Fréttablaðið - 22.12.2011, Blaðsíða 48

4 •
100 litir af
leðurhönskum
parið
Herratrefill og
leðurhanskar hlý og
góð gjöf fyrir herrann
á aðeins
4.950 kr.
Margir litir í boði
Laugavegur 55 www.smartboutiq
ue.is
Laugavegur 55, sími 551-1040
Opið til kl. 22 alla daga til jóla
Sendum í póstkröfu um allt land.
Refaskott og leðurhanskar
saman aðeins
8.900 kr
Ný sending af silfurref
Yfir 100 tegundir af leður
seðlaveskjum.
Verð frá 3.900 kr.
Bleik dömu pasmina og
svartir leðurhanskar.
4.490 kr.
Margir litir í boði
Mikið úrval af refahúfum
29.900 kr.
www.smartboutique.is
„Ég er í skýjunum með viðtökurn-
ar,“ segir Páll Óskar. „Þetta er búið
að ganga vonum framar. Ég get
ekki beðið um meira. Það besta
við þetta er, að eftir alla vinnuna
við tónleikana þá líður mér núna
eins og ég sé með hreint borð. Ég
er eins og tómt óskrifað blað. Nú
get ég farið aftur inn í stúdíó að
vinna nýtt efni. Áramótaheitið mitt
er að ég ætla að helga árinu 2012
lagasmíðum og reyna að vera eins
duglegur í því eins og ég get. En
ég ætla að leyfa því að gerast á
sínum tíma.“
Þó að Sena hafi gefið út
tónleikaplötuna með Sinfóníunni,
þá er Páll ennþá sinn eigin herra
í útgáfu á breiðskífunum sínum.
Hann segir það hafa ýmsa kosti í
för með sér, meðal annars að hann
er ekki undir neinni pressu að gefa
út, heldur getur leyft því að gerast
þegar honum finnst lögin vera
tilbúin. „Ég held áfram að vinna
lögin, þangað til mér líður eins og
þau séu tilbúin. Þannig að ég mun
gefa út smáskífur á árinu, vonandi
með myndböndum. Svo ef mér
líður eins og lögin séu ekki komin,
í júní eða júlí, þá ætla ég að hinkra
næstu jól og gefa þá út næstu
plötu 2013.“
Þú vannst Unicef-lagið, Megi
það byrja með mér, sem kom út
á dögunum, með upptökustjór-
ateyminu Redd Lights. Er það eitt-
hvað sem þú ætlar að gera meira
að? Þ.e.a.s vinna með ungum
lagasmiðum og upptökustjórum?
„Alveg örugglega. Það kom mér
á óvart hvað þeir í Redd Lights
vita mikið um tónlist. Þó að þeir
séu ungir þá vita þeir alveg hver
Giorgio Moroder er. Það fílaði ég
í botn. Það þurfti ekkert að út-
skýra fyrir þeim. Mér fannst þetta
lag frábær stökkpallur í eitthvað
annað og meira.“
Verða þá líka menn eins og
Örlygur Smári inni í myndinni?
„Já, alveg örugglega. Það er
svo gott að vinna með honum.
Ég er umkringdur snillingum í
hverju horni. Það er saga lífs míns.
Ekkert af þessu hefur gerst af
sjálfu sér. Ég hef alltaf verið um-
kringdur snillingum; lagasmiðum
og útsetjurum og textahöfundum
og fatahönnuðum. Ég geri þetta
aldrei einn. Þetta er alltaf samstarf
og það er svo æðislegt. Þannig að
ég held öllu opnu. Stuðið felst í
því að leita, velta steinum og taka
sénsa. Það skemmtilegasta sem
ég geri er að stilla sjálfum mér
upp við vegg og gera hluti sem
ég er ekki viss um að komi sér-
staklega vel út. Hluti sem líta ekki
út fyrir að virka. Það fyrsta sem ég
hugsaði þegar ég fékk Gordjöss í
hendurnar var nákvæmlega þetta:
Annaðhvort mun þetta lag marka
endalok ferils míns eða að það
verður stærri hittari en Ég er á
leiðinni með Brunaliðinu.“
Taldirðu að það væri raunveru-
legur möguleiki á því að þetta lag
myndi rústa ferlinum þínum?
„Já. Allra fyrstu viðbrögðin voru
slæm. Sumt fólk virkilega hélt að
núna hefði síðasta lausa skrúfan í
hausnum á mér endanlega losnað.
