Morgunblaðið - 18.09.2010, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 18. SEPTEMBER 2010
Skráðu þig á www.almenni.is
A
N
T
O
N
&
B
E
R
G
U
R
Sigurður Bogi Sævarsson
sbs@mbl.is
Þrátt fyrir að hafa fæðst og búið alla sína
tíð í Bandaríkjunum – í rétta öld – eru
böndin sem tengja Þórunni Mayers við Ís-
land býsna sterk. „Ég kom fyrst hingað til
lands árið 1970 og hef heimsótt landið
nokkrum sinnum síðan. Í síðustu heim-
sókn, þegar ég var níræð, hét ég því að
koma hingað næst þegar ég yrði hundrað
ára og vera hér á þeim tímamótum með
fólkinu mínu,“ segir Þórunn, sem með fjöl-
skyldu sinni er nú komin hingað til að
halda upp á tímamótin. Afmælisdagurinn
er í dag, 18. september.
Á Washington-eyju í Wisconsin
Móðir Þórunnar, Þuríður Jónsdóttir,
fluttist með foreldrum sínum til Bandaríkj-
anna frá Eyrarbakka 1887, þá aðeins ellefu
ára. Faðir hennar, Ásgrímur Adolfsson,
var ættaður frá Stokkseyri en fluttist
sömuleiðis ungur með foreldrunum til
Bandaríkjanna, í lok 19. aldar þegar
straumur fólks frá Íslandi til Vesturheims
var sem mestur. Þórunn fæddist á Wash-
ington-eyju á vötnunum í Wisconsin-ríki.
Hún bjó lengi í Detroit í Michigan en síð-
asta aldarfjórðunginn hefur hún átt heimili
í borginni Wyandotte, sem er í sama ríki.
Þórunn er enn við góða heilsu, býr í eigin
húsnæði og er sjálfbjarga að flestu leyti.
Hún var gift kona og eignaðist tvö börn;
sonur hennar lést árið 1980 en dóttir henn-
ar, Barbara Carolle, og fjölskylda eru með
henni í Íslandsheimsókninni nú eins og vera
ber á stórri stundu.
Í sambandi við skyldfólkið
„Á heimili foreldra minna var töluð ís-
lenska, við lásum Lögberg-Heimskringlu og
fengum fréttir að heiman. Með íslenskri
tungu héldum við tengslunum. Í gegnum
tíðina hef ég alltaf verið í reglulegu sam-
bandi við skyldfólk móður minnar. Faðir
minn var fósturbarn og því þekkti ég ekki
hans ættboga. Það var raunar ekki fyrr en í
síðustu Íslandsheimsókn sem ég komst á
slóðina og náði sambandi við hans fólk. Í
gegnum tíðina hef ég svo alltaf heyrt annað
slagið í fólkinu mínu hér og það samband og
tenging við Ísland hefur verið mér mikils
virði. Ég hugsa alltaf afar hlýtt til Íslend-
inga og er stolt af þeim. Vissulega er þjóðin
að fara í gegnum mikla erfiðleika núna eftir
efnahagshrunið. Hins vegar er kreppa hvar-
vetna í veröldinni um þessar mundir; staða
Íslendinga er ekkert einsdæmi og þeir geta
borið höfuðið hátt,“ segir Þórunn.
Héldum tengslum með tungunni
 Þórunn Mayers kemur frá Bandaríkjunum og heldur upp á 100 ára afmælið með Íslandsferð
 Íslenska á æskuheimilinu, lásu Lögberg-Heimskringlu og fengu þannig fréttir að heiman
Morgunblaðið/Eggert
Vinafundur Þórunn Mayer, dóttirin Barbara Carolle og Ólafur Davíðsson, frændi þeirra.
„Sprettan er góð og hefur haldist fram undir
þetta. Frost hefur ekki spillt fyrir. Síðustu daga
höfum við verið í miklum önnum við að ná upp-
skeru í hús,“ segir Sigrún Pálsdóttir á Flúðum.
Hún og Íris Georgsdóttir unnu í gær við að taka
upp blómkál á ökrunum við Flúðir, en Sigrún og
Þröstur Jónsson eiginmaður hennar eru um-
svifamikil í kálrækt. Uppskeruna selja þau til
Reykjavíkur en eitthvað verður þó í boði í heima-
ranni á Flúðum um helgina þar sem haldin er
sveitamarkaðurinn Matarkistan hvar ýmislegt
góðgæti úr sveitinni er á borðum.
