Morgunblaðið - 22.08.2011, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 22. ÁGÚST 2011
50% afsláttur af handþvotti og bóni að utan fyrir
allar gerðir bíla ...
allra hagur
aha.is í dag
Verð aðeins:
2.750 kr. (fólksbíll),
3.250 kr. (jepplingur)
og 4.000 kr. (jeppi).
Fjarðarbón
„Þarna er með beinum hætti verið
að auglýsa tæki til notkunar við
lögbrot, því allur akstur utan vega
er bannaður,“ segir Andrés Arn-
alds, fagmálastjóri hjá Land-
græðslu ríkisins, um auglýsingu
sem birtist í Bændablaðinu.,
Þar eru ákveðin gerð mótorhjóla
auglýst undir þeim formerkjum að
þau séu „nýjung í smalamennsku“.
Meðal þess sem talið er upp hjól-
unum til tekna er að þau tæti ekki
upp gróður. Þar með virðist gefið
til kynna að í lagi sé að aka hjól-
unum yfir gróðurlendi, sem hins-
vegar er bannað með lögum.
Færst hefur í vöxt undanfarin ár
að bændur noti ökutæki eins og
mótorhjól og fjórhjól við göngur og
í smalamennsku. Andrés telur hins-
vegar að þörf sé á vitundarvakn-
ingu meðal bænda um áhrif utan-
vegaaksturs á umhverfið.
Hugarfar sem þarf að uppræta
„Þetta er mjög svæðisbundið, en
göngur á vélfákum eru víða mikið
tíðkaðar og eru sumstaðar jafnvel
aðalsmalamátinn,“ segir Andrés.
„Það sem hefur verið að gerast
er að það myndast för. Svo sjá aðrir
þessi för og fara þau og allt í einu
er kominn slóði. Lenskan hefur ver-
ið sú að þegar einn er búinn að fara
virðist, í þessu lagaleysi sem hér er,
að öðrum sé leyfilegt að fara líka.
Þetta leiðir til algjörs skipulags-
leysis í því hvernig framtíðar-
slóðakerfi þjóðarinnar er mótað.“
Jafnvel þótt ekki verði skemmdir
segir Andrés að auglýsingin í
Bændablaðinu afhjúpi ákveðið hug-
arfar sem þurfi að uppræta gagn-
vart umgengni við náttúruna, þar
sem menn „taki sér bara sinn rétt
án tillits til umhverfisins eða laga“.
„Það þarf að byggja upp það hug-
arfar að allur akstur utan vega sé
lögbrot, alveg óháð því hvort hann
valdi skemmdum eða ekki. Það þarf
bara að ná tökum á þessu og sömu
reglur eiga að gilda fyrir alla, en
það þarf að gerast innan frá.“
Mótorhjól auglýst
til aksturs utan
vega í smölun
 „Nýjung í smalamennsku“ sem tætir
ekki gróður segir í Bændablaðinu
Morgunblaðið/Eggert
Nútímasmali Það færist í vöxt að
fjórhjól séu notuð við göngur.
Samkvæmt þingsályktunartillögu um
áætlun um vernd og orkunýtingu
landsvæða er Norðlingaölduveita
slegin út af borðinu. Í rökstuðningi
sem fylgdi tillögunni segir m.a. að
virkjun á þessu svæði myndi fela í sér
röskun vestan Þjórsar á lítt snortnu
landi í jaðri Þjórsárvera, auk áhrifa á
sérstæða fossa í Þjórsá.
Jón Gunnarsson alþingismaður
gefur lítið fyrir þessar röksemda-
færslur og segir að virkjun á þessum
stað skaði ekki Þjórsárver. „Ég verð
að segja að mér finnst þessi rökstuðn-
haust, eða þegar fólk getur verið þar á
ferð til að njóta náttúrunnar. „Þannig
að það er búið að mæta öllum helstu
viðmiðunum sem voru um Norðlinga-
ölduveitu með góðum árangri og friða
Þjórsá gagnvart þessum fram-
kvæmdum. Eftir stendur einhver
hagkvæmasti virkjunarkostur sem
við eigum með mjög litlum umhverfis-
áhrifum.“
Hörður Arnarson, forstjóri Lands-
virkjunar, vildi ekki tjá sig um mál-
efni Norðlingaölduveitu þegar eftir
því var leitað.
Gefur lítið fyrir röksemdafærslur
 Norðlingaölduveita einhver hagkvæmasti virkjunarmöguleiki í landinu og jafnframt sá umhverf-
isvænasti, að mati þingmanns Sjálfstæðisflokks  „Hefur í rauninni ekkert með Þjórsárver að gera“
Norðlingaölduveita
» Búið að mæta öllum helstu
viðmiðunum sem voru um
Norðlingaölduveitu með góð-
um árangri, að sögn Jóns
Gunnarssonar.
