Húsfreyjan - 01.04.1961, Side 23

r
v..
mannneldispáttur

Áður en langt um líður getum við
fengið rabarbara til heimilisins, og eykur
koma hans á fjölbreytni i mataræði.
Beztur er rabarbarinn fyrri part sum-
ars, og þess skal ætíð gætt, að láta hann
ekki vaxa of mikið, hættir honum þá til
að tréna og verður auk þess súrari. Bezt
er að taka alla leggi í byrjun júlí, vex hann
þá aftur, og fáum við þá aðra uppskeru
sem er engu síðri en sú fyrri.
Ljúffengastur til matar, og einnig fal-
legastur, er fíngerður, rauður rabarbari,
svonefndur vínrabarbari. En góður rabar-
bari á að vera nýupptekinn, stinnur, frek-
ar grannir leggirnir. Þegar við hreinsum
rabarbara er hann þveginn með klút und-
ir rennandi, köldu vatni eða burstaður
með mjúkum bursta. Flysjið ekki leggina,
nema þess sé þörf, t. d. að leggirnir séu
byrjaðir að tréna, verður hann þá bæði
bragð- og litminni.
Við getum notað rabarbara í grauta,
súpur, ábætisrétti, aldinmauk, saft og vín.
En vert er að minna á, að rabarbarinn
inniheldur oxalsýru, og séu hin skaðlegu
áhrif hennar ekki upphafin, getur hún haft
spillandi áhrif á heilsu okkar.
Oxalsýran gengur í samband við kalk-
ið í fæðunni og myndar með því óuppleys-
anleg kalksölt, sem líkaminn getur ekki
fært sér í nyt. Oxalsýran bindur ekki að-
eins það kalk, sem er i rabarbaranum og
mjólkinni, sem við höfum út á, heldur
einnig kalk frá öðrum fæðutegundum og
eyðileggur því einnig þeirra kalkinnihald.
Kalksölt þessi geta fallið út í nýrun og
myndað þar steina, sem stífla svo nýrna-
gangana.
Til fróðleiks má geta þess, að oxal-
sýrumagnið er minna í smáum stilkum,
sem mælir með þvi, að rabarbarinn sé
ekki látinn vaxa úr sér, og mun meira er
af því neðst í leggjunum en efst.
En engin ástæða er tií þess að láta þessa
vitneskju hafa þau áhrif, að við notum
ekki rabarbara. Við getum auðveldlega
upphafið hin skaðlegu áhrif oxalsýrunnar
með því að setja 1 msk. af 40% kalcium-
kloridupplausn í hvert kíló af rabarbara.
Þessa upplausn er hægt að kaupa í lyfja-
verzlunum og geymist ótakmarkaðan
tíma. Þessu er bætt út í og soðið með.
Sé ætlunin að búa til saft, verður hún
ekki eins tær og annars. Látið því saftina
bíða til næsta dags, kalksöltin hafa þá
sezt á botninn og auðvelt að hella saft-
inni ofan af.
Spínat er einnig mjög oxalsýruríkt,
notið því 40% kalciumkloridupplausn, 1
msk. í 1 kg af spínati.
Hér eru svo nokkrar uppskriftir með
Rabarbaraterta
Húsfreyjan
23