Fréttablaðið - 22.12.2011, Blaðsíða 90

22. desember 2011 FIMMTUDAGUR74
FÓTBOLTI Enska úrvalsdeildin er sú
besta í heimi og þar spila margir
af fremstu fótboltamönnum heims.
Þrettán íslenskir leikmenn hafa
spilað í ensku úrvalsdeildinni frá
því að hún var sett á laggirnar
haustið 1992 og sá fjórtándi
bætist í hópinn á nýja árinu.
Eggert Gunnþór ákvað að yfirgefa
Skotland eftir sjö ár dvöl hjá
Hearts og næst á dagskrá er að
sanna sig fyrir Mick McCarthy.
Eggert Gunnþór verður ekki
fyrsti Íslendingurinn til þess
að spila fyrir Úlfana því Ívar
Ingimarsson hjálpaði liðinu að
komast upp úr ensku b-deildinni
2002-03 og Jóhannes Karl
Guðjónsson lék með liðinu í ensku
úrvalsdeildinni tímabilið á eftir.
Þorvaldur Örlygsson og Guðni
Bergsson voru fyrstu íslensku
leikmennirnir sem spiluðu í ensku
úrvalsdeildinni en þeir léku báðir
í deildinni fyrsta tímabilið eftir að
hún var stofnuð. Þorvaldur var á
undan og lék með liði Nottingham
Forest en Guðni var með Totten-
ham og fékk reyndar lítið að vera
með á þessu tímabili. Guðni átti
eftir að snúa aftur með Bolton-lið-
inu og þá sem fyrirliði.
Guðni varð fyrsti Íslendingur-
inn sem náði því að spila hundrað
leiki í ensku úrvalsdeildinni, síðan
hafa þrír leikmenn bæst í þann
hóp, Hermann Hreiðarsson, Eiður
Smári Guðjohnsen og Grétar Rafn
Steinsson en það er einnig líklegt
að Heiðar Helguson nái því síðar á
þessu tímabili.
Þorvaldur Örlygsson
skoraði fyrsta mark
Íslendings í ensku
úrvalsdeildinni, en
markið kom 16. janú-
ar 1993. Þor valdur
kom þá inn á sem
varamaður á
móti Chelsea tíu
mínútum fyrir
leikslok og gull-
t r yggði 3 - 0
sigur. Þorvald-
ur fékk boltann
á fjærstöng og
lyfti honum
laglega yfir
markvörðinn.
Þetta var eina
mark Íslendings í deildinni þar
til Guðni Bergsson skoraði fyrir
Bolton í leik á móti Newcastle 22.
ágúst 1995.
Hermann Hreiðarsson á tvö met
Íslendings í ensku úrvalsdeildinni
því enginn hefur leikið fleiri leiki
og enginn hefur leikið fyrir fleiri
lið. Hermann lék alls 332 leiki í
úrvalsdeildinni fyrir fimm félög
á árunum 1997 til 2010.
Eiður Smári Guðjohnsen
hefur skorað langflest
mörk af íslenskum leik-
mönnum í ensku úrvals-
deildinni – alls 55 mörk
í 210 leikjum. Hann er
líka sá eini sem hefur
unnið ensku úrvals-
deildina en það gerði
hann með Chelsea
2005 og 2006.
Grétar Rafn Steins-
son var síðastur á
undan Eggerti Gunn-
þóri til að reyna sig í ensku úrvals-
deildinni en hann hefur spilað í
deildinni með Bolton frá því í byrj-
un árs 2008. Grétar Rafn hefur
ekki fengið mikið að spila á þessu
tímabili en var með Bolton í mik-
ilvægum sigri á móti Blackburn í
fyrrakvöld.
Íslendingar standa vel að vígi
meðal þjóða heimsins þegar kemur
að því að eiga leikmenn í ensku
úrvalsdeildinni. Fleiri Íslendingar
hafa þannig spilað í deildinni en
leikmenn frá Ísrael (13), Póllandi
(12), Slóvakíu (12), Tyrklandi (10),
Ungverjalandi (10), Austurríki
(8), Búlgaríu (7) og Rússlandi (7)
svo einhver þekkt fótboltalönd séu
nefnd í samanburði. Hér á síðunni
má sjá yfirlit yfir þá þrettán
íslensku leikmenn sem hafa náð
að spila í ensku úrvalsdeildinni frá
því að hún var stofnuð árið 1992.
ooj@frettabladid.is
VERÐUR FJÓRTÁNDI ÍSLENDINGURINN
Eggert Gunnþór Jónsson er búinn að gera þriggja og hálfs árs samning við enska úrvalsdeildarliðið Wolves og mun ganga til liðs við
félagið þegar félagaskiptaglugginn verður opnaður 1. janúar 2012. Eggert er sá fjórtándi sem fær að reyna sig í bestu deild í heimi.
LÁRUS ORRI SIGURÐSSON 29 LEIKIR (0 MÖRK)
West Bromwich Albion 2002-2003
JÓHANN BIRNIR GUÐMUNDSSON 9
LEIKIR (0 MÖRK) Watford 1999-2000
GUÐNI BERGSSON 135 LEIKIR (8 MÖRK) Tottenham 1992-1993, Bolton 1995-1996,
Bolton 1997-1998 og Bolton 2001-2003. GRÉTAR RAFN STEINSSON 113 LEIKIR (3 MÖRK) Bolton 2008-2011.
EIÐUR SMÁRI GUÐJOHNSEN 210 LEIKIR (55 MÖRK) Chelsea 2000-2006, Tottenham 2009-2010, Stoke 2010-2011
og Fulham 2011. MYNDIR/NORDICPHOTOS/GETTY OG AFP
BRYNJAR BJÖRN GUNNARSSON 43
LEIKIR (3 MÖRK) Reading 2006-2008
ARNAR GUNNLAUGSSON 45 LEIKIR (3
MÖRK) Bolton 1997-98 og Leicester
1999-2002.
ÍVAR INGIMARSSON 72 LEIKIR (4 MÖRK)
Reading 2006-2008
HEIÐAR HELGUSON 90 LEIKIR (26 MÖRK)
Watford 2000, Fulham 2005-2007, Bolton 2007-
2009 og Queens Park Rangers 2011.
JÓHANNES KARL GUÐJÓNSSON 32 LEIKIR (2 MÖRK) Aston
Villa 2003, Wolves 2003-2004 og Burnley 2009-2010.
ÞORVALDUR ÖRLYGSSON 20 LEIKIR (1
MARK) Nottingham Forest 1992-1993.
ÞÓRÐUR GUÐJÓNSSON 10 LEIKIR (1
MARK) Derby 2000–01.
HERMANN HREIÐARSSON 332 LEIKIR (14 MÖRK) Crystal
Palace 1997-98, Wimbledon 1999-2000, Ipswich 2000-
2002, Charlton 2003-2007 og Portsmouth 2007-2010.