Morgunblaðið - 21.01.2011, Blaðsíða 38

Landkönnuður. Svo komst ég að því að það væri
eiginlega búið að klára þann markað.
Hvernig er best að slappa af?
Með kaffibolla og góðri tónlist
Með hvaða liði heldurðu í enska boltanum og af
hverju?
Manchester United. Bjarni Fel kynnti mig fyrir
köppum á borð við Bryan Robson og Gordon
Strachan. Mér fannst þeir töff.
Hvernig segir maður ,,Ég er gríðarlega
krúttlegur og lagviss stuðbolti“ á
spænsku?
Pregunta uno de sus periodistas.
El lo sabrá.
Nú ert þú afskaplega skýrmæltur,
hverju má þakka skýrmælgi
þína?
Veit það ekki. Þegar ég var lítill
fór ég oft með mömmu í vinnuna
á dvalarheimili fyrir aldraða.
Þar komst maður ekkert upp
með að tala ofan í klofið á sér.
Gæti verið hluti af skýringunni.
Hvers viltu spyrja næsta að-
alsmann?
Hver af vinum þínum fer
mest í taugarnar á þér?
Hermir eftir fólki sem fáir kannast við
Geturðu lýst þér í fimm orðum?
Ákveðinn, skynsamur, þrjóskur, morgunhress,
Bolvíkingur.
Hvað er vandræðalegasta mómentið þitt? (spyr síð-
asti aðalsmaður, Íris Mist Magnúsdóttir)
Ég átti eftirminnilega innkomu í kvöldfréttatíma
sjónvarpsins fyrir nokkrum árum. Í beinni útsend-
ingu talaði ég oft og digurbarkalega um góða
stemningu í Borgarleikhúsinu. Það hefði svo sem
verið allt í lagi ef ég hefði ekki verið staddur í Þjóð-
leikhúsinu. Ég útskýrði fyrir yfirmönnum mínum
að ég væri utan af landi.
Söngvakeppni Sjónvarpsins er eins og …
Partí sem stendur yfir í meira en mánuð.
Áttu þér leyndan hæfileika?
Ég er ágætis eftirherma og sérhæfi mig í fólki sem
fáir eða engir kannast við.
Nú hefur heyrst að þú sért öflugur á dansgólfinu,
hvernig myndir þú lýsa dansstíl þínum?
Já! Mér þykir spurningahöfundur óvenjuvel upp-
lýstur. Vinir mínir, sem vilja ekki særa mig, myndu
sennilega segja að ég væri plássfrekur dansari. Ég
er fyrir löngu búinn að gefast upp á hefðbundnum
stílum og hef þróað minn eigin. Þetta er nokkurs
konar bræðingur af latneskri mjaðmasveiflu og til-
viljanakenndum handahreyfingum. Tilkomumikil
sjón, skal ég segja þér.
Hvað er best á morgnana?
Það er allt best á morgnana. Morgnarnir eru minn
tími.
Ertu Evróvisjón-nörd?
Ég er miklu frekar áhugamaður en nörd.
Eruð þið Ragnhildur Steinunn fánaberar íslenskrar
fatahönnunar?
Það held ég varla. En ef svo er þá er ég kominn
ansi langt frá upprunanum sem landsbyggðarlúði.
Fáið þið að ráða því í hvaða fötum þið eruð í
útsendingu?
Við veljum þetta í samráði við stílista. Það er
reyndar starfsheiti sem ég vissi ekki að væri til
fyrr en fyrir nokkrum vikum.
Í hvernig nærbuxum ertu?
Rauðum jólanærbuxum. Má það ekki alveg?
Er eitthvert Evróvisjónlag í uppáhaldi hjá þér?
Lífið er lag. Ekki spurning. Eiríkur Hauks, hvítir
samfestingar og axlapúðar. Maður fer ekki fram á
meira.
Hvað fær þig til að skella upp úr?
Prumpugrín. Þeir sem segjast ekki hafa gaman af
slíku eru að ljúga.
Hvernig þarf lagið að vera og flytjendurnir þannig
að Íslendingar fari með sigur af hólmi í Evróvisjón?
Ef ég vissi það ætti ég sennilega lag í keppninni.
Hvað ætlaðir þú að verða þegar þú yrðir stór?
Aðalsmaður vikunnar er sjónvarpsmaðurinn Guðmundur Gunnarsson, kynnir í Söngvakeppni Sjónvarpsins
Hress Guðmundur er ákveð-
inn, skynsamur, þrjóskur,
morgunhress og Bolvíkingur.
38 MENNING
MORGUNBLAÐIÐ FÖSTUDAGUR 21. JANÚAR 2011
Arnar Eggert Thoroddsen
arnart@mbl.is
Enn bara janúar og plöturnar trítla
þó út. Hafnfirðingarnir í We Made
God riðu á vaðið hinn 7. og nú er
það blúsrokksveitin Ferlegheit, sem
stendur ein og sjálf að útgáfu á
sinni fyrstu plötu. Ber hún heitið
You can be as Bad as you can be
Good.
Mikill blús
„Við tókum þátt í Músíktil-
raunum árið 2006 en þá var raun-
verulega um allt aðra sveit að ræða.
Árið 2008 urðu mikil mannaskipti
og þá varð til sú sveit sem er á plöt-
unni,“ segir Viðar Engilbertsson
gítarleikari.