» Hagkvæmur virkjunarkostur
sem hefur mjög lítil umhverfis-
áhrif.
ingur falla um sjálfan sig. Í fyrsta lagi
þegar talað er um Norðlingaöldu-
veitu, sérstaklega af þeim sem tala á
móti þeim virkjunarkosti, er talað um
að mikilvægt sé að vernda Þjórsár-
ver. En málið er að þetta fer ekkert
inn í Þjórsárver og það hljóta að vera
þau viðmiðunarmörk sem við erum að
horfa á. Með öðrum orðum skaðar
þetta ekki Þjórsárver, og hefur í
rauninni ekkert með þau að gera.“
Þá segir Jón að búið sé að finna
lausn á því að halda vatnsmagni á
fossakerfi svæðisins frá vori fram á
Morgunblaðið/Brynjar Gauti
Þjórsárver Veitan var slegin af.
Róbert B Róbertsson
robert@mbl.is
,,Við hjá Samorku erum ekki búin að
fjalla nægjanlega mikið um málið á
okkar vettvangi svo við erum ekki
tilbúin með umsögn, en það kemur
okkur verulega á óvart hversu
margir orkukostir, sem verkefna-
stjórnin raðaði ofarlega í sinni
skýrslu, fara langt niður listann í
sjálfri þingsályktunartillögunni og
jafnvel alla leið niður í verndarflokk,
en það eru engin dæmi um hið gagn-
stæða,“ segir Gústaf Adolf Skúlason,
aðstoðarframkvæmdastjóri Sam-
orku, samtaka orku- og veitufyrir-
tækja, um tillögu að þingsályktun
um áætlun um vernd og orkunýtingu
landsvæða var kynnt fyrir helgi.
Samkvæmt tillögunni voru 69
virkjunarkostir flokkaðir í þrjá
flokka þ.e. nýtingarflokk, biðflokk
og verndarflokk. Fjallað var um
málið í Morgunblaðinu á laugardag-
inn þar sem sýnt var hvaða kostir
enduðu í hvaða flokki.
Röðun vekur athygli
Gústaf segir það vekja at-
hygli hversu margir virkj-
unarkostir sem voru of-
arlega á lista í skýrslu
verkefnastjórnarinnar, sem
vann að tillögu um ramma-
áætlun, hafa verið færðir
niður í biðflokk og sum-
ir jafnvel niður í vernd-
arflokk. „Við gerð skýrslunnar var
lögð áhersla á fagleg vinnubrögð og
þó svo að menn hafi ekki verið sam-
mála um alla hluti þá kemur nátt-
úrlega mjög á óvart eftir alla þessa
vinnu hvernig röðun orkukosta í
þingsályktunartillögunni er háttað,“
segir Gústaf.
Orkufyrirtækin fengu
ekki að hafa sinn fulltrúa
Þingsályktunartillagan var unnin í
sumar af formönnum faghópanna,
formanni verkefnisstjórnar og
starfsmönnum ráðuneytanna, en
orkufyrirtækin fengu ekki að hafa
sinn fulltrúa við gerð hennar. ,,Auð-
vitað hefðum við viljað eiga þarna
fulltrúa,“ segir Gústaf. ,,Hvorki við,
fulltrúar orkufyrirtækjanna né um-
hverfisverndarsinnar voru með full-
trúa, þannig að það má alveg segja
að þarna hafi verið gætt samræmis.
Það má samt deila um þetta því að
Þóra Ellen grasafræðingur vann að
tillögunni og hún er mikill frömuður
í náttúruvernd. Þá vildu einhverjir
meina að orkumálastjóri væri okkar
fulltrúi, en það er ekki rétt því að
Orkustofnun er ekki fulltrúi orku-
fyrirtækjanna,“ segir Gústaf að lok-
um.
Tillögur verkefna-
stjórnar hunsaðar
 Margir góðir virkjunarkostir færðir í verndarflokk
„Ákvarðanir eru teknar af pólitíkusum sem tala um okkur en ekki við okk-
ur. Þeir segja okkur hvað sé mikilvægt og hvað ekki á okkar svæði óháð
því hvað okkur finnst þannig að maður hristir bara hausinn yfir svona
vinnubrögðum,“ segir Bergur Elías Ágústsson, sveitarstjóri Norð-
urþings.
„Það eru liðin þrjú ár síðan Þórunn Sveinbjarnardóttir, þáverandi
umhverfisráðherra, samþykkti og undirritaði skipulag sem sveit-
arfélögin Skútustaðahreppur, Þingeyjarsveit, Norðurþing og Að-
aldælahreppur unnu sameiginlega og mikil sátt ríkti um. Svo var það
í fyrra að Svandís Svararsdóttir lagði fram tillögu um að friðlýsa
Gjástykki í Þingeyjarsveit. Þetta kom okkur mikið á óvart þar
sem 60% af Gjástykki eru í Norðurþingi þannig að þeir
vita ekki einu sinni hvað þeir eru að friðlýsa.“
,,Maður hristir bara hausinn“
GJÁSTYKKI Í VERNDARFLOKK
Bergur Elías
Ágústsson
Morgunblaðið/Helgi Bjarnason
Virkjun Aðstoðarframkvæmdastjóri Samorku segir að samtökin hefðu viljað hafa fulltrúa við gerð tillögunnar.