Morgunblaðið - 21.01.2011, Blaðsíða 4

FRÉTTASKÝRING
Einar Örn Gíslason
einarorn@mbl.is
Starfsmenn embættis sérstaks sak-
sóknara gerðu í gær húsleit á fimm
stöðum á höfuðborgarsvæðinu og
fjórir voru handteknir í tengslum við
þær. Tilefnið var rannsókn embætt-
isins á millifærslum af reikningum
Landsbankans í Seðlabankanum til
MP Banka og Straums fjárfesting-
arbanka af reikning og kaup Lands-
bankans á verðbréfum af sjóðum
Landsvaka eftir lokun sjóðanna.
Þrír hinna handteknu eru þeir Jón
Þorsteinn Oddleifsson, Stefán Héð-
inn Stefánsson og Þórir Örn Ingólfs-
son, en allir eru þeir fyrrverandi
starfsmenn Landsbankans. Ekki
var vitað hver fjórði maðurinn er
þegar blaðið fór í prentun. Var þeim
sleppt að loknum yfirheyrslum í
gær.
Hinn 6. október 2008 voru miklir
fjármunir fluttir af reikningi Lands-
bankans í Seðlabanka Íslands og á
reikninga MP Banka og Straums
fjárfestingarbanka. Starfsmenn sér-
staks saksóknara gerðu húsleit hjá
Straumi, sem nú heitir raunar
ALMC, MP Banka og í Seðlabank-
anum, þar sem gagna var aflað um
téðar færslur. Sömuleiðis var leitað í
húsakynnum Landsvaka. Enginn
var handtekinn hjá ALMC, MP
Banka eða Seðlabankanum, sam-
kvæmt upplýsingum blaðsins.
Um mikla fjármuni að tefla
Rannsóknin nú byggist á gruni
um skilasvik, að því er segir í til-
kynningu frá sérstökum saksókn-
ara. Um sé að tefla „verulega fjár-
hagslega hagsmuni.“ Starfsmönnum
MP Banka og Straums hefur verið
það ljóst daginn sem neyðarlögin
voru sett að upp væri runnið síðasta
tækifæri til að bjarga fjármunum
frá Landsbankanum, og skýrir það
að einhverju leyti hinar miklu pen-
ingatilfærslur á milli reikninga
bankanna hjá Seðlabankanum þann
daginn. Upphæðirnar sem um ræðir
hlaupa líkast til á milljörðum króna.
Jón Þorsteinn Oddleifsson var
forstöðumaður fjárstýringar Lands-
bankans á þeim tíma sem meint brot
voru framin. Hann hefur þannig haft
umsjón með stórum peningatil-
færslum til og frá bankanum. Við-
mælendur blaðsins segja hann hafa
verið náinn samstarfsmann Sigur-
jóns Þ. Árnasonar, fyrrverandi
bankastjóra, sem nú er í gæsluvarð-
haldi. Síðustu mánuðina fyrir fall
bankans hafi þeir verið allt að því
óaðskiljanlegir. Í skýrslu sinni fyrir
Rannsóknarnefnd Alþingis segir
Sigurjón um Jón að hann hafi verið
sá sem einkum sinnti samskiptum
við Alþjóða- og markaðssvið Seðla-
bankans fyrir hönd Landsbankans.
Stefán Héðinn Stefánsson, sem
færður var til yfirheyrslu í gær, var
stjórnarformaður Landsvaka, dótt-
urfélags Landsbankans. Landsvaki
rekur fjárfestingarsjóði á borð við
peningamarkaðssjóði. Sérstakur
saksóknari rannsakar nú kaup bank-
ans á verðbréfum úr sjóðum Lands-
vaka eftir að þeim hafði verið lokað.
Þórir Örn Ingólfsson var einnig
færður til yfirheyrslu í gær. Hann
var áður yfirmaður áhættustýringar
hjá Landsbankanum, en var fluttur
til í starfi í kjölfar hrunsins.
Skömmu síðar hætti hann hjá
bankanum.