„Þetta var mikill blús í byrjun en
svo þegar Magga (Margrét Guðrún-
ardóttir, söngkona og píanóleikari)
kom inn í þetta fórum við að vinna
með fleiri stíla og breyta um
áherslur. Við erum að reyna að
sleppa undan pælingum um stefnu
og stíla og reynum að láta hjartað
ráða meira.“
Ákveðið var svo að ráðast í plötu-
gerð til að halda boltanum á lofti,
halda sveitinni gangandi og með
eitthvert markmið.
„Manni finnst eins og maður hafi
áorkað einhverju þegar platan er
komin í hendurnar. Þetta gefur líka
visst „kredit“.“
Platan var tekin upp í Borg-
arnesi, í hljóðverinu Gott hljóð og
voru upptökur frekar „beinar“, það
er lögum/grunnum var rúllað inn á
band í einni, tveimur tökum en svo
var hinu og þessu dútleríi
bætt við eftir á. Það er
líka merkilegt að heyra
hversu þétt sveitin
er þrátt fyrir lítinn
árafjölda meðlima,
líkt og þeir hafi lifað með
blúsnum í 30 ár. Viðar hlær við þeg-
ar honum er tjáð þetta.
„Við æfum mikið, sannarlega, og
það er gott að heyra þetta. Við
reynum svo að spila eins og við get-
um á tónleikum. Höfum líka spilað
á Blúshátíðinni, en forsvarsmenn
þar hafa verið duglegir að styðja
við bakið á okkur.“
Eigin leiðir
Lögin eru samin á þann hátt að
einhver kastar inn grunni og svo
leggja allir í púkkið við lagasmíðina.
„Við höfum fjarlægst blúsinn
nokkuð á síðustu misserum en það
er ekki til komið af einhverjum leið-
indum. Þetta þróaðist dálítið af
sjálfu sér. Við elskum blúsinn en
með tíð og tíma fór okkur að langa
til að fara eigin leiðir. Annars var
þessi plata tekin upp fyrir ári og
nýsmíðarnar hafa verið að hlaðast
upp hjá okkur. Næsta plata verður
því efalaust nokkuð örðuvísi en
þessi.“
Ljósmynd/Edit Ómarsdóttir
Ferlegt! Meðlimir Ferlegheita slakir á kantinum í æfingahúsnæði sínu. Fyrsta plata þeirra er komin út og efni í aðra að safnast upp.
Blúsinn dugar ekki lengur til
 Hljómsveitin Ferlegheit gefur út plötu  Skipuð kornungum en þétt spilandi
liðsmönnum Byggt á blús en heimabruggaður tónn farinn að læðast inn
 Í tilefni af komu Egils-þorra-
bjórs mun Ölgerðin standa fyrir
vali á „Þorra landsmanna“ í dag,
bóndadag, en allir karlmenn sem
bera nafnið Þorri (má vera milli-
nafn) geta heimsótt Ölgerðina í
dag, á Grjóthálsi 7 -11, og þegið
kippu af bjórnum og skráð sig í
keppni. Dómnefnd mun svo velja
einn Þorra og sæma titlinum „Þorri
landsmanna“. Hinn útvaldi hlýtur
þorraveislu fyrir fjóra á Múlakaffi
og kassa af Egils-þorrabjór.
Egill „Gillz“ Einarsson, rithöf-
undur og einkaþjálfari, mun leiða
dómnefndina og er tekið fram í til-
kynningu að engir Þorrar verði
meiddir eða misnotaðir á nokkurn
hátt við valið. „Dómnefnd styðst
einungis við ljósmyndir en leitað er
að Þorra sem er umfram allt þjóð-
legur, vaskur á velli, gamansamur
og snareygur, kurteis en harðger,
réttnefjaður og vænn að yfirliti“
segir í tilkynningunni. Þorrar
verða að hafa náð tvítugsaldri til að
geta verið með. Þorrum ber að
framvísa skilríkjum.
Leit að „Þorra
landsmanna“
 Keflavíkurflugvöllur stendur
fyrir leik tengdum HM í handbolta
þessa dagana og mun vinningshaf-
inn komast til Svíþjóðar á mótið
ásamt vini, hinn 28. janúar. Tveir
þátttakendur í leiknum verða
dregnir út 27. janúar og þurfa þeir
að mæta á flugvöllinn kl. 5 að
morgni næsta dags, með ferðatösku
og vegabréf tilbúið. Þátttakend-
urnir tveir þurfa þá að taka þátt í
þraut á brottfararsvæðinu um það
hvor komist í ferðina á úrslitaleiki
HM í Svíþjóð. Sá sem sigrar kemst
út en hinn þarf að fara aftur heim.
Einn kemst út,
hinn fer heimEinn meðlimaFerlegheita er hinn19 ára gamli Þorleifur Gaukur
Davíðsson. Blúsgeggjarar hér-
lendis tala um mesta hæfileika-
mann sem þeir hafa lengi heyrt í.
Þorleifur flutti með fjölskyldu
sinni til Stafangurs í Noregi
stuttu fyrir jólin 2008. Þar hugð-
ist hann sækja sér frekari
menntun í gítarleik en sú um-
sókn endaði með því að hann var
ráðinn sem kennari við skól-
ann! „Ég tók smá blúsdjamm
með kennaranum og hann lýsti
því yfir að ég væri eiginlega of
góður,“ sagði Þorleifur á sínum
tíma í spjalli við Morgunblaðið.
Munnhörpu-
snillingur
ÞORLEIFUR GAUKUR
Flottur Þorleifur
með hljóðfærið góða.