Fréttablaðið - 26.10.2011, Blaðsíða 6

26. október 2011 MIÐVIKUDAGUR6
Frá kr. 99.900
7 nátta ferð - síðustu sæti! Heimsferðir bjóða frábær tilboð á allra síðustu
sætunum til Kanaríeyja þann 15. nóvember. Í boði eru sértilboð m.a. á Maspalomas Lago
smáhýsum og Jardin del Atlantico íbúðarhótelinu. Beint flug frá Kanaríeyjum á leiðinni til
Kanaríeyja þann 15. nóvember. Á heimleið er flogið til Tenerife og þaðan til Íslands þann
22. nóvember. Athugið að mjög takmörkuð gisting er í boði!
Kanarí
15. nóvember
Frá kr. 99.900
Maspaloma Lago
Netverð á mann m.v. tvo fullorðna í 7 nætur.
Ótrúlegt sértilboð!*****
Frá kr. 129.700
Jardin del Atlantico með allt innifalið
Netverð á mann m.v. tvo fullorðna í 7 nætur.
Fimmtudagur 27/10 kl. 20 sýning
Föstudagur 28/10 kl. 20 takmarkaður sætafjöldi
Laugardagur 29/10 kl. 20 takmarkaður sætafjöldi
Sunnudagur 30/10 kl. 20 sýning
Fimmtudagur 03/11 kl. 20 aukasýning
Föstudagur 04/11 kl. 20 aukasýning
D I L L
- NORRÆNA HÚSIÐ -
Völuspá
„Ef þið viljið upplifa einstakan matarlistar- og

„Með því sterkasta sem ég hef upplifað,
„
- Viðar Eggertsson,
stjórnandi útvarpsleikhússins RÚV -
- Dominique Plédel Jónsson,
matgæðingur og eigandi Vínskólans -
- Sigríður Björg Tómasdóttir, Fréttablaðið -
- Inga Rún Sigurðardóttir, Morgunblaðið -
Miðasala;
KJÖRKASSINN
STJÓRNMÁL Ýmislegt hefði mátt
betur fara við val á fulltrúum
Heimdallar á sambandsþing
Sambands ungra sjálfstæðis-
manna í lok ágúst. Þetta segir
Vörður, fulltrúaráð sjálfstæðis-
félaganna í Reykjavík. Þá harm-
ar stjórn Varðar vinnubrögð
fyrrverandi stjórnar Heimdallar.
Björn Jón Bragason, sem sótt-
ist eftir embætti formanns SUS
á þinginu, lagði fram erindi til
stjórnar Varðar eftir þingið.
Steingrímur Sigurgeirsson, for-
maður Varðar, hefur staðfest
það við Fréttablaðið og að málið
hafi verið tekið
fyrir á fundi.
Björn Jón gerði
athugasemdir í
átta liðum en
stjórn Varðar
segir tvennt
standa upp úr.
Í fyrsta lagi
að stjórnar-
m ö n n u m í
Heimdalli
hafi verið meinaður aðgang-
ur að fulltrúalistum þrátt fyrir
að eftir því hafi verið leitað. Þá
segir að ekki hafi verið orðið við
beiðni 63 félagsmanna í Heim-
dalli að halda félagsfund innan
tímamarka sem nauðsynleg hafi
verið.
Stjórnin segist harma vinnu-
brögð fyrrverandi stjórnar
Heimdallar í aðdraganda á vali
fulltrúa á þing SUS, „og með því
meðvitað eða ómeðvitað ekki
beitt þeim lýðræðislegu vinnu-
brögðum sem tíðkast eiga innan
Sjálfstæðisflokksins“. Þá fagn-
ar Vörður því að nýkjörin stjórn
Heimdallar hyggist endurskoða
starfsreglur sínar.
