Morgunblaðið - 18.09.2010, Blaðsíða 19

FRÉTTIR 19Innlent
MORGUNBLAÐIÐ LAUGARDAGUR 18. SEPTEMBER 2010
ÚR BÆJARLÍFINU
Gunnlaugur Auðunn Árnason
Stykkishólmur
Síðustu daga hefur haustið
minnt á sig eftir sérstaklega gott
sumarveður. Samfelldar veðurmæl-
ingar hafa farið fram í Hólminum í
165 ár og er sumarið sem fyrir
skömmu kvaddi eitt það besta á
þessu langa tímabili. Það er líflegt í
Stykkishólmi yfir sumartímann. Mik-
ill fjöldi ferðamanna sækir bæinn
heim og hressir upp á bæjarlífið.
Ferðaþjónustan veitir mörgum at-
vinnu. Ferðatímabilið fór seinna af
stað en í fyrra. Færri Íslendingar
létu sjá sig nú, en meira var um er-
lenda ferðamenn og eru þeir enn á
ferðinni. Ferjan Baldur flutti um
45.000 farþega út í Flatey eða yfir
Breiðafjörðinn í sumar. Það er mikill
fjöldi á ekki lengra tímabili.
  
Frístundabændum fjölgar í
Hólminum. Í dag eru þeir í göngum
ásamt nágrönnum sínum í Helgafells-
sveit og á morgun verður réttað að
Skildi kl. 11. Þeir fara með góðar
fréttir í farteskinu í göngurnar því
Hæstiréttur dæmdi þeim í vil í vik-
unni. Þeim er því leyfilegt að slátra
heima þegar afurðum er ekki dreift
heldur aðeins nýttar til einkaneyslu.
  
Gamla pósthúsið hefur fengið
nýtt hlutverk. Marz sjávarafurðir
ehf. keypti húsið fyrr á þessu ári og
hefur gert það upp. Starfsemi Marz
er á miðhæð en efri hæðin sem er
fjögurra herbergja verður leigð út til
smærri fyrirtækja. Marz var stofnað
árið 2003 og annast kaup og sölu á
sjávarfangi. Fyrirtækið hefur vaxið
mjög og starfa hjá því 6 konur í
Hólminum og í útibúi fyrirtækisins í
Álaborg.
  
Unaðsdagar eru í Hólminum
og hver vill ekki njóta þeirra. Hótel
Stykkishólmur býður upp 5 daga dvöl
frá mánudegi til föstudags fyrir eldri
borgara í haust og næsta vor. Fyrsti
hópurinn mætti til leiks í vikunni, 60
manna hópur frá Neskaupstað. Í boði
er fjölbreytt dagskrá sem eldri borg-
arar í Hólminum taka þátt í. Gleði-
stjórnandi er Gísli Blöndal. Næstu
Unaðsdagar verða 4.-8. október.
  
