Húsfreyjan - 01.04.1961, Blaðsíða 16

4. æfing (sitjandi eða standandi). Látið vinstri
handlegg hanga slakan niður með hliðinni, svo
að hann dragi líkamann ögn út á hlið. Hristið
höndina og handlegginn til þess að ganga úr
skugga um að hann sé alveg máttlaus. Endur-
takið með hægri handlegg.
5. æfing (standandi). Standið gleitt með fæt-
urna, látið handleggina falla slaka niður með
hliðunum, horfið beint fram. Beygið efri hluta
bolsins og höfuðið eins langt til vinstri og þér
getið, rísið hægt upp og beygið til hægri, teygja
vel úr baki á milli hliðbeygjanna.
6. æfing (standandi). Standið gleitt með hendur
á öxlum, gerið bolvindur til skiptis til hægri og
vinstri, hafið hálsinn beinan og axlir slakar.
7. æfing (standandi). Standið gleitt, lútið áfram
og rísið hægt upp til skiptis, látið armana vera
slaka og fylgja bolnum.
8. æfing (standandi). Standið með fæturna þétt
saman, lyftið vinstri hæl, látið hann síga aftur,
lyftið hægri hæl o.s.frv. til skiptis.
9. æfing (standandi). Standið með fæturna sam-
an, teygið vinstri fót til hliðar og sveiflið honum
hægt fram og aftur. Endurtakið með hægra fæti. i
10. æfing (standandi). Teygið arma beint fram,
krossleggið þá og sveiflið þeim upp yfir höfuð.
Látið armana falla af eigin þunga niður með
hliðunum. Gætið þess að anda að yður þegar
þér lyftið örmunum og frá yður þegar þeir falla.
16