22. maí 2009 Húsleit gerð á tólf stöðum í tengslum við
rannsókn á kaupum Q Iceland Finance, eignarhaldsfélags
sjeiks Mohamed Bin Khalifa Al-Thani frá Katar, á um fimm
prósenta hlut í Kaupþingi í september 2008. Leitað var í höf-
uðstöðvum Kaupþings og á heimilum fyrrverandi stjórnenda
bankans. Einnig á heimili Ólafs Ólafssonar, sumarhúsi hans
og á skrifstofu Q Iceland Finance ehf., sem er til húsa hjá
lögmannsstofunni Fulltingi á Suðurlandsbraut. Jafnframt
var leitað á skrifstofum Arion verðbréfavörslu og á skrif-
stofum Kjalars, sem er eignarhaldsfélag í eigu Ólafs og víðar.
3. júní 2009 Húsleit gerð hjá lögfræðistofunni Logos, ann-
ars vegar vegna rannsóknar ríkislögreglustjóra á félögum í
eigu Hannesar Smárasonar og hins vegar vegna athugunar
sérstaks saksóknara á Q Iceland Finance ehf.
7. júlí 2009 Húsleit var gerð á a.m.k. tíu stöðum vegna
rannsóknar á málefnum Sjóvár. Leitað var hjá Milestone,
Sjóvá, Öskum Capital, heimili Þórs Sigfússonar, fyrrv. for-
stjóra Sjóvár, Guðmundar Ólasonar, forstjóra Milestone, og
Karls Wernerssonar, stjórnarformanns Milestone, og hjá
tveimur félögum sem tengjast Sjóvá og Milestone og hjá net-
fyrirtæki sem hýsir tölvupóstþjóna þeirra. Að auki var farið
inn á skrifstofur Samtaka atvinnulífsins, þar sem Þór Sigfús-
son gegndi formennsku, og leitað í tölvu hans þar.
1. október 2009 Húsleit hjá endurskoðunarfyrirtækjunum
KPMG og Price-Waterhouse Coopers.
24. nóvember 2009 Húsleit hjá sparisjóðnum Byr og MP
banka vegna Exeter-málsins.
26. janúar 2010 Húsleit gerði í höfuðstöðvum Exista. Á
sama tíma var gerð húsleit á sjö öðrum stöðum á Íslandi og
fjórum stöðum á Englandi. Leitað var í sumarhúsi Lýðs Guð-
mundssonar, á heimili hans og í geymsluskemmu sem hann
og Ágúst bróðir hans eiga. Auk þess var leitað í höf-
uðstöðvum Exista, hjá eignaleigufélaginu Lýsingu, lög-
mannsstofunni Logos og endurskoðunarfyrirtækinu Deloitte.
Ennfremur var gerð húsleit í höfuðstöðvum Exista í London
og á skrifstofu Bakkavarar í Lincoln og á tveimur öðrum
stöðum í Bretlandi.
12. febrúar 2010 Húsleit á vegum sérstaks saksóknara í
húsakynnum Banque Havilland sem tók yfir starfsemi Kaup-
þings í Lúxemborg og einu heimahúsi í Lúxemborg. Emb-
ættið á von á að fá gögnin í febrúar nk.
6. maí 2010 Hreiðar Már Sigurðsson, fyrrverandi forstjóri
Kaupþings, og Magnús Guðmundsson, forstjóri Banque
Havilland, handteknir og í kjölfarið úrskurðaðir í gæslu-
varðhald. Ingólfur Helgason, fyrrverandi forstjóri bankans á
Íslandi var einnig úrskurðaður í gæsluvarðhald. Sigurður
Einarsson, fyrrverandi stjórnarformaður Kaupþings, var þá í
London og kom ekki fyrr en alllöngu síðar eftir að hafa verið
eftirlýstur af Interpol.
28. júní 2010 Sérstakur saksóknari ákærir þrjá menn í Ex-
eter-málinu; Jón Þorstein Jónsson, fyrrverandi stjórn-
arformann Byrs, Ragnar Zophonías Guðjónsson, fyrrverandi
sparisjóðsstjóra, og Styrmi Þór Bragason, fyrrverandi for-
stjóra MP-banka.
16. nóvember 2010 Húsleitir á tíu stöðum og fjöldi manns
tekinn til yfirheyrslu í tengslum við rannsókn á lánveitingum
Glitnis, m.a. á skrifstofum 101 Hótels, fyrirtækis í eigu Jóns
Ásgeirs Jóhannessonar. Einnig á skrifstofu Pálma Haralds-
sonar, á heimili Lárusar Welding, fyrrverandi forstjóra
Glitnis og hjá Sögu fjárfestingarbanka. Fjölmargir starfs-
menn Glitnis, FL Group og Sögu Fjárfestingarbanka yf-
irheyrðir.