- þeb
Stjórn Varðar, fulltrúaráðs sjálfstæðisfélaga í Reykjavík, fjallaði um þing SUS:
Harmar vinnubrögð í Heimdalli
BJÖRN JÓN
BRAGASON
LÖGREGLUMÁL Innbrotafaraldur
hefur geisað í Þorlákshöfn undan-
farnar helgar. Að sögn lögregl-
unnar á Selfossi, sem rannsakar
málin, virðast þau tengjast. Íbú-
arnir ræða nú nauðsyn þess að
koma upp eftirlitsmyndavélum á
hringtorgi við bæinn og vegum
sem liggja að honum.
Að undanförnu hefur verið brot-
ist inn á tvo veitingastaði. Á báðum
stöðum var stolið flatskjáum og
bjór og á öðrum þeirra var pen-
ingakassinn tæmdur. Í öðru til-
vikinu þurfti að nota slípirokk til
að komast að flatskjánum.
Í Bíliðjunni í Þorlákshöfn var
bíl stolið í tvígang. Í fyrra skiptið
voru piltar undir tvítugu að verki
en í hið síðara fimmtán og sextán
ára piltar. Hinir síðarnefndu voru
stöðvaðir af lögreglu á Arnarnesi
í Garðabæ um nýliðna helgi. Sá
sextán ára var við stýrið en hinn
í framsætinu.
Enn fremur var brotist inn á
smíðaverkstæði í Þorlákshöfn og
rótað í lyfjakassa þar.
Fyrirtækið Járnkarlinn varð
einnig fyrir barðinu á innbrots-
þjófum, sem stálu þar mynda-
vél. Þeir skildu eftir sig íþrótta-
tösku með kúbeini á staðnum.
Innbrotsþjófarnir hafa heimsótt
fleiri fyrirtæki og verslanir, þar
sem þeir hafa ýmist rótað til eða
haft á brott með sér þýfi sem þeir
ágirntust. - hs, jss
Lögreglan á Selfossi rannsakar fjölda innbrota og þjófnaðarmála:
Innbrotafaraldur í Þorlákshöfn
LÖGREGLAN Rannsakar fjölda innbrota.
DÓMSMÁL Maður á þrítugsaldri
hefur verið ákærður fyrir ýmis
brot, þar á meðal kannabisræktun
og þjófnaði.
Manninum er gefið að sök að
hafa stolið 70 þúsund krónum úr
veitingasölu Skíðafélags Akureyr-
ar í Hlíðarfjalli. Þá stal hann hárlit
úr Samkaupum á Akureyri.
Loks fann lögregla níu kanna-
bisplöntur og nítján græðlinga á
heimili hans þegar hún gerði leit
þar. Að auki reyndist maðurinn
vera með tæp sextán grömm af
maríjúana. - jss
Ákærður fyrir allmörg brot:
Kannabisrækt-
andi stal hárlit
Ert þú hlynnt(ur) því að tekinn
verði upp sykurskattur til að
vinna gegn offitu?
Já 39,2%
Nei 60,8%
SPURNING DAGSINS Í DAG
Var rétt af Páli Magnússyni
að þiggja ekki stöðu forstjóra
Bankasýslunnar?
Segðu þína skoðun á visir.is.
DÓMSMÁL Lögbanns er nú krafist á
að Matthías Imsland hagnýti sér
upplýsingar sem hann fékk í starfi
sem forstjóri Iceland Express til
að vinna að stofnun nýs félags í
flugrekstri.
Í lögbannskröfu Iceland Express
(IE), sem lögð var fram hjá sýslu-
manninum í Reykjavík í gær, segir
að Matthías hafi, eftir að hann
hafa verið rekinn 19. september
síðastliðinn, verið í „miklu sam-
bandi við viðskiptavini“ Iceland
Express í Danmörku, Svíþjóð,
Þýskalandi og Frakklandi. Hann
hafi sömuleiðis „haft samband
við fyrrum undirmenn sína hjá
gerðarbeiðanda [IE] til að kanna
hug þeirra til þess að skipta um
starfsvettvang og fara að starfa
hjá sér í nýju félagi“ með sömu
uppbyggingu og IE.
