SunnudagsMogginn - 16.10.2011, Page 31

16. október 2011 31
S
ýningin Völuspá – A Nordic Fo-
od Expedition er samstarfsverk-
efni leikhússins Republique í
Kaupmannahöfn, Norræna
hússins og DILL veitingastaðar og byggist
bæði á ævafornum textum Völuspár og
norrænni matarmenningu. „Sýningin er
ferðalag um heima skilningarvitanna þar
sem mæri hefðbund-
innar leiksýningar og
máltíðar eru könnuð og
þeim ögrað. Um er að
ræða einstaka sýningu
þar sem öll skilning-
arvitin spila saman,
sjón, heyrn og tilfinning
og svo auðvitað bragð
og ilman, í nýrri og ein-
stakri túlkun á spádómi
völvunnar. Sýningin er
sett upp sem ferðalag um fagra byggingu
Alvars Aaltos og nánasta umhverfi henn-
ar, hvert rými fyrir sig táknar hluta text-
ans og réttir sýningarinnar draga þá
merkingu sérstaklega fram,“ segir í til-
kynningu.
Maturinn í sýningunni er skipulagður
af danska matreiðslumeistaranum Mette
Sia Martinussen, sem hefur m.a. slegið í
gegn með Madeleines Madteater í Kaup-
mannahöfn, og matreiðslumeistara Dill,
Gunnari Karli Gíslasyni.
„Við erum búin að laga þetta að ís-
lensku hráefni,“ segir Gunnar. „Þetta
verður mjög norrænt og töluvert ís-
lenskt. Aðalrétturinn er unninn svolítið
út frá þeirri tíð sem er núna, sem er slát-
urtíðin. Meira segi ég ekki. Þetta er æð-
islegt. Það væri ekki hægt að brjóta meira
upp þetta hversdagslega líf. Við höfum
aldrei tekið þátt í neinu af þessu tagi áð-
ur. Þó að maður sé búinn að lesa mikið
um þetta og búinn að vera með í und-
irbúningnum frá upphafi rennur maður
pínulítið blint í sjóinn með hvernig þetta
á eftir að líta út á endunum, sem er mjög
spennandi fyrir okkur,“ segir hann en
þetta er vissulega einstakt verkefni, svo
einstakt að fólk flýgur til Íslands frá bæði
Danmörku og Bandaríkjunum gagngert
til að koma á þessa sýningu.
Skapa nýtt listform
„Ég hef mikla ástríðu fyrir mat og er
ágætur kokkur sjálfur og finnst gaman að
fara út að borða á góða veitingastaði,“
segir leikstjórinn Martin Tulinius. „Ég hef
unnið með Mette og fannst svo spenn-
andi að segja þessa sögu frá allt öðru
sjónarhorni.“
„Við sköpum andrúmsloft um allt hús-
ið,“ segir hann en matarferðalagið byrjar
í gróðurhúsinu og svo er líka við hæfi að
það endi í kjallaranum með ragnarökum.
„Við bjóðum fólki í ferðalag þar sem
það getur upplifað söguna með matnum.
Tilgangurinn er að reyna að láta 1 + 1
verða 3. Það er takmark okkar að skapa
nýtt og áhugavert listform. Það gerist
eitthvað töfrum líkast þegar þú ert ekki
bara að horfa á leiksýningu heldur ert
líka þátttakandi í henni.“
Verkið er frumflutt í kvöld, sunnu-
dagskvöld, en aðeins verða haldnar sex
sýningar dagana 23. október til 2. nóv-
ember. Athugið að 24 áhorfendur geta að
hámarki tekið þátt í hverri sýningu og
eru miðar til sölu á midi.is.
Þessir réttir verða ekki í leikritinu (matseðillinn er leyndarmál) en það var boðið uppá
þetta norræna góðgæti á kynningarfundi um sýninguna. Þarna má sjá eggjakrem búið til
með heyreyktri olíu borið fram með graslauk úr garðinum og ristuðu brauði, lífrænt ræktað
bygg frá Vallanesi með steinseljuolíu, kotasælu og ristaðri gulrótarköku, bakaðan hlýra
með kartöflum og rófum, sjávargrasi og sultaðri agúrku og lítinn desert sem er mysings-
frauð með köku sem löguð er með danskri repjuolíu. Allt var þetta guðdómlegt á bragðið.
Matarferðalag
um norræna
menningu
Öll skilningarvitin verða virkjuð í sannkölluðu
sælkeraleikhúsi í sýningunni Völuspá í Norræna
húsinu þar sem lagt er upp í matarferðalag, sem
fer um allt húsið.
Texti: Inga Rún Sigurðardóttir ingarun@mbl.is
Myndir: Kjartan Þorbjörnsson golli@mbl.is
Mikið er lagt uppúr búningum og allri stemningu í sýningunni.
Bókasafnið í Norræna húsinu er einn af áfangastöðunum í matarferðalaginu um húsið. Bú-
ið er að útbúa óhefðbundin borð úr bókum sem sýningargestir eiga eftir að sitja við.
Leikstjórinn
Martin Tulinius.