SunnudagsMogginn - 23.01.2011, Blaðsíða 12

12 23. janúar 2011
Þriðjudagur
Elín Esther Magn-
úsdóttir skilur hvorki
boltaíþróttir né við-
skipti. Áttar sig því
ekki á því nákvæm-
lega hvaða hlutverki
handbolti gegnir í verðmyndun
eldsneytis, en vonar auðvitað að
landsliðið verði bara sem lengst
úti og vinni sem flesta leiki …
Miðvikudagur
Sigrún Birna Birn-
isdóttir gafst loks
upp og stakk flæktri
jólaseríunni ofan í
kassa. Sú verður
sko ekki glöð eftir
ellefu mánuði.
Föstudagur
Helga Kristín Ein-
arsdóttir datt í
lukkupottinn: Vei,
vei, vei. Ég var að fá
5.000 bandaríkja-
dali í verðlaun í net-
fangahappdrætti hjá stofnun
Sameinuðu þjóðanna og bíða pen-
ingarnir eftir að verða sóttir hjá
Western Union í Nígeríu. Hvar er
vegabréfið, aftur?
Fésbók
vikunnar flett
Það minnir um margt á aðstæðursem söguhetjur í bókum KurtsVonneguts lenda í, að finna sig íkjölfar efnahags- og í raun kerf-
ishruns þurfa að færa rök gegn því að eyða
hátt í hálfum milljarði króna af almannafé
til framleiðslu snjós og það á Íslandi!
Undanfarin ár hafa vissulega verið mögur
í mörgum skilningi orðsins. Birtingarmynd
þess kemur m.a. fram í síendurteknum
uppskerubresti hjá skíðaáhugafólki og öðr-
um unnendum vetraríþrótta, sem stóla á
skíðasvæði Bláfjalla. Á meðan samúð mín er
óskoruð í garð þessa hóps karla og kvenna,
má hins vegar setja stórt spurningarmerki
við lögmæti þess að fara út í jafndýra fram-
kvæmd og lagt er upp með í uppsetningu
snjóvélar í Bláfjöll. Þó ekki sé ætlunin hér
að gera lítið úr því ágæta áhugamáli sem
skíðaiðkun er, þá er þetta fyrst og fremst
áhugamál. Ef dæminu er stillt upp út frá
hagfræðilegu sjónarhorni er hinn raun-
verulegi kostnaður við allar okkar ákvarð-
anir í raun fórnarkostnaðurinn. Hér er ekki
eingöngu átt við um þær u.þ.b. 400 millj-
ónir króna, sem myndi kosta að setja upp
slíka maskínu, heldur einnig hvernig sveit-
arfélögin á SV-horninu gætu á annan hátt
ráðstafað umræddri peningaupphæð enda
er niðurskurður og skuldabaggi ofarlega á
baugi í rekstri þeirra flestra.
Þegar þrengir að í efnahagsmálum og
niðurskurðarhnífurinn er á fleygiferð tel ég
í besta falli um góðlátlega veruleikafirringu
að ræða ef standa á straum af slíkum kostn-
aði sem umrædd klakavél (tæknilega er
bara um mjög litla klaka að ræða) myndi
kosta útsvarsgreiðendur. Eins og fyrr segir
verðum við að líta til þess hvert umræddar
fjárhæðir myndu annars fara. Stórfelldur
niðurskurður hjá ríki og sveitarfélögum
hefur haft víðtæk neikvæð áhrif á lífskjör
fólks, sér í lagi þeirra sem minnst mega við
því. Er frekari niðurskurður og skatta-
hækkun réttlætanlegt meðal sem helgar
umræddan tilgang? Ég held ekki.
Sem gamalgróinn og eldheitur skíða-
áhugamaður verð ég því að sýna æðruleysi
og auðmýkt gagnvart samfélagslegum þörf-
um sem svo sannarlega hljóta að lenda ofar í
forgangsröðun samfélagslegra gæða en
snjóvél til þess að geta rennt sér niður
brekkur oftar. Í fullkomnum heimi væru
hins vegar keyptar fjórar ef ekki fimm slík-
ar snjóvélar, en í fullkomnum heimi fjölgar
ekki fátækum. Í fullkomnum heimi eru ekki
langar biðraðir eftir mat hjá hjálparstofn-
unum. Í fullkomnum heimi verður enginn
gjaldþrota. Eigum við ekki bara að sætta
okkur við snjóleysið og hlýjuna og fara
frekar sund? Til að mynda á Álftanesi?
