SunnudagsMogginn - 23.01.2011, Blaðsíða 14

14 23. janúar 2011
irvara hver andstæðingurinn er,“ út-
skýrði Óskar Bjarni.
Karl nær öllum stöðvum í Evrópu
Spurðir hvort þeir séu með allar klær úti
til að ná í leiki af andstæðingum Íslands
berst talið fljótt að þjálfara heima á Ís-
landi, Karli Erlingssyni. „Hjá Guðmundi
er þetta einfaldlega þannig að það á að ná
í leikina, sama hvernig það er gert. Við
erum það heppnir að þekkja frábæran
snilling sem heitir Karl Erlingsson og
nær einhvern veginn öllum sjónvarps-
stöðvum í Evrópu. Hann kaupir áskrift
ef því er að skipta og Gunnar er gjarnan
búinn að athuga hvar andstæðingar Ís-
lands spila í aðdraganda stórmóta.
Gummi og Einar Þorvarðar eru einnig
búnir að kanna það á oft á tíðum. Kalli
hefur reynst okkur frábær liðsauki í
þessum undirbúningi og einnig oft áður.
Hann finnur eiginlega alla leiki og þegar
við mætum á stórmót erum við með efni
af nánast öllum liðum,“ sagði Óskar og
Gunnar benti á að það skipti miklu máli
að vera komnir með upplýsingar fyrir
mót því leikið er þétt meðan á mótinu
stendur og tíminn af skornum skammti.
„Guðmundur er kröfuharður og slakar
aldrei á kröfunum gagnvart okkur eða
strákunum og það er mikill kostur,“
sagði Óskar og Gunnar tekur í sama
streng. „Við erum með Gumma á bakinu
allan sólarhringinn. Hann leitar einnig
mikið til okkar og nýtir okkur vel. Þess
vegna er gaman að vinna með honum.“
Forfallnir handboltanördar
Ljóst er að HSÍ hefur skaffað Guðmundi
frábæra aðstoðarmenn í þeim Gunnari
og Óskari því þarna eru menn á ferðinni
sem geta hugsað um handbolta allan sól-
arhringinn og haft gaman af. „Ég held að
þú þurfir að hafa gríðarlegan áhuga til að
standa í þessu. Við erum jú að klippa
þetta til og koma efninu til Guðmundar
en mér finnst alveg aðdáunarvert hvað
hann getur setið yfir þessu og horft á
efnið dag eftir dag þar sem hann kryfur
andstæðingana til mergjar. Ég þori að
fullyrða að það sé enginn þjálfari í bolt-
anum sem eyðir eins miklum tíma í að
horfa á efni og greina og Guðmundur
gerir. Við sköffum myndefnið, og gerum
það vel, en vinnan og ákvarðanatakan
liggur hjá honum. Við getum tekið sem
dæmi hvernig þessu var háttað fyrir
leikinn á móti Japan. Þá var hann með
tvo vídeófundi með öllu liðinu en auk
þess var hann líka með fundi inni á her-
bergjum með varnarmönnum og mark-
mönnum. Þess á milli var hann að horfa
á myndböndin og það var því varla frí
mínúta hjá honum. Ég fullyrði að aðrir
þjálfarar leggja ekki jafnmikið á sig og
hann. Guðmundur vill líka fá þrjá til
fjóra leiki af hverju liði. Hann er góður í
því að finna lausnirnar við leik andstæð-
ingana og þær er ekki endilega að finna
með því að horfa á einn leik,“ sagði Ósk-
ar og Gunnar segir það vera hvatningu
hversu mikið gagn sé að þeirra vinnu.
„Við vitum hversu mikið Gummi notar
þessa þjónustu okkar en leikmenn gera
það einnig. Þeir koma til okkar og fá
upplýsingar og myndefni. Þeir eru mjög
einbeittir og samviskusamir í því að pæla
í þessu sjálfir. Að því sögðu þá myndi ég
halda að við eyddum mestum tíma í slíka
undirbúningsvinnu af öllum þjóðum.
Auðvitað er þetta nett bilun en einnig
mikil reynsla. Við höfum jafnframt lært
að skipuleggja okkur. Maður nær í hálf-
tíma til viðbótar í svefn ef maður er
snöggur að koma sér á hótelið eftir leik-
ina. Ef við eigum von á því að fá leik á
dvd klukkan 14 þá er ég á hótelinu, tek á
móti honum og keyri hann inn í forritið
á meðan Óskar er með liðinu á æfingu,“
sagði Gunnar.
„Sem betur fer erum við vel giftir“
Þess ber að geta að þeir Gunnar og Óskar
eru engir aukvisar í handknattleiks-
þjálfun. Báðir hafa þeir nóg fyrir stafni í
þjálfun, Gunnar hjá Kristiansund í Nor-
egi og Óskar hjá Val. Er ekki erfitt fyrir
þá að eyða jafnmiklum tíma í landsliðs-
verkefnin og raun ber vitni? „Ég hef ver-
ið heppinn með mína vinnuveitendur í
gegnum tíðina, bæði þegar ég var hjá
Kaupþingi og einnig núna í Noregi. Fé-
„Strákarnir okkar“ stíga trylltan dans eftir sigurinn á Norðmönnum.
Reuters