Húsfreyjan - 01.04.1965, Blaðsíða 34

2. Eigum við að kaupa með afborgunar-
skilmálum?
3. Eigum við að gifta okkur og notast
við það litla, sem við eigum fyrir,
óska eftir nytsömum brúðargjöfum og
auka smám saman við búslóðina?
Dýrt er að kaupa með afborgimarskil-
málum. Hjónaefni freistast þá oft til að
festa kaup á ónauðsynlegum hlutum, sem
rýra svo mjög framtíðartekjur þeirra, að
þau eiga erfitt framdráttar. Það er ákaf-
lega auðvelt að kaupa, þegar útborgunin
er lítil sem engin. Þau hjónaefni, sem eru
svo heppin að geta fengið lán hjá foreldr-
um sínum, eru betur á vegi stödd. Þau
hafa a.m.k. frjálsari hendur um val á hús-
gögnum o.fl. heldur en hjónaefni sem
þurfa að kaupa með afborgunarskilmál-
um. í Danmörku geta hjónaefni fengið
lán til heimilisstofnunar, ef þau sýna
fram á, að þau hafi reglubundið lagt fyrir
ákveðna fjárhæð í banka eða sparisjóð.
Skyldusparnaðarfé unglinga, sem þeir
fá greitt við stofnun hjúskapar, er mikið
búsílag. Það skal einnig á það bent, að
ekkert neyðarúrræði er að byrja með það
sem fyrir hendi er og bæta smám saman
við búslóðina.
Fjárhagsáætlanir
Sú skoðun að það sé hann sem eigi að
afla peninganna. en hún að eyða þeim
eftir geðþótta, er ekki farsæl fyrir gott
hjónaband. Það er mikilsvert, að ungt
fólk gangi í hjúskap með það fyrir augum
að láta jafnt yfir bæði ganga. Veltur þá
mikið á hreinskilni í fjármálum. Konan
þarf að vita, hve háar tekjur mannsins
eru, og hann verður að skilja, að hún þurfi
að nota fé til heimilisins og í einkaþarfir.
Þess vegna verður að gera fjárhags-
áætlun. Ekki er hægt að gera eina áætlun,
sem hæfir öllum fjölskyldum, þar sem
þarfir manna eru svo misjafnar. Ein fjöl-
skylda leggur mikið upp úr góðum og
dýrum mat, önnur f jölskylda leggur meira
upp úr góðu húsnæði, þriðja fjölskyldan
vill fara í siglingu á hverju ári og sú
fjórða vill allt til vinna að mennta vel
börn sín. Þetta eru allt dæmi um ólíkar
þarfir eða óskir manna. En svo til allar
fjölskyldur eiga það sameiginlegt, að tak-
markað fé sé til umráða til að fullnægja
öllum þessum þörfum. Fjölskyldan verður
að gera sér grein fyrir, hvar takmörkin
eru og velja á milli hinna ýmsu lystisemda
og ákveða hver verði þeim gæfuríkust.
Þegar fjárhagsáætlun er gerð, verður
fyrst að gera sér grein fyrir tekjum. Þetta
er lítill vandi hjá fastlaunamönnum, en
örðugra þegar um óvissar tekjur er að
ræða. Þá er skynsamlegt að vera ekki of
bjartsýnn og áætla tekjurnar heldur lægri
en búast má við.
Útgjaldaliðimir eru margir. Við vitum
fyrirfram hve háir sumir þeirra verða á
næsta ári. Það eru hin svokölluðu föstu
gjöld. Skrifið fyrst þær uphæðir niður
og leggið saman, og athugið síðan hve
mikið verður eftir fyrir aðra gjaldaliði.
Það er skynsamlegt að forðast of mikið
af föstum gjöldum, sérstaklega þegar
tekjurnar eru óvissar.
Föst gjöld:
Skattar og útsvör
Almannatryggingar og
sjúkrasamlag
Aðrar tryggingar
Húsaleiga
Hiti
Rafmagn
Félagsgjöld
Útvarp og sími.
Fjölskyldur, sem búa í eigin íbúð, verða
einnig að gera ráð fyrir afborgunum og
vöxtum af lánum.
Þegar föstu gjöldin hafa verið lögð
saman verður að skipta niður tekjuaf-
ganginum á eftirfarandi gjaldaliði:
32
HÚSPRETJAN