Morgunblaðið - 18.08.2010, Side 22
22 Minningar
MORGUNBLAÐIÐ MIÐVIKUDAGUR 18. ÁGÚST 2010
✝ Kristín Björg Pét-ursdóttir var
fædd í Reykjavík 22.
maí 1974. Hún and-
aðist að heimili sínu
að Laufvangi 14,
Hafnarfirði, 10. ágúst
2010.
Kristín Björg var
dóttir Péturs L. Sig-
urðssonar f. 6. apríl
1954 og Helgu Guð-
laugsdóttur f. 24. jan-
úar 1956. Sonur
Kristínar er Pétur
Laxdal Egilsson f. 1.
maí 2006. Barnsfaðir Kristínar var
Egill Sigurður Þorkelsson f. 28.
maí 1968, d. 9. nóvember 2006. Eft-
irlifandi sambýlismaður Kristínar
er Ólafur Sólimann Ásgeirsson f.
21. maí 1953. Bróðir Kristínar er
Ívar Pétursson f. 15. júlí 1982, unn-
usta hans er Telma Hlín Helgadótt-
ir f. 15. maí 1985. Systir Kristínar
er Linda Pétursdóttir f. 23. októ-
ber 1990. Foreldrar Péturs eru
Kristín Björg Pétursdóttir f. 27.
desember 1930 og
Sigurður R. Jóhann-
esson f. 14. sept-
ember 1930, d. 2. jan-
úar 1997. Foreldrar
Helgu eru Lilja S.
Jensdóttir f. 9. nóv-
ember 1930 og Guð-
laugur Þ. Helgason f.
13. nóvember 1928, d.
23. september 1982.
Núlifandi sambýlis-
maður hennar er Jón
S. Þórðarson f. 17.
júní 1921.
Kristín bjó fyrstu
fjögur ár ævi sinnar í Vest-
mannaeyjum, en flutti til Reykja-
víkur 1978. Hún stundaði nám við
Hólabrekkuskóla, fór þaðan í
Verzlunarskóla Íslands. Eftir stúd-
entspróf fór hún í lögfræðinám við
Háskóla Íslands og útskrifaðist
þaðan með láði sem lögfræðingur
árið 1999.
Útför Kristínar fer fram í Víði-
staðakirkju í Hafnarfirði miðviku-
daginn 18. ágúst 2010 klukkan 13.
Kristín Björg var stolt okkar og
yndi. Hún var mjög hugljúfur og kát-
ur krakki. Hún var mikil félagsvera,
oft voru ansi margir krakkar heima
að horfa á sjónvarpið hjá okkur með
henni. Hún átti stóran vinahóp í
Breiðholtinu, sem voru saman í Hóla-
brekkuskóla og þau fóru ansi mörg
saman í Verzlunarskóla Íslands. Hún
stóð sig mjög vel í Verzlunarskólan-
um. Þar leið henni vel og hún sagði
alltaf að það hefðu verið bestu ár lífs
síns. Kristín var nemendamótsfor-
maður þegar Jesus Christ Superstar
var sett upp og var meðal annars
fyrsta konan sem var í vinningsliði
Morfís. Kristín fékk 9,5 í inntökupróf-
inu til að komast í lögfræðina. Hún út-
skrifaðist svo sem lögfræðingur með
láði úr Háskóla Íslands árið 1999.
Hún vann við ýmis lögfræðistörf og
nú síðast hjá Sýslumanninum í Vest-
mannaeyjum. Kristín Björg mín var
mikil handavinnukona og henni var
ýmislegt til lista lagt, söng og spilaði á
gítar. Hlýja brosið hennar og
skemmtilegi hláturinn ylja mér núna.
Elsku Kristín Björg mín hvarf á
braut inn í þunglyndi og óreglu. Hún
var búin að vera mjög lengi veik. En
hún skildi eftir sig yndislegan gull-
mola, hann Pétur sem er hjá mjög
góðri fósturfjölskyldu.
Elsku Kristín Björg mín, vonandi
líður þér vel núna. Þú gast allt en
varst lögð að velli af þessum hræði-
lega sjúkdómi. Ég sakna þín.
Mamma.
Elsku Kristín.
Með hvarma fulla af tárum og
hjartað þrungið söknuði og sorg kveð
ég þig, mín ástkæra, sem fórst alltof
fljótt. Þakka þér fyrir þau ár sem við
áttum saman, ég varðveiti allar þær
stundir í hjarta mínu, þú varst minn
sálufélagi.
