Morgunblaðið - 18.08.2010, Qupperneq 19

Minningar 19
MORGUNBLAÐIÐ MIÐVIKUDAGUR 18. ÁGÚST 2010
✝ Vilborg Jóns-dóttir fæddist 27.
maí 1943 í Reykjavík.
Hún andaðist á líkn-
ardeild Landspítalans
í Kópavogi þriðjudag-
inn 10. ágúst 2010.
Foreldrar hennar
voru Kristín Krist-
ófersdóttir frá Þvottá
í Álftafirði, f. 22. nóv-
ember 1913, d. 12.
mars 1999, og Jón
Pétursson í Eyhild-
arholti í Skagafirði, f.
2. september 1914, d.
11. september 1972.
Eiginmaður Vilborgar er Ágúst
Rafn Ingólfsson vélfræðingur, f. 7.
febrúar 1941, og eignuðust þau
einn son, Agnar Jón Ágústsson,
hagfræðing, fæddan 16. desember
1963. Kvæntist Helgu Grétu Krist-
jánsdóttur f. 31. júlí 1963, skilin.
Sonur þeirra er Ari Daníel Agn-
arsson, f. 20. september 1990.
Systkini Vilborgar Jónsdóttur
eru fimm: 1) Pétur f. 28.1. 1942
kvæntist Önnu Andrésdóttur, skil-
in. Börn þeirra eru Kristín Björg f.
12.12. 1964, Andrea
Bergþóra f. 25.3.
1963, Jón f. 26.5. 1967
og Jón Daði, sam-
feðra, f. 30.8. 1973. 2)
Helga f. 24.5. 1945,
gift Einari F. Sigurðs-
syni, börn þeirra eru
Ármann f. 14.1. 1964,
Guðmundur f. 7.2.
1965, d. 13.4. 1983,
Eydís f. 25.4 1966 og
Sóley f. 6.2. 1972. 3)
Sólveig f. 16.6.1946,
giftist Lúðvíki Vil-
hjálmssyni, skilin.
Dóttir þeirra er Kristín Lúðvíks-
dóttir f. 5.11. 1969.
4) Pálmi f.10.12. 1947, kvæntist
Ragnheiði Björgvinsdóttur, skilin.
Sonur þeirra er Björgvin f. 13.10.
1966. Eiginkona Pálma í dag er
Oddný Rafnsdóttir, f. 21. júlí 1950.
5) Þórunn fædd 13. 9. 1940, d. 11.5.
2008, samfeðra. Giftist Sigurði
Guðmundssyni f. 1943. Dóttir
þeirra er Sigríður f. 1964.
Útför Vilborgar verður gerð frá
Garðakirkju í dag, miðvikudaginn
18. ágúst 2010, kl. 13.
Það var snemma á fallegum
þriðjudagsmorgni þann 10. ágúst að
ég skynjaði að það var komið að leið-
arlokum. Ég settist við hlið þér og
hélt um hönd þína þegar andartökin
fjöruðu hægt og rólega út uns allt
var hljótt.
Þrátt fyrir að það hafi verið vitað
að stutt væri í endalokin, þá er erfitt
að vera tilbúinn þegar stundin renn-
ur upp. Þetta var sorgleg og erfið
stund fyrir mig en ég er þakklátur
fyrir að hafa fengið að vera hjá þér
þessi síðustu augnablik í lífi þínu.
Sem einkasonur var ég ljósið í lífi
þínu og þú ert og verður alltaf mín
stoð og stytta. Þú kenndir mér
margt fallegt um lífið sem ég áttaði
mig ekki á sem barn en mótaði mig
síðar á lífsleiðinni. Mörgum stundum
eyddir þú með Ara Daníel, barna-
barni þínu, og sýndir honum ómælda
ást og umhyggju. Þú kenndir honum
bænir og vers og svo ótal margt ann-
að sem var aðdáunarvert og hefur
átt stóran þátt í að móta hann líkt og
mig.
Þú varst blíð og góð kona, fórnfús
og vildir mér alltaf allt það besta.
Hvattir mig og dáðir í öllu sem ég
gerði og kveiktir ávallt neista hjá
mér.
