjar Kristjáns eru hon-
um örugglega sammála, andstæðing-
arnir kannski ekki, en því verður ekki
neitað að Kristján hefur lengi sett
svip á bæinn.
  
Að síðustu óskar Kristján Þór „höf-
uðborg hins bjarta norðurs“ farsæld-
ar. Bæjarbúar geta a.m.k. allir verið
sammála um að sá titill er flottur.
  
Nóg verður um að vera fyrir þá sem
vilja djamma að kvöldi annars jóla-
dags. Þá verða Hvanndalsbræður t.d.
með sína árlegu „milli jóla og nýár-
stónleika“ á Græna hattinum og von
er á leynigesti, sem er það þó varla
lengur því upplýst hefur verið að þar
er á ferð Rögnvaldur gáfaði, fyrrver-
andi meðlimur sveitarinnar. Sama
kvöld verður Eurobandið með dans-
leik á Vélsmiðjunni.
  
Fyrir þá sem vilja öðruvísi skemmtun
má benda á að Kvennakór Akureyrar
og Karlakór Dalvíkur halda tvenna
jólatónleika 27. desember; kl. 16 í Ak-
ureyrarkirkju og kl. 21 í Dalvík-
urkirkju.
  
ÍDeiglunni kveður Jazzklúbbur Ak-
ureyrar árið með tónleikum þetta
sama kvöld, 27. desember, kl. 21. Þar
kemur fram tríóið Hrafnaspark, og
með því Unnur Birna Björnsdóttir
söngkona og fiðluleikari. Hrafna-
spark hefur ekki haldið tónleika í
heimabæ sínum í tvö og hálft ár og
þessir eru því tilhlökkunarefni.
  
Þess má svo geta í lokin að á gaml-
árskvöld (eða nýársnótt) verður Páll
Óskar í Sjallanum. Þar verður unga
kynslóðin en við gamlingjarnir senni-
lega bara heima í hákarlinum.
  
Og eitt að lokum: Gleðileg jól!
Morgunblaðið/Skapti Hallgrímsson
Tákn Kirkjan er helsta tákn Akureyrar og þótt upplýsta hjartað í Vaðla-
heiðinni sé ekki innan bæjarmarkanna njóta íbúarnir þess dag hvern.
AKUREYRI
Skapti Hallgrímsson
Eftir Signýju Gunnarsdóttur
signy@mbl.is
H
erbergið líkist einna helst leik-
fangaverslun frá sjöunda ára-
tugnum. Á veggjunum eru hillur
frá gólfi upp í loft og í þeim
standa ótal blikkvélmenni, ýmist
með græn lýsandi augu, spúandi reykvélar,
sjónvarp á maganum eða annars konar heillandi
eiginleika. Björgvin K. Björgvinsson hefur safn-
að vélmennum í rúm 10 ár eða frá því að hann
var búsettur í Danmörku og rakst á gamalt
blikkvélmenni á flóamarkaði þar í landi. „Ég
hafði verið að kaupa gamaldags leikföng áður en
þegar ég rakst á þetta þá datt allt hitt út og ég
fór að einbeita mér að þessu sérstaka áhuga-
máli. Vélmennin eru einfaldlega flott í hönnun
og útliti og hugmyndaflug framleiðandanna
virðist óþrjótandi,“ segir Björgvin.
Býður ónotuðum vélmennum
að dvelja á heimili sínu
Elsta vélmennið hans Björgvins er frá árinu
1952 og flest eru þau frá sjötta og sjöunda ára-
tugnum. En skyldi hann aldrei falla fyrir nýjum
vélmennum í leikfangaverslunum í dag?
„Jú, sjálfsagt geri ég það. Ég kaupi eitt og
eitt nýtt vélmenni, sérstaklega ef það tengist
einhverjum bíómyndum eins og Iron Giant og
Wall-e. Ég hef einfaldlega gaman af öllu sem
tengist vélmennum og þá líka framtíðarkvik-
myndum.“
Björgvin segir nánast ómögulegt að finna vél-
menni frá þessum tíma hér á landi en rakst þó á
eitt í góðu ásigkomulagi í antikverslun í
miðbænum. Hann telur líklegast að fólk
hafi ekki séð verðmætið í þessum leik-
föngum og því hafi þau eflaust að mestu
lent í ruslinu. Eins vill hann koma því á
framfæri að ef fólk á í geymslum sínum
vélmenni sem liggja undir skemmdum þá
veitir hann þeim gjarnan heimili.
Gömul vélmenni
rata í kvikmynd
Björgvin fær ósjaldan
vélmenni að gjöf en flest
kaupir hann sjálfur í
gegnum netið eða þegar
hann fer utan. „Þetta er
samt orðið svo dýrt og ég
get ekki leyft mér að kaupa
mörg vélmenni sem mig
langar í. Sum eru það sjald-
gæf og erfitt að finna þau og
verðið þá í samræmi við það.
Það er því ekki fyrir venjulegan
Jón að glíma við þessa söfnunar-
áráttu,“ segir Björgvin kíminn.
Hvernig skyldi það vera með
aðra fjölskyldumeðlimi, smitast
ekki vélmennaáhuginn til
þeirra? „Nei, það er ekki hægt að
segja það. Hvorki kona mín né
dætur hafa sýnt þessu áhugamáli
mínu mikinn áhuga en ef stelp-
urnar koma inn með strákavini
sína þá eru þeir yfirleitt gapandi af hrifningu.“
Á flóamarkaði við KR-völlinn í sumar rakst
Björgvin á tvær konur sem leituðu að leik-
munum fyrir íslensku bíómyndina Bjarnfreð-
arson. Þau tóku tal saman og áður en Björgvin
vissi af var hann búinn að lána þessum geð-
þekku konum vélmenna- og leikfangasafn sitt.
„Ég hafði nú bara gaman af því,“ segir Björgvin
sem hafði ekki átt von á því að safn hans myndi
rata inn í kvikmynd.
Safnari Björgvin á yfir 400 vélmenni og er þetta aðeins brot af safni hans.
Veður í
vélmennum
Upphafið Þetta vélmenni varð til þess að
Björgvin hóf vélmennasöfnunina
Morgunblaðið/Sigurður Elvar