Morgunblaðið - 04.01.2010, Síða 38

38 | MORGUNBLAÐIÐ
Eftir Maríu Ólafsdóttur
maria@mbl.is
F
jarþjálfun er þjálfun í
gegnum tölvukerfi þar
sem sett er upp sér-
hannað æfingaprógramm
fyrir hvern og einn samkvæmt
þeim markmiðum sem fólk stefnir
að. Þessu prógrammi má fram-
fylgja bæði heima við og í æfinga-
stöðvum og það veitir fólki aðhald
í að gera hlutina sem settir eru
fyrir þar sem þjálfarinn fylgist
með kerfinu.
Aðhald á ódýran hátt
„Það má segja að fólk stimpli
sig inn í kerfið og þannig get ég
fylgst með árangrinum. Svo er ég
líka í góðu póstsambandi við fólk.
Það er mjög vinsælt að fólk byrji
hjá manni í einkaþjálfun í þrjá til
níu mánuði og skipti síðan yfir í
fjarþjálfun. Þá finnst því það
miklu meira tilbúið að gera þetta
sjálft en vill samt hafa aðhaldið
svona til hliðar. Það er vinsæl leið
að þessu en aðrir vilja líka geta
verið í vissu aðhaldi á ódýran hátt
og þá er fjarþjálfun kjörin til þess.
Ég legg mikið upp úr því að fólk
hitti mig áður en ég set kerfið upp
þannig að ég fái tilfinningu fyrir
því hvað henti því og hvaða mark-
miðum það vilji ná. Síðan hitti ég
það aftur eftir um mánaðartíma og
þá er tekin mæling og skoðað
hvernig gengur að ná markmið-
unum en þar á milli býð ég ótak-
markað tölvupóstsamband. Ég hef
fundið fyrir aukningu í fjarþjálfun
þar sem fólk vill spara aðeins við
sig en finnur um leið að það þarf
aðhaldið sem er alveg eðlilegt. Við
þurfum öll aðhald og hvatningu til
að breyta lifnaðarháttum sem við
erum svolítið föst í. Oftast snýst
þetta allt um að breyta hægt og
rólega þeim venjum sem ekki
þjóna góðum tilgangi yfir í það að
þróa og þroska með sér venjur
sem hjálpa manni að ná fram því
sem maður vill,“ segir Kristján
Jónsson, eigandi Þjálfun.is.
Æfingarbolti og lóð
Kristján segir að heima fyrir sé
hægt að gera töluvert af æfingum
ef fólk eigi æfingabolta og sett af
lóðum. Á boltanum má gera mikið
af góðum kvið- og bakæfingum og
nota lóðin til að gera bak- og
brjóstvöðvaæfingar á boltanum,
svo og fótaæfingar. Slíkan útbúnað
segir Kristján duga fyrir þá sem
vilji stunda venjulega líkamsrækt.
Boltinn hefur það fram yfir æfing-
ar á gólfi að þjálfa líka djúpvöðva-
kerfi líkamans þar sem hann býr
til óstöðugt undirlag sem veldur
vissri hreyfing á hryggnum. Krist-
ján leggur þó áherslu á að fara
verði varlega með bakið í kviðæf-
ingum á bolta og þeir sem glími
við bakvandamál þurfi að fara
mjög varlega í slíkar æfingar og fá
góða tilsögn. Til að hita upp mælir
Kristján með röskum göngutúr í
um tíu mínútur og best sé að fara
aftur í göngutúr að loknum æfing-
um og þjálfa sig upp í að geta
gengið í allt upp undir klukkutíma.
Æfingarnar sjálfar eiga að vara í
um 20 til 25 mínútur.
Meira vellíðunarhormón
„Það er viss kúnst að finna út
hvað hentar hverjum og einum og
hluti af aðhaldi fjarþjálfunarinnar
er að geta haldið utan um hreyf-
ingu fólks og gefið því ráðlegg-
ingar um næsta skref í sínu
þjálfunarferli. Mig langar að
hvetja fólk til að vera duglegt að
hreyfa sig. Það eru geysileg lífs-
gæði sem fylgja því að vera í góðu
formi og hreyfingu fylgir fram-
leiðsla á vellíðunarhormónum sem
allir eru að leita að. Hreyfingin
skapar meira jafnvægi og nærri
allir upplifa það að um leið og þeir
sleppa líkamsræktinni þá byrjar
einhvers konar óhollusta annars
staðar, til dæmis í mataræði,“ seg-
ir Kristján.
Hvatning og aðhald
Morgunblaðið/Heiddi
Aðhald Fyrir þá sem vilja æfa heima er fjarþjálfun góður kostur.
Fyrir þá sem kjósa frekar
að stunda sína líkams-
rækt heima fyrir getur ver-
ið ráð að gera svo undir
styrkri handleiðslu fjar-
þjálfara.
» Boltinn hefur þaðfram yfir æfingar á
gólfi að þjálfa líka djúp-
vöðvakerfi líkamans þar
sem hann skapar vissa-
hreyfingu á hryggnum.
Hlýir Notalegir hlaupahanskar frá
Nike. Útilíf, Kringlan, 4.490 kr.
Hentugur Heima fyrir má gera ýmsar æfingar á Energe-
tics æfingabolta. Intersport, Bíldshöfða, 3.990 kr.
Æfingabolti Power grip ball
til að gera léttar æfingar fyrir
hendur. Útilíf, Kringlan,
1.790 kr.
Vel skóuð Mikilvægt er að vera á góðum hlaupaskóm, Adidas
skór. Adidas Concept Store, Kringlan, 28.990 kr.