Stykkishólmur er körfubolta-
bær. Snæfell er bæði með karla- og
kvennalið í Úrvaldsdeildinni. Mikil
breyting er á karlaliðinu. Þrír útlend-
ingar koma til liðs við karlaliðið og
tveir til liðs við kvennaliðið. Nú fer
gamanið að byrja. Bæjarbúar fylgj-
ast spenntir með gengi liðanna í vet-
ur.
Morgunblaðið/ Gunnlaugur Auðunn Árnason
Gamla pósthúsið Nýtt hlutverk.
Skrifstofa Marz sjávarafurða og að-
staða fyrir smærri fyrirtæki.
Unaðs-
dagar í
Hólmin-
um
Bæjarstjórn Bolungarvíkur
lýsir þungum áhyggjum yfir
þróun mála í heilbrigðisþjón-
ustu í bæjarfélaginu. Kemur
það fram í bókun sem sam-
þykkt var á fundi bæjar-
stjórnar á fimmtudag.
Þar kemur ennfremur fram
að bæjarstjórnin leggi ríka
áherslu á að í Bolungarvík
verði búsettur og starfandi
læknir og með þeim hætti verði
sú læknisþjónusta sem veitt
hefur verið undanfarin ár og
áratugi, óskert. Á vef Bæjarins
besta segir að gert sé ráð fyrir
að með tilkomu Bolungarvíkur-
ganga verði vaktsvæði Ísa-
fjarðar og Bolungarvíkurkaup-
staðar gert að einu. Breytist þá
staða yfirlæknis heilsugæslu í
Bolungarvík í stöðu sérfræð-
ings í heilsugæslulækningum.
Í bókun bæjarstjórnarinnar
segir einnig að krafan sé að
heilbrigðisþjónusta, þar með
talin staða hjúkrunarfræðings,
sjúkraliða og sjúkraþjálfara,
verði veitt í sama mæli og verið
hefur í bæjarfélaginu.
Þá krefst bæjarstjórnin þess
að tryggt verði að full starf-
semi verði áfram á heilsu-
gæslustöð sem og á öldrunar-
deildinni í Bolungarvík og í
heimaþjónustu.
Læknisþjónusta verði áfram óskert
Áfram óskert Bolvíkingar vilja halda fullri þjón-
ustu á dvalarheimilinu áfram sem endranær.
www.rannis.is/visindavaka
Allir velkomnir. Láttu sjá þig!
Í aðdraganda Vísindavöku Rannís er hellt
upp á hið sívinsæla Vísindakaffi þar sem
fræðimenn kynna rannsóknir sínar fyrir
almenningi.
20. 21. 22. & 23. september
Vísindakaffi 2010
Dagskrá á Súfistanum,
Máli og menningu í Reykjavík:
Mánudagur 20. september kl. 20:00 - 21:30
Eldfjöll – hvar gýs næst?
Páll Einarsson prófessor í jarðeðlisfræði fjallar um aðferðir til
að fylgjast með virkni eldfjalla og segja fyrir um hegðun þeirra.
Af hverju er stundum hægt að spá og stundum ekki?
Þriðjudagur 21. september kl. 20:00 - 21:30
Hvað á að vera í stjórnarskrá?
Stjórnarskrár landa geta fjallað um allt milli himins og jarðar.
Í tilefni stjórnlagaþings og endurskoðunar stjórnarskrár ræðir
dr. Ragnhildur Helgadóttir prófessor við lagadeild Háskólans í
Reykjavík, um hvað á að vera í stjórnarskrám og hvers vegna.
Miðvikudagur 22. september kl. 20:00 - 21:30
Stofnfrumur – tækifæri eða tálsýn?
Dr. Sveinn Guðmundsson yfirlæknir Blóðbankans og dr.
Ólafur E. Sigurjónsson forstöðumaður stofnfrumuvinnslu
og grunnrannsókna í Blóðbankanum fjalla um eiginleika
stofnfrumna, kynna notkun blóðmyndandi stofnfrumna
í læknisfræðilegri meðferð, ræða og vara við oftrú á
„galdramætti“ stofnfrumna í nútíma læknisfræði en
kynna jafnframt not stofnfrumna t.d. með stofnfrumugjafaskrám
og naflastrengsbönkum.
Fimmtudagur 23. september kl. 20:00 - 21:30
Hver eru sameiningartákn íslensku þjóðarinnar? Frá Njáli
Þorgeirssyni til Helga Hóseassonar
Jón Karl Helgason dósent við Íslensku- og menningardeild
Háskóla Íslands fjallar um hvernig ýmsar persónur úr íslenskri
sögu og bókmenntum hafa í ákveðinn tíma orðið fulltrúar
þjóðarinnar allrar eða tiltekinna hópa. Meðal þess sem ber á
góma eru styttur og minnismerki í Reykjavík, rithöfundasöfn
á landsbyggðinni, götuheiti og íslenskir peningaseðlar.
Dagskrá á landsbyggðinni:
Mánudagur 20. september kl. 17:00 - 19:00
Húsavík: Hljóð undirdjúpanna
Rannsókna- og fræðasetur Háskóla Íslands á Norðausturlandi,
Húsavíkurbær og Norðursigling bjóða í Vísindakaffisiglingu til
að kynnast hljóðum undirdjúpanna.
Miðvikudagur 22. september kl. 18:00 - 19:30
Sandgerði: Grjótkrabbi – skemmtilegur og bragðgóður!
Háskólasetur Suðurnesja í Sandgerði og Náttúrustofa
Reykjaness kynna grjótkrabba sem er nýr landnemi hér við
land. Krabbinn er kynntur og síðan eldaður og gefst gestum
færi á að spreyta sig og smakka!
Fimmtudagur 23. september kl. 20:00 - 21:30
Hofi, Akureyri: Erfðabreytt framtíð
Dr. Kristinn P. Magnússon og dr. Oddur Vilhelmsson dósentar
við Háskólann á Akureyri og sérfræðingar í erfðavísindum og
erfðatækni spjalla um erfðavísindi og hagnýtingu þeirra.
Fimmtudagur 23. september kl. 20:00 - 21:30
Skagaströnd: Mikilvægi munnlegrar sögu
Fjórir fræðimenn velta upp mikilvægi munnlegrar sögu og segja
frá samstarfsverkefni um varðveislu munnlegra gagna.
Fimmtudagur 23. september kl. 20:00 - 21:30
Höfn í Hornafirði: Höfundaverk Þórbergs
Soffía Auður Birgisdóttir bókmenntafræðingur fjallar um
rannsóknir á höfundaverki Þórbergs Þórðarsonar.
Laugavegi 13, 101 Reykjavík
sími 515 5800, rannis@rannis.is
www.rannis.is