Guð – gef mér æðruleysi til að
sætta mig við það sem ég fæ ekki
breytt, kjark til að breyta því sem ég
get breytt og visku til að greina þar á
milli.
Að lifa einn dag í einu, njóta hvers
andartaks fyrir sig, viðurkenna mót-
læti sem friðarveg, með því að taka
syndugum heimi eins og hann er, eins
og Jesús gerði en ekki eins og ég vil
hafa hann og treysta því að þú munir
færa allt á réttan veg ef ég gef mig
undir vilja þinn svo að ég megi vera
hæfilega hamingjusamur í þessu lífi
og yfirmáta hamingjusamur með þér
þegar að eilífðinni kemur.
Amen.
Þinn,
Ólafur Sólimann (Óli.)
Þú, mín góða stóra systir, ert nú
fallin frá, eingöngu 36 ára að aldri.
Eftir meira en 8 ára baráttu við þenn-
an illvíga sjúkdóm kvaddir þú okkur á
skelfilega fallegum degi hinn 10.
ágúst síðastliðinn. Ég segi skelfilega
fallegum vegna þess að í sorg minni á
þessum þriðjudegi trúði ég því ekki
að hægt væri að finna svona mikið til
á svo fallegum degi. Ég og aðrir héld-
um alltaf að við hefðum nægan tíma
til að bíða eftir því að þú næðir að
vinna bug á áfenginu og myndir rísa
eins og Fönix úr öskunni, heil og skýr
eins og þú varst alltaf.
Ég á margar góðar minningarnar
um okkur saman, enda fékk ég tæp 20
ár með þér þar sem þú varst heil og
óbrotin. Minningar úr Breiðholtinu
þar sem þú tókst sjónvarpið úr sam-
bandi og sagðir mér að það væri bilað,
svo þú fengir nú frið til að stunda
uppáhalds áhugamálið á þeim tíma,
tala í símann. Eða þegar þú hélst mér
niðri og kitlaðir mig þar til ginið gapti
við þér og púkinn í þér ákvað að það
væri svo sniðugt að skyrpa tyggjóinu
þínu upp í mig. Vatnsstríðið í Höfða-
húsi, þar sem þú og Siggi frændi
stunduðuð skipulagða vatnshryðju-
verkastarfsemi gegn okkur Sveini
Inga. Og svo síðast þegar við vorum
bæði orðin fullorðnari og hún litla
systir okkar sæta kom í heiminn og
við sameinuðumst í friði sem fjöl-
skylda. Þegar stóra systir leyfði litla
bróður að sitja tímunum saman uppi í
herbergi hjá sér að kynnast tónlist og
speki, sem þú deildir með mér hik-
laust og óvandað. Sá tími sem við
eyddum saman í bílnum á leiðinni í
Versló, þú til að kenna, ég að læra.
Oftar en ekki lentum við í umferðar-
teppu og gátum eytt þeim í að ræða
allt milli himins og jarðar eða setið
sátt í þögninni saman. Allar þær
stundir þar sem þú bauðst fram hjálp
þína fyrir mig á öllum tímum sólar-
hringsins, án þess að kvarta eða
kveina.
Nú síðustu daga eftir andlát þitt
hef ég setið yfir gömlum myndum og
rifjað upp skemmtilegar minningar,
því þannig ætla ég ávallt að muna þig,
systir góð. Myndir segja meir en þús-
und orð, segja þeir, og þær eru til í
miklu magni þar sem stór systir held-
ur á sínum yngri systkinum í hlýju
faðmlagi og passar upp á að þeim líði
vel og ást og hlýja skín úr andliti þínu.
Verst að hafa haft svona stuttan tíma
saman.
Mörg tár hafa runnið niður vanga
mína á þessum síðustu dögum, enda
mun ekkert lækna þetta brotna
hjarta nema tíminn sjálfur og þó mun
það aldrei heilt verða aftur án þín,
systir kær. Ég veit í hjarta mínu að afi
hefur tekið á móti þér og að nú, loks
aftur eftir alltof langan tíma, ertu heil
á ný. Farðu í friði, mín elskulega syst-
ir, Kristín Björg Pétursdóttir.
Þinn bróðir, þá, nú og ávallt.
Ég lifi’ í Jesú nafni,
í Jesú nafni’ eg dey,
þó heilsa’ og líf mér hafni,
hræðist ég dauðann ei.
