SunnudagsMogginn - 14.08.2011, Blaðsíða 40

40 14. ágúst 2011
Lífsstíll
Þ
að er dálítið skrýtið og skemmtilegt hvernig
lífið fer í hringi. Eftirvænting ríkir eftir vori
og sumri en þegar komið er fram í ágúst líst
manni ekkert svo illa á tilhugsunina um
haustið. Jú, vissulega vill maður hafa sólina dálítið
lengur og blessaða birtuna. Samt er eitthvað dálítið
notalegt við síðsumars- eða haust-
rökkrið sem læðist að hægt og rólega.
Þá laumast maður til að kveikja á
einu og einu kerti þegar líða tekur á
kvöld en nýtur þess um leið hvað er
nú enn hlýtt úti og ekki orðið alveg
dimmt. Það er notaleg kyrrð sem
fylgir þessum árstíma og fínt t.d. að
fara út að ganga þegar aðeins er farið
að rökkva.
Hverri árstíð fylgir nýtt upphaf að
vissu leyti. Rútínan tekur aftur við
hjá flestum og hún getur bara verið nokkuð kósí.
Margir setjast á skólabekk og litlir sumarfuglar trítla í
fyrsta sinn í skólann með skólatösku sem virðist nærri
því jafn stór og þeir sjálfir. En við skulum nú heldur
ekki gleyma því að sumarið er ekki alveg búið. Ein-
hverjar raddir hef ég heyrt þess efnis að í raun sé sum-
arið búið eftir verslunarmannahelgina. Því er ég nú
ekki sammála. Hásumarið er kannski búið en þá tekur
við síðsumarið sem getur verið alveg jafn notalegt,
sérstaklega ef veðrið er áfram gott. Nú er farið að
draga úr traffík svo það er um að gera að skella sér í
stutta dagsferð eða helgarferð út úr bænum. Það er
líka fínt að tjalda í ágúst og maður klæðir sig þá bara
aðeins betur ef farið er að kólna. Talandi um að klæða
sig er um að gera að vera enn sumarlegur í fatavali og
fara þá bara í peysu eða jakka yfir
verði manni kalt. Ég nýti sumarið af-
ar vel til að vera berfætt og ganga í
bleiku og öðrum skærum litum. Eitt-
hvað sem maður gerir minna af í
sköflum og pollum hinna árstíðanna.
Þess vegna er best að njóta þess sem
lengst. En ef það fer að rigna er líka
fínt að nota tækifærið og dunda sér
t.d. við að setja myndir sumarsins
inn á tölvuna. Sortera og taka til. Eða
taka góðan safnadag í miðborginni
og skoða það sem maður hefur ætlað að kíkja á í allt
sumar. Það fylgir því kannski örlítill tregi þegar júlí
kveðjur en, hey, ágúst er líka skemmtilegur. Við eig-
um enn eftir Menningarnótt hér í borginni og bæj-
arhátíðir úti á landi. Höldum áfram að hafa það gott og
njóta lífsins jafnvel þó að dálítill tregi fylgi því að sum-
arið sé við að kveðja. Framundan er haustið með öllum
sínum gleðistundum og í raun er næsta sumar aðeins
rétt handan við hornið.
Enn er
sumar
Sumarið er alls ekki búið þó
farið sé að rökkva á kvöldin.
Njótum síðsumarins og höfum
það áfram notalegt.
María Ólafsdóttir
maria@mbl.is
Nauthólsvíkin er vinsæl þegar gott veður er í Reykjavík og þangað sækir fólk á öllum aldri.
Morgunblaðið/Eggert
’
Hverri árstíð
fylgir nýtt upp-
haf að vissu
leyti. Rútínan tekur
aftur við hjá flestum og
hún getur bara verið
nokkuð notaleg.
Til að fagna góðu sumri er um að gera að slá í stóra
grillveislu. Nú er rétti tíminn til að sitja úti í rökkrinu,
borða góðan mat og hafa það notalegt saman. Ef þú
hefur aðstæður til þess er upplagt að kveikja upp í úti-
arni eða hlaða litla brennu þegar líða tekur á kvöld.
Það er ekta síðsumarstemning í því að grilla sykurpúða
og drekka gott te eða kaffi með svona til að fá smá
hlýju í kroppinn. Svo er bara hægt að vefja utan um sig
teppi þegar líða tekur á kvöld eða hneppa lopapeys-
unni upp í háls. Þannig ætti engum að verða kalt.
Grillaðir sykurpúðar
Í ágúst ríkir yfirleitt nokkur til-
hlökkun eftir Menningarnótt í
Reykjavík. Undanfarin ár hefur
hátíðin verið vel sótt og mikið
um alls konar fjölbreytta við-
burði og uppákomur. Nú er
Menningarnótt haldin í 16.
sinn og að þessu sinni er
þema hátíðarinnar Gakktu í
bæinn! Vísar það til þeirrar
gömlu íslensku venju að bjóða
fólk velkomið með því að
segja því að ganga í bæinn og
gera vel við gesti sína. Mið-
borgin býður gestum að ganga
í bæinn og eru þeir sem geta hvattir til að skilja bílinn
eftir heima og rölta frekar eða taka strætó. Það er um
að gera að nýta næstu viku í að skoða dagskrána á
menningarnott.is og skipuleggja daginn eftir þeim við-
burðum sem mann langar helst að sjá. Þannig nær
maður helst að sjá sem flest.
Gangið í bæinn!
Heimilisleg stemning
á Menningarnótt
Morgunblaðið/Kristinn
Víða um heim er nóg við að vera í
ágústmánuði og algengt að ýmiskonar
matar- og vínhátíðir séu haldnar í
ágúst og september. Fyrir þá sem
ætla að kíkja út fyrir landsteinana og
hafa áhuga á mat og víni gæti verið
sniðugt að skoða slíka dagskrá.
Hvítlaukur og ostar
Ein slík hátíð er hvítlaukshátíðin sem
haldin er á bresku eyjunni Isle of
Wight dagana 20. og 21. ágúst. Bretar
voru lengi vel þekktir fyrir að vera ekki
sérlega hrifnir af hvítlauk en þetta hef-
ur greinilega breyst í gegnum tíðina. Í
það minnsta ef marka má vinsældir
hátíðarinnar sem nú er haldin í 27.
sinn. Hafa að meðaltali um 25.000
manns sótt hátíðina ár hvert og
smakkað þar ýmsar nýjungar eins og
hvítlaukspylsur, hvítlaukspikkles og
hvítlauksbjór. Það er því kannski eins
gott að vera fremur hrifin/n af hvítlauk
ætli maður að fara á þessa hátíð.
Þeir sem líst ekki á allan þennan
hvítlauk geta frekar kíkt á ostahátíðina
Great British Cheese Festival. Hún er
haldin árlega í september og er hægt
að smakka á og fræðast þar um mörg
hundruð tegunda af osti. Til að gera
þetta enn betra fá gestir líka að
smakka bjór og eplasíder með ost-
unum. Ótal fleiri hátíðir er að finna í
öðrum löndum og um að gera að
skoða hvað er á dagskrá og finna þær
hátíðir sem manni líst best á að heim-
sækja.
Áhugaverðar
hátíðir
Ostur er góður með alls konar gúmmulaði og ekki vera að hafa vínglas með.
Morgunblaðið/Árni Sæberg