Skólablaðið - 01.04.1988, Síða 46

kvíðnir og „skeptískir“ vegna
offramleiðslu á læknum, þó að
ekki væru nema sárfáir í lækna-
deild á þeim tíma.
Manstu eftir einhverjum viðburð-
um, sem urðu í skólanum?
Það voru ekki nein stórtíðindi,
engar uppreisnir, manndráp eða
neitt slíkt. Húsakostur? Það var
bara kennt í gamla skólanum og
íþaka var lítið notuð. Geir Zöega
var rektor fyrst, en hann lest 1928
og til bráðabirgða tók við Þorleifur
H. Bjarnason en 1929 varð Pálmi
Hannesson rektor.
Þetta var afskaplega ánægjuleg
dvöl, og þarna voru mjög góðir
kennarar.
Hvernig gekk námið?
Ágætlega, nema ég var idíót í
stærðfræði, „átóríseraður idíót“.
Ég held, að ég hafi endað með því
að fá mínus seytján á stúdents-
prófi. Fyrirgjöfin náði niður í
mínus tuttugu og einn, svo ég
þurfti að fá býsna hátt í hinu. Það
var dálítið grátbroslegt, þegar ég
tók síðasta prófið, sem var stærð-
fræðin. Þegar ég kom upp, voru
þeir búnir, sem voru á undan mér í
stafrófinu, og þar með búnir í
prófum. Fóru þeir fram og dreyptu
á brennivínstári, sem þeir áttu þar.
Er þeir koma aftur inn í bekkinn,
stend ég með einhverja djöfulsins
formúlu á töflunni, puttann uppi í
mér og veit hvorki í þennan heim
né annan. Sigurður Thoroddsen
kenndi okkur stærðfræði, sem var
mjög gott að því leyti að hann
fyrirleit menn ekki fyrir hæfileika-
leysi í stærðfræði eins og sumir.
Nú, þar sem ég stend þarna, kallar
einhver aftast: „Heyrið þér, Thor-
46
oddsen, ef þér fellið hann Gunnar,
þá drepum við yður!“ Ekki lét þó
Thoroddsen þetta á sig fá, eins og
einkunnin bar vott um.
Bjóstu í nánd við skólann?
Ég er fæddur Reykvíkingur og
fluttist á Bergstaðastíginn eins árs.
Því var stutt að fara. Það hefur
orðið gífurleg breyting á mögu-
leikum til að komast til mennta. Þá
voru margir gáfaðir unglingar sem
ekki komust til mennta af fjárhags-
ástæðum. Nú held ég, að allir geti
komist til mennta, sem hafa hæfi-
leika og áhuga. Þetta er miki!
framför. í þá daga þótti sennilega
merkilegra en nú að verða stúdent,
svo menn fundu kannski meira til
sín.
Hvað finnst þér um að breyta
M.R. í áfangakerfi?
Ég er svo mikill íhaldsmaður, að
mér finnst, að ekkert eigi að breyta
þessum menntaskóla, sem er arf-
taki Lærða skólans og hefur slíka
„tradition“ á bak við sig. Annars er
ég ekki dómbær um það frá ökon-
ómísku og praktísku sjónarmiði.
Við þökkum Gunnari Guðjóns-
syni kærlega fyrir spjallið og
óskum honum um leið til hamingju
með 60 ára stúdentsafmælið. Þess
skal getið að lokum, að til er bók,
sem heitir Frekjan, rituð af Gísla
Jónssyni. Hún var gefin út í
Reykjavík árið 1941, útgefandi
Ingólfur Ástmarsson.
Anna og Anna Dís.