Morgunblaðið - 14.10.2011, Síða 12

Morgunblaðið/Árni Sæberg
St. Jósefsspítali Loka á 18 rúma deild á St. Jósefsspítala í
Hafnarfirði 1. desember nk., en þar starfa 26 manns.
Björn sagði að meðallegutími á
spítalanum væri hættur að styttast.
„Í dag eru t.d. 42 sjúklingar á spít-
alanum sem eru með svokallað gilt
vistunarmat og bíða eftir plássi á
hjúkrunarheimili. Þeir hafa ekki ver-
ið svona margir í langan tíma. Við er-
um með aðra 20 sem bíða á bráða-
deildum eftir að komast í
endurhæfingu á öldrunardeildunum
á Landakoti. Allt þetta hægir á starf-
seminni og það mun hægja meira á
henni á næstunni.“
Aukning á þessu ári
Björn sagði að lítil aukning hefði
orðið á starfsemi Landspítalans á ár-
unum 2009 og 2010, en nú væru
komnar fram skýrar vísbendingar
um að breyting væri að verða á. Á
fyrstu 8 mánuðum þessa árs hefði
orðið 8% fjölgun á inniliggjandi sjúk-
lingum, 4% aukning í komum á
bráðamóttökur og 4% fleiri skurð-
aðgerðir hefðu verið gerðar það sem
af er ári en í fyrra.
Björn var spurður hvort ástæða
hefði verið til að grípa til aðgerða
núna strax þar sem ekki væri búið að
samþykkja fjárlagafrumvarpið.
Hann sagði að síðustu tvö ár hefðu
stjórnendur spítalans gripið til að-
gera strax eftir að frumvarpið var
lagt fram enda hefði ekkert komið
fram hjá stjórnvöldum um annað en
að spítalinn ætti að spara meira.
Vandinn yrði bara erfiðari viðfangs
ef beðið væri með ákvarðanir fram til
áramóta því að breytingar á starfs-
mannahaldi þyrftu að eiga sér að-
draganda.
Erfiðara að útskrifa sjúklinga
 Landspítalinn hefur gripið til aðgerða sem miða að því að lækka útgjöld spítalans um 630 milljónir
 Forstjórinn segir aðgerðirnar hægja á starfsemi spítalans og fækkun rúma hafi áhrif á þjónustuna
Morgunblaðið/Gollli
Landakot Ákveðið hefur verið að loka líknardeild á Landa-
kotsspítala og flytja starfsemina í Kópavog.
Morgunblaðið/Sigurður Jónsson
Sogn Loka á réttargeðdeildinni á Sogni í Ölfusi. Starfsemin
verður flutt á Klepp. Sparnaðurinn er áætlaður 54 milljónir.
Morgunblaðið/Árni Sæberg
Landspítali Sparnaðaraðgerðirnar voru kynntar fyrir starfsmönnum Land-
spítala í gær. Starfsmönnum hans hefur fækkað um 700 frá árinu 2007.
BAKSVIÐ
Egill Ólafsson
egol@mbl.is
„Afleiðingar af þessum aðgerðum
verða þær að það verður erfiðara að
útskrifa sjúklinga af bráðadeildum.
Þessi fækkun rúma mun hafa áhrif á
þjónustuna. Það verður fleira fólk
sem festist á spítalanum, a.m.k.
tímabundið,“ sagði Björn Zoëga, for-
stjóri Landspítala, þegar hann
kynnti sparnaðaraðgerðir á spít-
alanum fyrir starfsfólki. Landspít-
alanum er gert að lækka útgjöld um
630 milljónir á næsta ári. Fækka á
starfsmönnum um 85.
Björn sagðist vona að með þessum
aðgerðum væri niðurskurð-
araðgerðum á spítalanum lokið.
Hann hefði reyndar sagt þetta líka í
fyrra, en hann yrði að trúa því að
þetta væri síðasta ár niðurskurðar.
Frá 2007 hefur Landspítalinn
lækkað rekstrarútgjöld um 23%. Ef
mið er tekið af fjárlagafrumvarpi
næsta árs þá lækka útgjöld spítalans
um 9.624 milljónir frá 2007 til 2012.
Loka þremur deildum
Sparnaðaraðgerðirnar eru í
nokkrum liðum. Loka á St. Jós-
efsspítala í Hafnarfirði, en áætlað er
að það spari 180 milljónir. Loka á
réttargeðdeildinni á Sogni og flytja
starfsemina á Klepp. Áætlað er að
það spari 54 milljónir. Loka á líkn-
ardeildinni á Landakoti og sameina
hana líknardeildinni í Kópavogi. Það
eru 9 rúm á Landakoti og 8 í Kópa-
vogi, en við sameininguna á að fækka
rúmum um 4.
Stjórnendur spítalans ætla sér að
spara 100 milljónir með því að lækka
kostnað vegna útboða og með end-
urskipulagningu á lagerum. Þá er
ætlunin að spara enn frekar í lyfja-
kostnaði með útboðum og lag-
erstjórn. Þetta á að spara um 60
milljónir. Þá er ætlunin að samþætta
starfsemi stoðeininga og breyta
skipuriti á ýmsum einingum spít-
alans sem skila á 50 milljóna sparn-
aði. Ennfremur er ætlunin að hag-
ræða á rekstrar- og fjármálasviðum,
í sjúkraskrárritun og skjalavistun og
í ýmsum smærri verkefnum.
Björn viðurkenndi aðspurður að
það rímaði ekki vel saman að fækka
rúmum og grípa til aðgerða sem
leiddu til þess að erfiðara yrði að út-
skrifa sjúklinga af bráðadeildum.