Það var ekki fyrr en fólk fékk að
vita að Bragi Baggalútur hefði
samið lag og texta. Þá fattaði fólk
þetta. Þetta er auðvitað brilliant.
Þetta er eins og frægir grínistar í
Bandaríkjunum myndu semja lag
um Madonnu og fá hana sjálfa til
að syngja það. Ég held að hún
ætti að gera slíkt. Hún hefur nú
svo góðan húmor fyrir sjálfri sér.
Það er líka lífsnauðsynlegt þegar
þú ert í þessari stöðu. Ég veit ekk-
ert hallærislegra en poppstjörnur
sem hafa ekki húmor fyrir sjálfum
sér.“
POPPSKÚRINN
Horfðu á Pál
Óskar flytja
Þú komst við
hjartað í mér
og fleiri lög í
Poppskúrnum
á Vísi.is.
Árinu er að ljúka og Páll Óskar Hjálmtýsson,
poppstjarna Íslands, er að klára að bóka
það næsta. Árið hjá Páli Óskari endar eins
og 2007 og 2008 reyndar líka: með roksölu
á nýjustu plötunni og sinaskeiðabólgu eftir
þúsundir eiginhandaráritana. Í þetta skipti er
það tónleikaplatan Páll Óskar og Sinfó sem
er rifin út úr verslunum.
Orð: Atli Fannar
Myndir: Valli
NÝ LÖG Á NÝJU ÁRI
Páll Óskar er á leiðinni í hljóðver á nýju ári.
PALLI OG BLEIKA JÓLATRÉÐ
„Ég hef aldrei í lífinu keypt mér gervijólatré.
Loksins þegar ég tók þessa ákvörðun þá vildi ég
ganga alla leið og hafa þetta ekta gervi,“ segir
Páll Óskar spurður um bleika jólatréð sem prýðir
forsíðu Popps ásamt honum. „Ég beit það í mig og
fékk einhverja þráhyggju fyrir bleikum jólatrjám.
Ég sá bleikt jólatré í Pier-búðinni, en það reyndist
ekki vera til sölu. Þá voru góð ráð dýr. Ég fann
svo hvítt jólatré í Garðheimum sem passaði full-
komlega inn í stofuna mína. Svo fór ég í Poulsen
í Skeifunni og lét sérblanda rétta bleika litinn á
úðabrúsa. Þannig að ég stóð úti í garði að spreyja
hvíta jólatréð bleikt. Ég held ég hafi séð nefið á
öllum nágrönnunum á rúðunum. Allir að tékka á
hvað í ósköpunum Palli væri að gera núna.“
Páll er gríðarlega ánægður með útkomuna og
segir tréð vera forkunnarfagurt. „Og það spilar
með augun í manni,“ segir hann. „Augun á manni
reikna alltaf með því að jólatré eigi að vera græn
og kúlurnar hvítar eða rauðar. En þegar þú sérð
bleikt jólatré með svörtum kúlum, þá ferðu inn í
annan heim. Þetta er eins og að sjá negatívu af
jólatré. Ég hef aldrei verið jafn stoltur af neinu jóla-
tré, þetta er það fallegasta sem ég hef séð.“
Páll er mikið jólabarn. Hann er yngstur í sjö syst-
kina hópi og getur því valið ansi marga staði til að
borða jólamatinn. „Að vera endilega hér eða þar, er
ekki skrifað í stein. En þegar ég er búinn að borða
og taka upp pakka, þá er ég mættur í Fríkirkjuna í
Reykjavík klukkan svona tíu. Við Monika Abendroth
sjáum alltaf um tónlistarflutninginn í miðnæturmes-
su Fríkirkjunnar á aðfangadag. Þetta er níunda árið í
röð sem við gerum það. Þarna koma jólin fyrir mér.“
Svo kemur jóladagur og þá er Páll að eigin sögn
heima á náttfötunum. „Ég slekk algerlega á mér,
sef út, blaða í bók, horfi á bíómynd — oftar en ekki
af filmu. Ég á super 8mm kvikmyndasýningarvél
og elska að horfa á gamlar alvöru bíómyndir af
filmu heima hjá mér. Á annan í jólum, þá er stóra
fjöl skylduboðið. Þar sem ég er yngstur af sjö syst-
kinum, og pabbi og mamma eru bæði farin, þá hö-
fum við þetta þannig að allir afkomendur pabba og
mömmu hittast undir sama þaki. Í ár skilst mér að
fjölskyldumeðlimur númer 33 hafi verið að bætast í
hópinn. Þetta er fljótt að koma þegar systkinin eru
sjö.“