Morgunblaðið/Sigurður Sigmundsson
Sprettan er góð og annadagar úti á ökrunum
Atli Gíslason,
formaður þing-
mannanefndar
um niðurstöður
rannsóknar-
nefndar Alþing-
is, segir það
hafa komið til
álita að kæra
fleiri ráðherra
en mælt er fyrir
um í tveimur þingsályktunar-
tillögum sem nú bíða afgreiðslu á
þingi. Þetta kom fram í svari hans
við fyrirspurn Sigurðar Kára
Kristjánssonar, þingmanns Sjálf-
stæðisflokksins, í umræðum í
þinginu í gær.
„Við töldum að það kynni að
vera að fleiri ráðherrar sem sátu í
ríkisstjórninni hefðu orðið berir
að gáleysi,“ sagði Atli. Refsiskil-
yrðið hafi hins vegar verið stór-
kostlegt gáleysi, og því hafi ekki
náðst samastaða í nefndinni um
það að fleiri yrðu ákærðir.
Atli er einn flutningsmanna
þingsályktunartillögu um að höfð-
að verði mál gegn fjórum fyrrver-
andi ráðherrum.
einarorn@mbl.is
Fleiri kærur
komu til álita
Atli Gíslason
Náðu ekki saman
Einar Örn Gíslason
einarorn@mbl.is
Nefnd um orku- og auðlindamál,
sem meðal annars hefur það hlut-
verk að meta lögmæti kaupa
Magma Energy á eignarhlutum í
HS Orku í gegnum sænskt dótt-
urfélag, hefur komist að þeirri nið-
urstöðu að formlegum skilyrðum
laga hafi verið fullnægt í viðskipt-
unum. Dótturfélagið, Magma
Energy Sweden AB, hafi verið
stofnað með lögmætum hætti í Sví-
þjóð. Þar sem félagið sé lögaðili á
hinu Evrópska efnahagssvæði upp-
fylli það þar með nauðsynleg skil-
yrði þess að fjárfesta í íslenskum
orkuiðnaði. Sé hins vegar litið svo á
að hið kanadíska Magma Energy sé
raunverulegur aðili fjárfestingar-
innar horfi málið hins vegar öðru-
vísi við. Enginn fjárfestingasamn-
ingur sé í gildi milli Íslands og
Kanada sem heimili fjárfestingu í
orkuiðnaði. Í skýrslu nefndarinnar
segir að það sé „ekki á færi annarra
en dómstóla“ að meta það hvernig
líta beri á staðreyndir og „hvaða
túlkun laganna sé rétt“. Niðurstaða
nefndarinnar nú er í samræmi við
niðurstöðu meirihluta nefndar um
erlenda fjárfestingu frá því í sumar.
Sitja uppi með orðinn hlut
Í skýrslu nefndarinnar nú er bent
á það að tímafresturinn til að
bregðast við fjárfestingunni sé
runninn út, og gerðir samningar
séu á milli einkaaðila. Stjórnvöld
„sitji því uppi með orðinn hlut“. Sé
litið framhjá þrýstingi í samfélaginu
„væri eðlilegt að þau hefðust ekki
frekar að um þessi viðskipti sem
slík“.
Svandís Svavarsdóttir umhverfis-
ráðherra segir tvær hliðar á málinu.
Ef gengið sé út frá anda laganna og
raunverulegri stöðu fyrirtækisins í
Svíþjóð sé um ólögmæta niðurstöðu
að ræða. Sé þröngri lagatúlkun hins
vegar beitt verði niðurstaðan önnur.
„Þetta er í sjálfu sér bara verkefni
sem við höfum með höndum, að
vinna næstu skref í anda þeirrar
pólitísku yfirlýsingar sem ríkis-
stjórnin lét frá sér í júlí,“ sagði
Svandís eftir að Jóhanna Sigurð-
ardóttir forsætisráðherra hafði
kynnt ríkisstjórninni niðurstöður
nefndarinnar. Steingrímur J. Sig-
fússon fjármálaráðherra tekur í
sama streng og segir niðurstöðuna
fara eftir því hvaða leið er valin til
túlkunar. „Niðurstaðan þar með er
auðvitað sú að lögin eru ekki nógu
skýr og í þeim [eru] veikleikar,“
sagði Steingrímur.
Engir augljósir annmarkar
 Nefndin segir
aðeins dómstóla
geta túlkað lögin