SunnudagsMogginn - 23.01.2011, Blaðsíða 25

23. janúar 2011 25
Hjólandi álfastrákur, talandiblóm, dansandi kúrekar ogsyngjandi geimsjóræningjarað ógleymdri bestu vinkon-
unni, henni Lúsí. Föruneyti þeirra ær-
ingjastelpna, Skoppu og Skrítlu, er ekki
af dónalegra taginu en þær stöllur snúa
aftur í Borgarleikhúsið nú um helgina
með sýningu sína, Skoppa og Skrítla á
tímaflakki.
Sýningin gekk fyrir fullu húsi í 50
skipti í fyrra en þó að um enduruppsetn-
ingu sé að ræða er í mörg horn að líta og
margir endar að hnýta áður en hægt er að
opna dyrnar fyrir áhorfendum á ný. Fyrir
utan að dusta rykið af fyrri þekkingu á
verkinu þarf að kanna hvort allir bún-
ingar séu ekki í lagi, sauma nýja, stilla
ljós, æfa sönginn og sinna þeim allra
yngstu í hópnum en aðstandendur sýn-
ingarinnar hafa verið einstaklega iðnir
við að fjölga sér að undanförnu. Litlu
krílin hafa gjarnan fylgt með á æfing-
arnar að undanförnu enda er það svo að
þótt hlutverkin séu mörg og mikilvæg er
foreldrahlutverkið þó það stærsta og
merkilegasta að sögn þeirra sem í hlut
eiga.
Þar fyrir utan hafa nokkrar breytingar
verið gerðar á verkinu og þannig lítur
Zúmmi álfastrákur dagsins ljós í fyrsta
sinn í þessari sýningu. Hann kemur í stað
víkingadvergsins Vasks en breytinguna
má rekja til þess að Skoppa og Skrítla eru
í bullandi útrás, og í henni Ameríku er
ekki vel séð að hafa slíka lágvaxna kar-
aktera í sjónvarpsefni fyrir börn.
Auk þeirra Skoppu og Skrítlu, sem lík-
amnast í Lindu Ásgeirsdóttur og Hrefnu
Hallgrímsdóttur, fara Vigdís Gunn-
arsdóttir, Viktor Már Bjarnason og Einar
Karl Jónsson með hlutverk í sýningunni,
en sá síðastnefndi sprellar og spriklar í
gervi hins glænýja Zúmma, auk þess sem
hópur dansara tekur þátt í sýningunni.
Leikstjóri er Gunnar Helgason. Stefanía Adolfsdóttir forstöðumaður búningadeildar aðstoðar Zúmma við að klæðast.
Zúmmi álfastrákur tekur sig vel út
í litríkum hópi dansara og leikara.
Gunnar hugar að ungviðinu meðan leikarar og dansarar spjalla saman á sviðinu.
Furður og fjör þar
sem börnin blómstra
Bak við tjöldin
Æfingar hafa rokgengið á sýningunni Skoppa og
Skrítla á tímaflakki sem snýr aftur í breyttri
mynd á fjalir Borgarleikhússins um helgina.
Ljósmyndir: Kjartan Þorbjörnsson golli@mbl.is
Texti: Bergþóra Njála Guðmundsdóttir ben@mbl.is