Það var þér erfitt þegar ég fór ut-
an til náms tæplega tvítugur. Samt
studdir þú vel við bakið á mér og
hvattir mig til þess að fara því það
var þér hjartans mál að ég fengi góða
menntun. Þá varst þú mín driffjöður
eins og ávallt í gegnum líf mitt.
Á þínum erfiðasta tíma í lífi þínu
varstu að hugsa meira um mig og
litla minn en sjálfa þig, þrátt fyrir að
vera með áhyggjur af því sem koma
skyldi. Kærleikur þinn, fórnfýsi og
gjafmildi þín situr hæst í minning-
unni hjá mér. Þú hafðir allt það sem
góð móðir og amma hefur að geyma.
Það er komið að leiðarlokum hjá
okkur og ég kveð þig mamma með
miklum söknuði en dásamlegar og
fallegar minningar um góða móður
og ömmu. – Guð verði með þér og
geymi þína góðu sálu.
Bless, elsku mamma mín.
Ég fel í forsjá þína,
Guð faðir, sálu mína,
því nú er komin nótt.
Um ljósið lát mig dreyma
og ljúfa engla geyma
öll börnin þín, svo blundi rótt.
(Matthías Jochumsson.)
Þinn sonur,
Agnar Jón.
Elsku systir.
Það var mikið áfall að frétta að þú
ættir stutt eftir ólifað.
Ósjálfrátt reikar hugurinn til
baka. Þú, stóra systir mín, fórst ung
að heiman og gekkst að eiga hann
Gústa þinn. Þið byggðuð upp fallegt
heimili í Garðabænum þar sem Agn-
ar Jón sonur ykkar ólst upp. Gústi
var alla tíð mikið á sjó.
Þegar Agnar Jón var orðinn stór
og farinn að sjá meira um sig sjálfur
ákvaðst þú að fara út á vinnumark-
aðinn þar sem þú starfaðir í mörg ár
hjá skólatannlæknum á Heilsu-
verndarstöð Reykjavíkur. Síðar
tókst þú þig til og hófst nám í píanó-
leik sem þú stundaðir í mörg ár og
hafðir mikið gaman af. Oft þegar ég
kom heim til þín í Garðabæinn þá
settist þú niður við píanóið og vildir
leyfa mér að heyra það nýjasta sem
þú varst að æfa hverju sinni. Þú
naust þess að spila.
Það er stutt síðan að þú hófst fjar-
nám við Fjölbrautaskólann í Garða-
bæ, og ætlaðir þú að halda því áfram
næsta haust. Þú varst undrandi á því
hvað þér gekk vel og hvatti það þig
enn meira áfram.
Strákarnir þínir voru stoltið þitt
og hafðir þú mikinn metnað fyrir
þeirra hönd, fyrst Agnar Jóns og síð-
ar Ara Daníels, sonarsyni þínum.
Oftar en ekki þegar við ræddum
saman snérist samtal okkar um
barnabörnin okkar og skiptumst við
á því að segja frá þeim. Þú áttir ein-
mitt mjög auðvelt með að samgleðj-
ast öðrum og kunnir svo sannarlega
að hrósa.
Nú síðustu árin höfum við systk-
inahópurinn átt góðar samveru-
stundir, drukkið kaffi og rætt málin
og eru þessar stundir okkar saman
góðar og ómetanlegar minningar um
þig.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
(V. Briem.)
Elsku Dista, systir mín.
Ég kveð þig með miklum söknuði
Megi góður Guð geyma þig
Þín systir,
Sólveig.
Dista lést eftir erfið veikindi og
stutta legu. Dista var næstelst af sín-
um alsystkinum sem ólust upp í aust-
urbæ Reykjavíkur. Dista og Gústi
hófu búskap ung og bjuggu meðal
annars úti á landi um tíma meðan
Gústi var þar vélstjóri, en þau
bjuggu lengst af í Garðabæ, þar sem
þau byggðu sér hús í Þrastarlundi 4.
Dista var oftar en ekki ein heima þar
sem Gústi hefur stundað sjóinn um
ára raðir sem vélstjóri á millilanda-
skipum og kom það því í hlut Distu
að sjá um heimili og aðrar útrétt-
ingar sem fylgja því að vera sjó-
mannskona og leysti hún það vel af
hendi.