Með þessu hafi Matthías brot-
ið gegn ákvæði í ráðningarsamn-
ingi um að hann megi ekki efna
til samkeppni við félagið í tvö ár
frá lokum uppsagnarfrests og ekki
hagnýta sér trúnaðarupplýsingar
þess í þrjú ár. Félagið hafi komist
að fyrirætlunum Matthíasar með
því að skoða útskrift af notkun á
farsíma sem hann hafi fengið að
taka með sér frá IE og félagið átti
að greiða af þar til sex mánaða
uppsagnarfrestur sé á enda.
„Gerðarþoli [Matthías] hefur
síðan hann var rekinn úr starfi
sýnt með athæfi sínu og gerð-
um að hann hefur ríkan vilja og
ásetning til að brjóta gegn ólög-
bundinni og lögbundinni trúnaðar-
skyldu sinni gagnvart gerðarbeið-
anda [IE] og nýta í eigin þágu og
annarra atvinnuleyndarmál hans,
sem hann hafði aðgang að og var
trúað fyrir sem forstjóra,“ segir í
lögbannskröfunni.
Þá er Matthíasi borið á brýn
að hafa „fegrað“ upggjör Iceland
Express á þessu ári. Þetta hafi
meðal annars verið gert með því
að eignfæra kostnaðarliði til að
sýna betri afkomu af rekstri en
raunin var og áætla tekjur sem
enginn fótur hafi verið fyrir. „Var
hér um svo grófa rangfærslu bók-
halds að ræða að stjórnin átti þann
kost einan að leysa gerðarþola
undan daglegri vinnuskyldu þegar
í stað,“ segir í lögbannskröfunni.
Þrátt fyrir þessi meintu bók-
haldsbrot Matthíasar segist
Iceland Express ekki hafa séð
„ástæðu til að láta hann skila
gsm-síma, blackberry, fartölvu
eða borðtölvu“ sem Matthías hafi
haft heima hjá sér enda hafi það
verið starfstengd hlunnindi. Þessi
tæki og trúnaðargögn í þeim um
rekstur Iceland Express frá því
að Matthías varð forstjóri 1. janú-
ar 2007 hafi hann undir höndum
og noti nú í þágu annars aðila.
Þess sé því krafist að sýslumaður
taki þessa hluti af Matthíasi í sína
vörslu.
Í lögbannskröfunni segir að
svo virðist sem vinna Matthíasar
fari fram í skrifstofuhúsnæði á
Suðurlandsbraut 18. Þar séu til
húsa fyrirtækin Iceland Jet ehf.,
sem stofnað hafi verið 29. septem-
ber og Fjárfestingafélag ehf. sem
sé „í eigu eða undir stjórn Bald-
urs Odds Baldurssonar og Skúla
Mogensen. „Ég þarf að tala betur
við þig seinna,“ sagði Skúli spurð-
ur í gærkvöld hvort hann kæmi að
félagi sem hygði á flugþjónustu til
og frá Íslandi.
Ekki náðist í Matthías Imsland í
gærkvöld. gar@frettabladid.is
Lögbannskrafa gegn
fyrrverandi forstjóra
Iceland Express krefst lögbanns á að fyrrverandi forstjóri nýti sér upplýsingar
úr starfinu til hagsbóta fyrir aðra. Hann er sagður hafa verið rekinn fyrir að
fegra bókhaldið. Fylgst var með símanotkun forstjórans eftir brottreksturinn.
MATTHÍAS IMSLAND Forstjórinn sem sagt var upp í september er nú sagður nota
tölvur, síma og trúnaðargögn í eigu Iceland Express til að efna til samkeppni við
félagið og brjóta þannig ákvæði um meðferð trúnaðarupplýsinga. FRÉTTABLAÐIÐ/ANTON
SKÚLI
MOGENSEN
PÁLMI
HARALDSSON