SunnudagsMogginn - 13.02.2011, Blaðsíða 35

13. febrúar 2011 35
Meðal verkefna sem þær Signý og Helga
hjá Tulipop hafa tekið að sér er hönnun á
nýjum sparibauk MP banka. Hann er í líki
hins góðhjartaða mosalings Mosa og
geta öll börn 12 ára og yngri sem eiga
sparnaðarreikning í bankanum fengið
Mosa til að hjálpa sér við að safna. Þær
Signý og Helga segja að í verkefninu hafi
þær hugsað með sér hvað best væri að
leggja áherslu á í bankaþjónustu við
börn. Þannig hafi þær ákveðið að hvetja
krakka til að spara með gamla, góða,
sparibauknum. Mosi varð líka að vera
fallegur og eitthvað sem þær gætu hugs-
að sér að hafa inni hjá sér. Mikil natni og
alúð var því lögð í hönnun hans og ekki
annað hægt að segja en útkoman sé
nokkuð krúttleg. Þær stöllur segja verk-
efnið hafa verið mjög skemmtilegt og
segir Signý það hafa verið sérstaklega
skemmtilegt að fá að hafa frjálsar hend-
ur varðandi hönnunina. Hingað til hafi
hún þurft að fara eftir óskum og leiðbein-
ingum viðskiptavina en í þetta sinn var
hún beðin um að hanna eitthvað í sínum
anda. Með Mosa fylgir saga sem skrifuð
er af Úlfi Eldjárn og þar segir frá Mosa og
vinum hans í skóginum. Verkefninu fylgdi
því mikil hugmyndavinna þar sem heill
heimur var skapaður í kringum Mosa.
Krúttlegi mosa-
lingurinn Mosi
Morgunblaðið/Golli
Helga Árnadóttir (t.v.) og Signý
Kolbeinsdóttir hafa verið vin-
konur síðan í menntaskóla og
reka nú saman hugmynda- og
hönnunarfyrirtækið Tulipop.
Tulipop er heimur fullur af litríkum fí-
gúrum í asískum anda en innblást-
urinn sækir hönnuðurinn, Signý Kol-
beinsdóttir, líka í íslenska náttúru.