Samband okkar systra var mjög
gott, þó að við gætum þrasað hvor
við aðra stökum sinnum, en við vor-
um alltaf í sambandi hvor við aðra
tvisvar til þrisvar í viku. Tvö af börn-
um mínum voru hjá henni og Gústa,
Ármann var heilan vetur í skóla og
Eydís sem var hjá henni í 6 mánuði á
meðan hún var að leita sér að hús-
næði, en það stóð ekki á Distu að
bjóða fram húsnæði sitt ef þess
þyrfti og eins lengi og þurfa þótti og
gerði það með glöðu geði. Dista hafði
mikinn áhuga á tónlist og stundaði
píanónám um nokkura ára skeið.
Með húsmóðurstörfunum og vinnu
stundaði hún einnig nám í ýmsum
greinum.
Það er mikill sjónarsviptir og
söknuður að sjá á eftir Distu úr
systkina- og ástvinahópi þar sem að-
dragandinn var mjög stuttur.
Við vottum eiginmanni, syni og
ættingjum öllum okkar dýpstu sam-
úð.
Helga, Einar og fjölskylda.
Elsku frænka.
Ég vil þakka þér fyrir allar þær
góðu stundir sem ég átti með þér,
fyrir allar þær stundir þegar þið
systurnar hittust á heimili þínu í
Garðabænum og á Skúlagötunni hjá
ömmu þar sem þið gátuð spjallað
endalaust um heima og geima.
Síðustu árin hafið þið systur deilt
fréttum af börnum ykkar og barna-
börnum og sýndir þú því alltaf mik-
inn áhuga. Þú áttir auðvelt með að
samgleðjast.
Ég kveð þig með miklum söknuði.
Fósturlandsins Freyja,
fagra vanadís,
móðir, kona, meyja,
meðtak lof og prís.
Blessað sé þitt blíða
bros og gullið tár.
Þú ert lands og lýða
ljós í þúsund ár.
(Matt. Joch.)
Guð geymi þig, hvíl í friði.
Þín frænka,
Kristín.
Með miklum söknuði kveð ég
Distu vinkonu mína sem horfin er úr
þessari jarðvist eftir stutt en erfið
veikindi. Hugurinn reikar til baka
rúm sextíu ár aftur í tímann, ég
minnist tímans þegar vinátta okkar
hófst, þegar við ásamt Siggu vinkonu
okkar vorum í leik á Skúlagötunni
ásamt öllum hinum krökkunum sem
þar bjuggu. Ég minnist þess tíma
þegar við ungar stúlkur vorum á
leiðinni út á lífið á háum hælum með
túberað hár og bleikan varalit. Dista
var mjög falleg stúlka.
Við hófum allar þrjár búskap á
svipuðum tíma og 1968 fluttum við
Dista báðar í Fossvoginn, um tíma
hafði hún búið ásamt fjölskyldu sinni
á Fáskrúðsfirði og er mér það minn-
isstætt þegar hún flutti aftur til baka
hvað hún var glöð að hitta okkur vin-
konurnar aftur.
Eftir að Dista flutti í Fossvoginn
var gott að koma við hjá henni á leið-
inni í hverfisbúðina, einnig kom hún
mikið til mín.
Seinna flutti fjölskyldan í Garða-
bæ og kom sér upp fallegu heimili
þar. Eftir það lét hún drauminn ræt-
ast fékk sér píanó og hóf nám í tón-
listarskóla Garðabæjar og lauk það-
an prófi. Hún var alla tíð mikið fyrir
tónlist.
Oft lét hún það eftir okkur vinkon-
unum að spila fyrir okkur uppá-
haldslögin okkar þegar við komum í
heimsókn. Hún var dugleg við að
bæta við sig fróðleik og var nánast
alltaf að því.
Dista var hlý, trygg og skapgóð, er
ég henni afar þakklát fyrir hvað hún
fylgdist vel með fjölskyldu minni alla
tíð.
Margs er að minnast eftir langa
samleið, of langt mál yrði að telja það
upp hér. Við vinkonurnar þrjár gerð-
um margt saman og hittumst nánast
mánaðarlega. Fórum m.a. saman í
skemmtilega skíðaferð til Austurrík-
is, gátum við endalaust skemmt okk-
ur við endurminningarnar úr þeirri
ferð.
