SunnudagsMogginn - 07.11.2010, Qupperneq 11

7. nóvember 2010 11
S
ilvio Berlusconi, for-
sætisráðherra Ítalíu,
hefur enn einu sinni
komist í hann krappan.
Niðurskurður í ríkisfjár-
málum, breytingar á dómskerf-
inu og neyðarástand vegna
deilna um sorplosun í Napólí
hafa verið í brennidepli ítalskra
fjölmiðla um langt skeið en síð-
ustu daga hafa þær vikið fyrir
fréttum af Berlusconi sjálfum.
Menn spyrja sig einu sinni
sem oftar: Ríður umfjöllunin
honum jafnvel á slig að þessu
sinni?
Nú er Berlusconi sakaður um
að hafa, í maí á þessu ári, beitt
lögreglu í Mílanó þrýstingi til
þess að sleppa ungri stúlku sem
sökuð var um þjófnað.
Til að bæta gráu ofan á svart
hefur saksóknari hafið opinbera
rannsókn á þeim ummælum
nefndrar stúlku að henni hafi
verið greitt fyrir að mæta í
svallveislur á setri forsætisráð-
herrans í grennd við Mílanó.
Fram hefur komið að stúlkan,
Karima El Mahroug, kölluð
Ruby, hafi selt ráðherranum
blíðu sína fyrir fé og skartgripi.
Fregnum af framburði stúlk-
unnar ber reyndar ekki saman
en eitthvert óhreint mjöl virðist
þó í pokahorni hins 74 ára
gamla milljarðamærings og for-
sætisráðherra.
Eins og það sem á að hafa
farið fram innan veggja seturs
ráðherrans sé ekki nógu slæmt
fyrir orðspor hans þá var stúlk-
an undir lögaldri þegar veisl-
urnar áttu sér stað, aðeins 17
ára.
Stjórnarandstæðingar á Ítalíu
krefjast afsagnar Berlusconis en
lögmenn hans hafa þó vitaskuld
neitað því að nokkurt sann-
leikskorn sé að finna í ásök-
unum á hendur honum.
Berlusconi segist sjálfur lífs-
glaður maður og vilji einfald-
lega lifa lífinu. Það er ekki
dregið í efa. „Enginn fær mig til
þess að breyta um lífsstíl, ég er
stoltur honum.“
Eiginkona Berlusconis, Vero-
nic Lario, fór fram á skilnað í
maí á síðasta ári eftir að hún
komst að því að hann hefði
mætt í afmæli 18 ára ljósku. Um
svipað leyti hélt gleðikona því
fram að hún hefði átt með hon-
um villta kvöldstund. Eig-
inkonan fyrrverandi brást
þannig við nýjustu fréttunum af
Berlusconi að þær sýndu ein-
ungis fram á það sem hún hefði
áður haldið fram; að hann væri
„sjúkur“ og „taumlaus“ maður.
Pólitískir andstæðingar Ber-
lusconis hafa reynt margt til
þess að losna við hann í gegn-
um tíðina. Tímaritið The Eco-
nomist veltir því nú fyrir sér
hvort hann verði hreinlega
hleginn út af hinu pólitíska
sviði, eins og það er orðað.
Meira að segja dyggustu stuðn-
ingsmenn ráðherrans geri sér
grein fyrir því að frásagnir af
þessu nýjasta hneyksli geri það
að verkum að Ítalir séu hafðir
að háði og spotti.
Ráðherra
riðið á slig?
Sakaður um lygi
og kynsvall með
unglingsstúlku
Alltaf galvaskur! Silvio Berlusconi forsætisráðherra segist sitja áfram.
Reuters
Vikuspegill
Skapti Hallgrímsson
skapti@mbl.is
Skautar eru vetraríþrótt sem
hefur lengi átt upp á pallborðið í
Reykjavík. Krakkar hafa
löngum sótt í að skauta á ísi
lagðri Reykjavíkurtjörn, eins og
þessir á meðfylgjandi mynd,
sem tekin var árið 1972.
Úr myndasafni
Skautað á
Tjörninni
Morgunblaðið/Ólafur K. Magnússon