Skólablaðið - 01.04.1988, Page 13

Madonna, 1893.
Edvard Munch
Margir Islendingar kannast við
norska listamanninn Edvard
Munch. Nægir þar oft að nefna
myndir s.s. Ópið, Madonnu eða
Vampíruna. Snemma á síðastliðnu
ári var í Norræna húsinu haldin
sýning á verkum hans sem fengin
voru að láni úr Munch-safninu í
Ósló. Var það á ferð mikill menn-
ingarviðburður, en Munch var einn
af frumkvöðlum stílsins sem
kenndur er við expressionisma.
Expressionismi er hugtak sem
notað er til þess að lýsa myndlist
eða bókmenntum þar sem raun-
veruleikinn er afskræmdur til þess
að ná fram innsæi. Expressionistar
túlka hlutina eins og þeir sjá þá
sjálfir fremur en reyna að líkja
eftir þeim. Myndir þeirra eru oft
ágengar, persónulegar og byggðar
á eins konar „sýnum" þar sem
smáatriðum er gjarnan sleppt.
Gaugin, Ensor, Van Gogh og
Munch voru í byrjun 20. aldar and-
legir leiðtogar í expressionískum
hræringum.
13