Bæjarferðir okkar voru margar og
fastur liður á jólaföstunni að eiga
einn laugardag saman og njóta hans
vel, byrjað var á hádegismat, síðan
var verslað eitthvað og oftar en ekki
keyptum við allar eins toppa, endað
var með kvöldverði. Sigga vinkona
okkar lést fyrir sjö árum og sökn-
uðum við hennar mikið. Við Dista
héldum áfram að hittast á jólaföst-
unni og fórum þá alltaf að leiði Siggu.
Á næstu jólaföstu verð ég ein við
leiðin þeirra, en ég hef þá trú að þær
fylgist með mér.
Dista var mikið fyrir fjölskylduna
sína, Ágúst eiginmaður hennar, Agn-
ar Jón sonur hennar og Ari Daníel
sonarsonurinn voru henni allt, þeir
voru svo sannarlega strákarnir
hennar og stolt hennar.
Vinkonu minni þakka ég vináttu
liðinna ára og bið henni blessunar á
nýjum leiðum.
Jensína Magnúsdóttir (Lillý).
Vilborg Jónsdóttir
✝
Ástkær móðir okkar, tengdamóðir, amma og
langamma,
HULDA ÞORSTEINSDÓTTIR,
Laugateig 11,
Reykjavík,
lést á Landspítalanum Fossvogi laugardaginn
14. ágúst.
Útförin fer fram frá Áskirkju fimmtudaginn
26. ágúst kl. 15.00.
Berglind Bragadóttir,
Hjálmar Jónsson, Ingibjörg Klemenzdóttir,
Brynjar Jónsson, Steinunn Steinarsdóttir,
barnabörn og barnabarnabörn.
✝
Elskuleg móðir, tengdamóðir, amma, langamma og
langalangamma,
SIGRÍÐUR JÓNÍNA HELGADÓTTIR
frá Harðangri,
sem lést á Heilbrigðisstofnun Þingeyinga
miðvikudaginn 11. ágúst, verður jarðsungin frá
Húsavíkurkirkju laugardaginn 21. ágúst kl. 14.00.
Þuríður Hallgrímsdóttir,
Steingrímur Hallgrímsson
og fjölskyldur.
✝
Hann Halli okkar er dáinn,
HALLGRÍMUR BJÖRGVINSSON,
Njálsgötu 108,
varð bráðkvaddur á heimili sínu þriðjudaginn
10. ágúst.
Útför hans fer fram frá Grafarvogskirkju
föstudaginn 20. ágúst klukkan 13.00.
Blóm og kransar vinsamlega afþakkaðir en þeim sem
vilja minnast hans er bent á Hugarafl, kt. 460204-2240,
reikn.nr. 0303-13-000429.
Björgvin Karlsson, Guðrún Bóel Hallgrímsdóttir,
Kristinn Björgvinsson, Elva Hlín Harðardóttir,
Loftur Árni Björgvinsson, Christiane Klee,
Dagný Katla og Hólmar Darri Kristinsbörn.
✝
Ástkær eiginkona mín, móðir okkar, tengdamóðir, amma og systir,
SIGRÚN REIMARSDÓTTIR,
Smáratúni 18,
Keflavík,
lést á Sjúkrahúsinu á Akureyri sunnudaginn 15. ágúst.
Útförin fer fram frá Keflavíkurkirkju föstudaginn 20. ágúst kl. 13.00.
Sturla Valdimar Högnason,
Högni Sturluson, Arna Björk Hjörleifsdóttir,
Svanberg Ingi Sturluson,
barnabörn og systkini.
✝
Ástkær eiginmaður minn, faðir okkar, fósturfaðir,
tengdafaðir og afi,
SÆVAR E. GUÐLAUGSSON,
Byggðarenda 4,
Reykjavík,
lést mánudaginn 16. ágúst á Landspítala við Hring-
braut. Útförin verður auglýst síðar.
Karen Ólafsdóttir,
Sigrún Sævarsdóttir Bouius,
Sólrún Sævarsdóttir, Guðmundur Sigurðsson,
Anton P. Gunnarsson, Elsa I. Konráðsdóttir,
Ólafur S. Ólafsson, Mari Sampu
og afabörn.