13. janúar 2011 Sigurjón Þ. Árnason, fyrrverandi banka-
stjóri Landsbankans, og Ívar Guðjónsson, fyrrverandi yf-
irmaður eigin viðskipta, handteknir og síðar úrskurðaðir í
gæsluvarðhald. Margir fyrrverandi yfirmenn og starfsmenn
Landsbankans yfirheyrðir sama dag og í kjölfarið, þ. á m.
Halldór J. Kristjánsson, sem einnig var bankastjóri. Halldór
var síðan úrskurðaður í farbann. Húsleitir gerðar á þremur
stöðum, m.a. á heimili Sigurjóns Árnasonar, skv. fregnum
fjölmiðla.
20. janúar 2011 Húsleitir á fimm stöðum, þ. á m. í Seðla-
banka Íslands, og fjórir færðir til skýrslutöku.
Húsleitir og
handtökur
sérstaks
saksóknara
Fjórir hand-
teknir vegna
skilasvika
 Sérstakur saksóknari gerði húsleit á
fimm stöðum í umfangsmiklum aðgerðum
Burður Miklu magni gagna var safnað við húsleitir í gær og þau flutt í
húsakynni sérstaks saksóknara til úrvinnslu.Skilasvik
» Grunur leikur á að brotið
hafi verið gegn auðgunar-
brotakafla hegningarlaga í
tengslum við ráðstöfun fjár-
muna Landsbankans.
» Málunum sem nú eru til
rannsóknar var vísað til emb-
ættis sérstaks saksóknara
með tilkynningu frá skilanefnd
og slitastjórn Landsbanka Ís-
lands í lok síðasta árs. Þau
hafa verið til meðferðar hjá
embættinu síðan.
Yfirheyrður Stefáni Héðni Stefánssyni var fylgt út í lögreglubíl í kjölfar
yfirheyrslu sérstaks saksóknara. Hann sést hér setjast inn í bílinn.
Morgunblaðið/Ómar
Fluttur burt Þórir Örn sést hér yfirgefa húsakynni sérstaks saksóknara.
4 FRÉTTIRInnlent
MORGUNBLAÐIÐ FÖSTUDAGUR 21. JANÚAR 2011
Már Guðmundsson seðlabankastjóri
gerir ekki athugasemdir við að sér-
stakur saksóknari hafi fengið úrskurð
til húsleitar til að
afla gagna í Seðla-
bankanum í gær.
Már sagði í
samtali við Morg-
unblaðið að
starfsmenn Seðla-
bankans væru
boðnir og búnir til
að aðstoða sér-
stakan saksókn-
ara og hefði vænt-
anlega dugað að fá beiðni um að
afhenda gögnin. „Ef þeir hefðu beðið
um þessi gögn hefðum við auðvitað
reynt að verða við því, það er augljóst
mál,“ sagði Már.
Fara yfir málið
Már bætti við að á hinn bóginn yrði
að líta til þess að Seðlabankinn væri
bundinn trúnaði um ýmis gögn í hans
vörslu og því væri hugsanlegt að lög-
fræðingar bankans hefðu talið að
bankanum væri óheimilt að afhenda
sérstökum saksóknara gögnin, nema
gegn úrskurði dómara. Farið yrði yfir
málið með lögfræðingum bankans á
næstu dögum, þ.e. hvort hægt hefði
verið að afhenda sérstökum saksókn-
ara gögn sem þessi án dóms-
úrskurðar.
Húsleit sérstaks saksóknara varð-
ar rannsókn á tilteknum millifærslum
af reikningi Landsbankans í Seðla-
bankanum. Fulltrúar sérstaks sak-
sóknara komu í Seðlabankann í gær-
morgun og framvísuðu
húsleitarúrskurðinum. Samkvæmt
upplýsingum frá Seðlabankanum
báðu starfsmenn sérstaks saksókn-
ara eingöngu um gögn um færslur á
reikningi Landsbankans 6. október
2008. runarp@mbl.is
Seðlabank-
inn aðstoðar
eftir megni
 Bundinn trúnaði
um ýmis gögn
Morgunblaðið/Ernir
Millifærslur Sérstakur saksóknari fékk
heimild til húsleitar í Seðlabankanum.
Már Guðmundsson