Dauði, ég óttast eigi
afl þitt né valdið gilt,
í Kristí krafti’ eg segi:
Kom þú sæll, þá þú vilt.
(Hallgrímur Pétursson.)
Ívar.
Ég fékk ekki að kynnast Kristínu
systur hans Ívars míns eins og hún
var áður en sjúkdómurinn tók völdin.
Ívar hefur sagt mér ótal sögur um
hvað þau systkinin brölluðu þegar
þau voru yngri og ég veit að hún hefði
getað gert allt sem hún vildi. Ég vildi
að ég hefði fengið að kynnast henni
Kristínu eins og hún var. Ég er viss
um að í dag vakir hún yfir Pétri litla
og heldur verndarhendi yfir honum.
Ég votta öllum aðstandendum
mína innilegustu samúð.
Englanna skarinn skær
skínandi sé mér nær,
svo vil ég glaður sofna nú,
sætt í nafni Jesú.
(G.J.)
Telma Hlín.
Fallin er frá ung kona sem átti
glæsta framtíð fyrir nokkrum árum,
allt lék í höndum hennar, námið, fé-
lagslífið og góð fjölskylda.
Einhvers staðar varð Bakkus á
veginum og þá var ekki aftur snúið
þrátt fyrir margar tilraunir að snúa
aftur á rétta braut.
Kristín Björg er systurdóttir mín
og höfum við átt mikil samskipti
gegnum árin, ég passaði hana litla,
horfði á hana vaxa og verða að glæsi-
legri stúlku sem lífið virtist blasa við.
Henni gekk vel í skóla og var harð-
dugleg að vinna með sínu námi, söng í
söngvakeppnum, tók þátt í ræðu-
keppnum og leiklistarverkefnum, allt
lék þetta í höndum hennar.
Fyrir um 8 árum kom hún og vann
fyrir mig á þjóðhátíð og ekki bar á
neinu þá og stóð hún sig einstaklega
vel, lögfræðingurinn að steikja ham-
borgara, göntuðumst við með. Ég
treysti henni fyrir unglingsstráknum
mínum og fylgdi hún honum þessi
þjóðhátíðarkvöld alltaf heim á um-
sömdum tímum.
Mig minnir að ári seinna hafi ég
fyrst tekið eftir einkennum Bakkusar
á henni og gerði strax tilraunir að að-
stoða hana í því eins og margir aðrir í
fjölskyldunni .
Hún flytur svo fyrir 5 árum aftur til
Eyja og þar næ ég aftur ágætu sam-
bandi við hana. Hún verður ófrísk og
eignast þennan líka gullmola, hann
Pétur minn sem skírður var í skírn-
arkjólnum mínum. Jói skírnarvottur
og smá-kaffisamsæti heima hjá mér á
eftir. Þar flutti hún tölu yfir gestum
og þakkaði velvilja okkar í sinn garð
og hélt maður að nú væri lífið á réttri
leið hjá þessari fallegu konu.
En fljótlega eftir þetta lá leiðin nið-
ur á við og endar svona sorglega. Við
vonuðumst alltaf eftir að það kæmi að
því að hún sæi ljósið og kraftaverk
myndu gerast eins og maður hefur jú
séð gerast hjá þeim er glíma við þenn-
an skelfilega sjúkdóm. Jafnframt
höfðum við oft rætt að við mættum
eiga von á símtali eins og við fengum á
þriðjudagsmorguninn. Samt kom það
eins og kaldur stingur í hjartað því
aldrei er maður undirbúinn svona
döprum fréttum.
Nú sér hún Kristín Björg mín ljósið
á öðrum stað en við vonuðumst til.
Hún skilur eftir fullt af góðum og
hugljúfum minningum sem við skul-
um muna og einnig hlúa að gullmol-
anum honum Pétri sem hún skilur
eftir og er nú búinn að missa báða for-
eldra sína, en hann er í mjög góðum
höndum hjá góðu fólki.
Sendum allri fjölskyldunni okkar
dýpstu samúðarkveðjur.
Svanhildur og fjölskylda.
Elsku frænka, ég kveð þig með
söknuði fyrir þær stundir sem við átt-
um saman á þínum yngri árum. Þú
komst stundum út í Eyjar þar sem við
brölluðum margt saman. Það var
gaman að fylgjast með þér í náminu í
Versló. Þar blómstraðir þú og áttir
góða daga. Síðan lá leið þín í Háskóla
Íslands þar sem þú lagðir lögfræðina
fyrir þig. Þar eins og í Versló varstu
virk í félagslífi nemenda. Þú varst
ávallt ákaflega metnaðarfull og lagðir
þig mikið fram við hvaðeina sem þú
tókst þér fyrir hendur. Kannski lagðir
þú of mikið á þig því að loknu lög-
fræðináminu fór að halla undan fæti
og því fór sem fór.