Staðan væri hins vegar þannig að
það væri ekki hægt að hagræða
meira í þjónustu við sjúklinga. Menn
stæðu því frammi fyrir því að hætta
einhverri starfsemi og aðgerðirnar
tækju mið af því.
12 FRÉTTIRInnlent
MORGUNBLAÐIÐ FÖSTUDAGUR 14. OKTÓBER 2011
„Þetta er ömurleg staða. Það ríkir sorg á þessum vinnu-
stað,“ segir Soffía Anna Steinarsdóttir, aðstoðardeild-
arstjóri á líknardeildinni á Landakoti, en ákveðið hefur
verið að loka deildinni. Á líknardeildinni eru rúm fyrir
níu sjúklinga, en þar starfa 17 hjúkrunarfræðingar og
sjúkraliðar, auk lækna.
Deildin, sem á 10 ára afmæli 26. október nk., er sér-
hæfð líknardeild fyrir aldraða sjúklinga. Allir sjúklingar
eru á einbýlum og vel búið að þeim.
Soffía sagði að á stuttum fundi með forstjóra spítalans
í gær hefði komið fram að deildinni yrði lokað „sem
fyrst“. Jafnframt kom fram að einhverjum starfs-
mönnum yrði sagt upp. Hún sagðist ekki vita hvenær uppsagnarbréfin
bærust, en starfshópur væri að fara yfir málefni deildarinnar.
Fyrirhugað er að sjúklingar á líknardeildinni verði fluttir inn á líkn-
ardeild í Kópavogi, en sú deild hefur verið með áherslu á yngri sjúklinga.
Soffía sagðist hafa áhyggjur af því að við þessar breytingar yrði dregið úr
þjónustu við aldraða eins og reyndar væri tilhneiging til að gera þegar
spara þyrfti í heilbrigðisþjónustu. „Aldraðir eru hópur sem aldrei biður um
neitt og því kannski auðveldara að þrengja að þeim.“
„Það ríkir sorg á vinnustaðnum“
Soffía Anna
Steinarsdóttir
„Við fengum þau svör að ekki væri hægt að lofa öllum
sem hér starfa vinnu á Landspítala,“ segir Birna Stein-
grímsdóttir, deildarstjóri á lyflæknadeild á St. Jós-
efsspítala, en deildinni verður lokað eftir 5 vikur. Á
deildinni starfa 26 hjúkrunarfræðingar og sjúkraliðar.
Birna sagði að starfsfólkið hefði verið farið að gruna
að svona færi. Þessi 18 rúma deild væri eina deildin sem
eftir væri í spítalanum, en hann er á fjórum hæðum. 1.
september var meltingarfærasjúkdómadeild lokað og í
fyrravetur var skurðstofum og handlækningadeild lok-
að. Starfsemin á St. Jósefsdeild hefur því smátt og smátt
verið að lognast út af. Birna sagði að starfsmenn væru
sorgmæddir yfir því að búið væri að loka þessum stóra og öfluga spítala.
Birna hefur starfað á St. Jósefsspítala í um 20 ár. Hún sagðist reikna
með að flestir starfsmenn myndu láta reyna á yfirlýsingar stjórnenda
Landspítala um annað starf. Fólk sem ætti kost á öðru starfi myndi fara til
starfa á þeim deildum þar sem væri laust starf. Ekki myndu þó allir þiggja
boðið, en a.m.k. tveir starfsmenn eru búnir að fá starf annars staðar.
Ekki hægt að lofa öllum starfi á LSH
Birna
Steingrímsdóttir
Allir starfsmenn réttargeðdeildarinnar á Sogni fá upp-
sagnarbréf fyrir næstu mánaðamót. 30 stöðugildi eru
við deildina og búa allir starfsmenn, utan einn, á Suður-
landi. Drífa Eysteinsdóttir, deildarstjóri á Sogni, segir
að stjórnendur Landspítalans hafi sagt á starfsmanna-
fundi að þeir vonuðust eftir að flestir fengju starf á
Kleppi, en fyrirhugað er að flytja starfsemina þangað.
„Fólk var auðvitað mjög slegið yfir þessum fréttum
og hver og einn er að íhuga sína stöðu. Það er von á fólki
frá mannauðsdeild spítalans sem ætlar á næstu dögum
að ræða við alla starfsmenn,“ sagði Drífa.
Hún sagði að fram hefði komið á starfsmannafund-
inum að spítalinn myndi ekki greiða starfsmönnum ferðakostnað vegna
ferða til Reykjavíkur. Fólk þyrfti því sjálft að greiða 2500-3000 kr. á dag í
bensínkostnað til að komast til og frá vinnu.
Af þessum 30 starfsmönnum er 21 í öryggisgæslu. Hún sagði að flestir
þeirra væru búnir að ljúka félagsliðanámi og taka ýmis námskeið sem
tengjast starfinu. Flestir ættu að baki langan starfsaldur og sumir hefðu
starfað á Sogni frá því deildin var stofnuð 1992.
Fá ekki greiddan ferðakostnað
Drífa
Eysteinsdóttir
23%
Frá 2007 hafa rekstrargjöld
Landspítala lækkað um 23%.
9.624
Í krónum talið fara útgjöldin úr
41.376 milljónum árið 2007 í 31.752
milljarða árið 2012.
28%
Frá 2002 hefur framleiðni vinnuafls
Landspítala aukist um 28%.
19%
Rannsóknum á spítalanum hefur
fækkað um 19% frá árinu 2007.
90
Rúmum hefur fækkað um 90 frá
2007, en þau eru núna rúmlega 650.
‹ 700 FÆRRI STARFSMENN ›
»