Morgunblaðið - 23.07.2011, Blaðsíða 4

Tekjur og gjöld fjögurra manna
fjölskyldu í Garðabæ
Heimild: skattur.is og velferðarráðuneytið
Hjón með 2 börn
Árstekjur: 5.000.000 kr.
Eignir: 1.500.000 kr.
Einstætt foreldri með 2 börn
Árstekjur: 2.000.000 kr.
Eignir: 0 kr.
Barnabætur
Húsaleigubætur
Leikskólagjald
302.036
126.000
268.800
486.000
614.360
160.800
Afgangur af
bótum eftir
leikskólagjöld:
159.236 kr.
Afgangur af
bótum eftir
leikskólagjöld:
939.560 kr.
(428.036 kr.)
(1.100.360 kr.)
Egill Ólafsson
egol@mbl.is
„Við höfum íhugað að skilja,“ segir
faðir tveggja ungra barna, en hann
og konan hans eru á hrakhólum með
húsnæði. Fjárhagsstaða fjölskyld-
unnar er veik, en hún myndi batna
um 780 þúsund krónur á ári ef hjón-
in taka það skref að skilja.
Hjónin eiga tvö börn sem bæði
eru yngri en sjö ára. Yngra barnið
er að byrja í leikskóla, en það eldra
byrjar í grunnskóla í haust. Konunni
var sagt upp störfum í fyrra og hún
er því á atvinnuleysisbótum. Hann
er í vinnu, en þessa dagana snýst til-
vera fjölskyldunnar um að finna
húsnæði því að búið er að segja
henni upp leigunni þar sem selja á
íbúðina.
„Ef við skiljum myndi konan mín
skrá lögheimili hjá vinkonu sinni en
við myndum síðan finna okkur íbúð
einhvers staðar í Reykjavík. Við
myndum þá geta haldið leikskóla-
plássinu,“ segir faðirinn.
Bætur hækka og leikskólagjald
lækkar
Við skilnaðinn tvöfaldast barna-
bætur og húsaleigubætur myndu
fjórfaldast. Þá fá einstæðir foreldrar
í Garðabæ, þar sem fjölskyldan býr,
40% afslátt á leikskólagjaldi. Hjónin
fá í dag 159.236 krónur í barnabætur
og húsaleigubætur á ári þegar búið
er að draga frá leikskólagjaldið.
Einstætt foreldri með tvær milljónir
í árslaun með tvö börn sem bæði eru
undir sjö ára aldri fær hins vegar
939.560 krónur í barnabætur og
húsaleigubætur að frádregnu leik-
skólagjaldi. Fjárhagslega myndi
staða fjölskyldunnar því batna um
780.324 krónur á ári við að skilja.
Bæta stöðuna við skilnað
 Hjón á húsnæðishrakhólum íhuga að
skilja, en það myndi bæta stöðuna
4 FRÉTTIRInnlent
MORGUNBLAÐIÐ LAUGARDAGUR 23. JÚLÍ 2011
Kristján H. Johannessen
khj@mbl.is
Vélstjórar á farskipum felldu
kjarasamning sem undirritaður var
24. júní síðastliðinn með afgerandi
hætti. Í tilkynningu frá Félagi vél-
stjóra og málmtæknimanna segir
að tæp 85 prósent félagsmanna,
sem greiddu atkvæði, felldu samn-
inginn. Jafnframt segir í tilkynn-
ingu að niðurstaða atkvæðagreiðsl-
unnar hafi ekki komið á óvart, þar
sem kjör íslenskra vélstjóra eru
langt undir kjörum vélstjóra hjá er-
lendum útgerðum.
„Við bentum á í fréttatilkynning-
unni að vélstjórar starfa í al-
þjóðlegu umhverfi með skipin
skráð annars staðar og við teljum
að þeir verði að borga okkur sam-
bærileg laun [og tíðkast erlendis],“
segir Guðmundur Ragnarsson for-
maður VM og bendir á að næsti
samningafundur fari að öllum lík-
indum fram skömmu eftir versl-
unarmannahelgi.
„Við munum eiga fund með þeim
og ef þeir eru ekki tilbúnir í að gefa
okkur betra boð þá verðum við að
fara í þær aðgerðir sem við teljum
að þurfi til að menn hugsi sinn
gang,“ segir Guðmundur og bendir
á að komi til verkfalls vélstjóra
muni slíkt hafa í för með sér miklar
afleiðingar fyrir bæði skipafélög og
þjóðfélagið. Guðmundur kveðst þó
vongóður um að samningar náist og
að ekki þurfi að koma til aðgerða af
hálfu vélstjóra.
„Ég trúi ekki öðru en að allir að-
ilar sem að samningunum koma,
setjist að samningaborðinu með það
að markmiði að leysa þetta á skyn-
saman hátt. Það er markmið allra,“
segir Ólafur William Hand upplýs-
ingafulltrúi Eimskipafélags Ís-
lands. „Það var ákveðið að taka upp
viðræður aftur eftir verslunar-
mannahelgi,“ segir Ægir Steinn
Sveinþórsson formaður samninga-
nefndar skipstjóra og stýrimanna
en kjarasamningar þeirra voru
einnig felldir fyrir stuttu. Hann
segist bjartsýnn á að samningar séu
innan seilingar.