MÓTI
Gestur Páll
Reynisson
stjórnmála-
fræðingur
Það er engin spurning aðhefja þarf snjóframleiðslu íBláfjöllum og það sem allrafyrst. Þetta verkefni þolir
enga bið. Bæði almenningur og iðk-
endur úr skíðafélögunum fóru tíðar
ferðir norður í land á síðastliðnum
vetri til að stunda sína íþrótt. Áætl-
aður kostnaður sem foreldrar æf-
ingakrakka á höfuðborgarsvæðinu
lögðu út var samtals 42 milljónir, þar
sem skíðadeildum hér er ekki boðið
upp á nothæfa skíðaaðstöðu. Það eru
ekki einungis fjölskyldur æfingabarna
sem stunda skíðin, heldur einnig
þúsundir íbúa höfuðborgarsvæðisins.
Skíðaíþróttin er skemmtileg og ein
vinsælasta fjölskylduíþróttagreinin
sem við eigum. Brettaskíðun er vin-
sælt unglingasport og skíðagangan
hefur einnig stóraukist meðal al-
mennings. Það má ekki gerast að
frekari fækkun verði í þessari íþrótta-
grein vegna aðstöðuleysis en raun ber
vitni. Ekki er víst að börnin fóti sig
eins vel í annarri íþróttagrein. Mikil
heilsuefling er samhliða skíðaiðkun,
líkamlegt og andlegt atgervi eykst og
útivistin og hreyfingin eykur styrk,
úthald og þol. Sálræni þátturinn eflist
samhliða og félagslegi þátturinn er
gífurlega mikilvægur í starfsemi
deildanna og þeirra sem stunda
íþróttina almennt. Rannsóknir sýna
að forvarnagildi íþrótta er mikilvægt
börnum og unglingum og er skíða-
íþróttin þar ekki undanskilin. Með
tilkomu snjóframleiðslu í Bláfjöllum
verður rekstur skíðasvæðanna og öll
aðstaða á svæðinu fjölbreyttari, stöð-
ugri og betri. Jafnara álag verður á
skíðasvæðið allan veturinn og rekstur
skíðadeilda mun styrkjast með meiri
nýliðun sem fylgir öruggari og fleiri
skíðadögum. Til samanburðar má
skoða hvenær opið hefur verið í Hlíð-
arfjalli við Akureyri, en þeir dagar
hafa farið vel yfir 100 á vetri eftir að
snjóframleiðsla var hafin. Uppsetning
snjóframleiðslu fyrir Kóngsgil, Norð-
urleið og byrjendabrekku við Blá-
fjallaskála kostar ekki nema 263
milljónir, sem skiptist á 7 sveit-
arfélög. Í nóvember sl. var opið í 21
dag og síðan ekki söguna meir. Tíðar
ferðir hafa því verið hjá æfingakrökk-
unum norður í land í desember og
janúar. Hitatölur í allt haust voru
mjög hagstæðar fyrir snjóframleiðslu
og væru skíðabrekkurnar fullar af
snjó ef Bláfjöll væru með snjófram-
leiðslutæki.
MEÐ
Steinunn
Sæmundsdóttir
sjúkraþjálfari
Er rétt að hefja snjó-
framleiðslu í Bláfjöllum?
’
Til samanburð-
ar má skoða
hvenær opið
hefur verið í Hlíð-
arfjalli við Akureyri,
en þeir dagar hafa
farið vel yfir 100 … ’
Þegar þrengir að í
efnahagsmálum og
niðurskurðarhnífurinn
er á fleygiferð tel ég í besta falli
um góðlátlega veruleika-
firringu að ræða ef standa á
straum af slíkum kostnaði ...