Elsku frænka, ég kveð þig með
trega yfir öllu því sem hefði getað orð-
ið því þú áttir svo sannarlega framtíð-
ina fyrir þér. Litli peyinn þinn hann
Pétur ber vitni um hve gott upplag
hann fékk í vöggugjöf frá þér. Hann
er í góðum höndum og hlakka ég til að
sjá hann vaxa og dafna.
Kristín Björg
Pétursdóttir
✝
Innilegar þakkir til allra þeirra sem sýndu okkur
samhug, hlýju og vináttu við andlát elskulegs
eiginmanns, föður, afa og langafa,
BERGS GUÐLAUGS ÓLASONAR,
Kelduskógum 1,
Egilsstöðum.
Sérstakar þakkir til starfsfólks Sjúkrahússins á
Egilsstöðum, sem annaðist Berg af alúð og hlýju í
veikindum hans.
Svanhildur Sigurðardóttir,
Bergljót Bergsdóttir,
Halldór Bergsson, Kristbjörg Gunnlaugsdóttir,
Anna Bergsdóttir, Dagbjartur Harðarson
og fjölskyldur.
✝
Þökkum öllum þeim sem sýndu okkur samúð og
vinarhug við andlát og útför móður minnar, tengda-
móður og ömmu okkar,
SOLVEIGAR BENEDIKTSDÓTTUR SÖVIK.
Sérstakar þakkir færum við starfsfólki Héraðs-
hælisins á Blönduósi fyrir umönnun og áralanga
vináttu í hennar garð.
Ragnheiður Sövik, Arnór Gunnarsson,
Óskar Arnórsson, Atli Gunnar Arnórsson.
✝
Okkar innilegustu þakkir til allra sem sýndu okkur
samúð, hlýhug og vináttu við andlát og útför
mannsins míns, föður, tengdaföður, afa og langafa,
STEFÁNS SCHEVING KRISTJÁNSSONAR
bónda,
Götu,
Hrunamannahreppi.
Ágústa Sigurdórsdóttir,
Katrín Stefánsdóttir, Anton Viggósson,
Sigríður Stefánsdóttir, Ragnar Óskarsson,
Sigurdór Már Stefánsson, Guðbjörg Fríða Guðmundsdóttir,
barnabörn og barnabarnabörn.
✝
Ástkær móðir okkar, tengdamóðir, amma og
langamma,
FANNEY ÞORSTEINSDÓTTIR
frá Drumboddsstöðum,
Biskupstungum,
til heimilis að,
Rauðarárstíg 34,
Reykjavík,
sem lést miðvikudaginn 11. ágúst, verður jarð-
sungin frá Háteigskirkju í Reykjavík fimmtudaginn
19. ágúst kl. 15.00.
Hilmar Reynir Ólafsson, Anna Jónmundsdóttir,
Þorsteinn Gunnar Tryggvason, Ósk Sigurrós Ágústsdóttir,
Ketill Rúnar Tryggvason, Laugheiður Bjarnadóttir,
Sigurður Sævar Tryggvason, Jóhanna S. Hermannsdóttir,
Erlendur Viðar Tryggvason, Harpa Arnþórsdóttir,
Lilja Björk Tryggvadóttir, Guðlaugur Arason,
Tryggvi Tómas Tryggvason, Anna Scheving Hansdóttir,
barnabörn og barnabarnabörn.
✝
Ástkær eiginmaður minn, faðir okkar, tengdafaðir,
afi og langafi,
HELGI SIGURÐSSON
frá Hraunkoti í Landbroti,
verður jarðsunginn frá Prestsbakkakirkju á Síðu
laugardaginn 21. ágúst kl. 14.00.
Svava Margrét Þorleifsdóttir,
Ólafur Helgason, Sigurlaug Jónsdóttir,
Sigurður Helgason,
Vigfús G. Helgason, Matthildur Pálsdóttir,
Leifur J. Helgason,
Sigmar Helgason, Kristín S. Ásgeirsdóttir,
Ásta Katrín Helgadóttir, Gísli H. Jóhannsson,
barnabörn og barnabarnabörn.