Kolfelldu kjara-
samning í at-
kvæðagreiðslu
 Vélstjórar telja eðlilegt að laun sam-
ræmist launum starfsfélaga erlendis
Séra Vigfús
Árnason, prestur
í Grafarvogi, hef-
ur margoft bent
á að það sé óeðli-
legt að stuðn-
ingskerfi við
barnafólk sé
þannig uppbyggt
að hjón hagnist
fjárhagslega á
því að skilja.
Hann segist hafa rætt um þetta mál
við þrjá fjármálaráðherra og þeir
hafi allir gefið þau svör að þeir
væru að taka á þessu máli. Það hafi
hins vegar ekki enn gerst. „Ísland
er eitt fárra landa á Vesturlöndum
þar sem er óhagstætt peningalega
að vera í hjónabandi.“
Vigfús segir að í Danmörku njóti
börn hjóna forgangs að leik-
skólaplássi. Aðalmunurinn sé þó á
barnabótum. „Mér finnst að það
eigi að líta á það sem rétt barnsins
að fá barnabætur og hann sé óháð-
ur hjúskaparstöðu.“
Óeðlilegt að refsa
fólki fyrir að ganga í
hjónaband
Séra Vigfús Þór
Árnason
Einar Örn Gíslason
einarorn@mbl.is
Utanvegaakstur í Reykjanesfólk-
vangi er illviðráðanlegt vandamál
sem fer vaxandi, segir Óskar Sæv-
arsson, sem er í stjórn fólkvangsins
og starfandi landvörður þar í sumar.
Hann segir ástandið í ár heldur
verra en undanfarin tvö ár. Einkum
sé um mótorkrosshjól, krossara, að
ræða. Í fólkvanginum er utanvega-
akstur vitaskuld stranglega bann-
aður, og vegfarendum gert það ljóst
með alls 24 skiltum.
Slóðar bætast stöðugt við
Fólkvangurinn er vinsælt útivist-
arsvæði og þar er að finna fjölda vin-
sælla gönguleiða. Óskar segir að á
vissum leiðum fari gönguhópar ekki
um án þess að á vegi þeirra verði
vélhjólafólk sem keyrir utan vega.
„Það væri sök sér ef það héldi sig á
einbreiðum eða tvíbreiðum slóða, en
það skal alltaf bætast við,“ segir
Óskar. Sem dæmi nefnir hann slóð-
ann sem liggur með Arnarvatni. Þar
hafa þeir fundið sér leið meðfram
vatninu og brekkurnar í kringum
það eru allar orðnar útspólaðar.
Hann segir það óvinnandi veg fyr-
ir sig einan að hemja athæfið, og
ákæruvaldið hefði þar að auki átt
erfitt með að ná fram sakfellingu í
málum sem þessum. Vegna fjar-
lægðar og stopuls símasambands
geti það tekið allt að klukkustund að
fá lögreglu á svæðið, verði ökumenn
uppvísir að því að keyra utan vega.
„Ég næ ekki að gera neitt nema
fylgjast með þessu, skrá og hafa af-
skipti,“ segir Óskar.
Akstur utan vega
vaxandi vandamál
 Miklar skemmdir í Reykjanesfólkvangi eftir ökutæki
Ljósmynd/Óskar Sævarsson
Skemmdir Ökumenn þessara jeppa voru staðnir að spjöllum í fólkvanginum. Lögreglan hefur málið til meðferðar.
Óskar segir þá sem hann hefur afskipti af vegna utanvegaaksturs oft
bregðast illa við og hann þurfi að tjónka aftur og aftur við sömu hópana.
„Ég hafði ítrekað afskipti af 2-3 hópum í vor og þeir urðu alveg öskuillir,“
segir Óskar. „Í eitt skipti hljóp ég bara niður í bíl því það stefndi í handa-
lögmál. Svo sér maður þá aftur.“
Sem annað dæmi af skeytingarleysi nefnir Óskar mann sem hann kom
að í Krókamýri. Sá hafði tjaldað þar með sonum sínum og haft krossara
meðferðis á tengivagni aftan í bíl sínum. „Þeir voru þarna spólandi og
tætandi um iðjagræna velli. Þennan mann hef ég oft séð hérna,“ segir
Óskar. Aðspurður sagðist sá hins vegar ekki hafa séð neitt skilti, hann
hefði aldrei komið þarna áður og vissi satt að segja ekki hvar hann væri.
Á svæðinu sem þeir voru á er beitarhólf fyrir fé, en féð hafði allt forðað
sér þar sem einn mannanna hafði hrakið það burt á hjóli sínu.
Bregðast ókvæða við
UTANVEGAAKSTUR
Mán.-fim. kl. 9-18, fös. kl. 9-18:30, lau. kl. 10-17, sun. kl. 13-17
Smáratorgi 1, 201 Kópavogi, sími 588 6090, vl@simnet.is
Myndlista
vörur
í miklu ú
rvali
Strigar, ótal stærðir
frá kr.195
Acryllitir 75 ml
kr.480
Gólftrönur
frá kr.4.395
Þekjulitir/Föndurlitir
frá kr.480 16 ára
Verkfæralagerinn