Húsfreyjan - 01.04.1965, Blaðsíða 42

úr ýmsum áttum
Kvenfélagið Gefn í Garði
hefir nú starfað í 47 ár. Það var stofnað 9. des.
1917. í fyrstu var tilgangurinn með stofnun þess
tvíþættur, annars vegar að hlúa að og prýða Út-
skálakirkju, hins vegar að hjálpa bágstöddum í
Gerðahreppi. í þessu skyni voru stofnaðir tveir
sjóðir, kirkjusjóður og líknarsjóður.
Svo virðist sem konum hafi þótt þetta of
þröngt starfssvið, því að á öðru ári félagsins er
kosin nefnd til að endurskoða lögin og skömmu
síðar er samþykkt á fundi, að önnur grein laga
um tilgang félagsins skuli hljóða svo: Aðaltil-
gangur félagsins er að safna í sjóð til líknar- og
framfara í Útskálasókn. Eftir þessu hefir félagið
unnið síðan, og iátið mörg líknar- og menningar-
mál til sín taka. En kirkjan hefir alltaf verið
óskabarn þess og hefir það gefið henni margar
og góðar gjafir. Fyrsta gjöfin er gefin árið eftir
að félagið er stofnað og er það altarisklæði, sem
ein félagskonan, Katrín Jónsdóttir, saumaði. Lagt
er fram fé til málningar á kirkjunni, keyptur nýr
ofn, tveir ljósahjálmar, kertastjakar, vegglampar
o.fl. Þegar raflögn er lögð í kirkjuna, styrkir fé-
lagið það með ríflegum fjárframlögum og fyrir
nokkrum árum gaf félagið 20 fermingarkyrtla.
Þegar félagið hafði starfað í 40 ár gaf það kirkj-
unni tvær útskornar ljósasúlur, hina fegurstu
gripi. Á 100 ára afmæli kirkjunnar 1961 voru
gefnir 50 bikarar til notkunar við altarisgöngur.
Félagið sá um hreinsun á kirkjunni nokkur
fyrstu árin og hefir nú í mörg ár prýtt umhverfi
hennar með því að setja þar niður sumarblóm.
Fyrstu 20—25 árin gefur félagið peninga og
fatagjafir til margra heimila í byggðarlaginu.
Árið 1920 heldur það sína fyrstu jólatrésskemmt-
un fyrir böm og gamalt fólk og síðan óslitið á
hverju ári. Það heldur uppi kvöldskóla fyrir
unglinga nokkur ár og einnig fjörugri leikstarf-
semi í mörg ár. Það hefir gengizt fyrir sauma-
námskeiðum, sem mörg hver voru mjög vel sótt
fyrr á árum.
Það hefir þurft víðsýni og kjark til að stofna
þannig félag á erfiðum tímum í fátæku byggðar-
lagi. Enginn vegur var um byggðarlagið, enginn
sími og engir bilar. Fullyrða má að feiknamikil
vinna er á bak við þau störf, sem félagið vinnur
að og oft hafa konur þurft að fórna miklum
tíma frá heimilum sínum fýrir hugsjón félagsins.
Mannúðar- líknar- og menningarmál eru hjart-
ans mál þess og er tímar líða og breytast til
batnaðar, og velmegun verður almennari, fylgist
félagið einnig með og lætur til sín taka þar sem
þörf er á, því ekki þrjóta verkefnin. Jafnframt
40
því sem það heldur áfram að rétta þurfandi
hjálparhönd, beitir það áhrifum sínum að hverju
máli sem verða má byggðarlaginu til heilla og
framfara. Nú nýlega hefir félagið haft forgöngu
um að hér yrði komið upp barnaleikvöllum á
þrem stöðum og er nú að leggja fram fé til kaupa
á leiktækjum. Þá hefir félagið styrkt verulega
dansnámskeið fyrir börn, sem þau hafa haft mjög
gott af. Fleira mætti telja upp, en ekki verður
það gert í þessu stutta yfirliti.
Margar leiðir hefir félagið til að afla tekna.
Á fyrstu árunum lætur það róa með lóðar-
stubb, en það mun ekki hafa staðið lengi því
snemma er þess getið í fundargjörð að stubbur-
inn hafi týnst í sjó. Það ræktar kartöflur, held-
ur dansleiki og selur þá jafnan veitingar, heldur
hlutaveltur, fyrirlestra og leiksýningar. Á seinni
árum bætist við einn bazar á ári og þorrablót,
sem er ein vinsælasta skemmtun ársins. Bak við
þetta allt liggur mikil vinna, en það hefir alltaf
verið styrkur félagsins, hve konur hafa verið
samtaka og einhuga um allt, sem þurft hefur að
gera og hve það hefur haft mörgum hæfileika-
og dugnaðarkonum á að skipa.
Fundir eru haldnir einu sinni í mánuði og eru
þeir að jafnaði vel sóttir. Sá háttur er hafður á,
að þrjár konur eru kosnar til að sjá um kaffi og
þrjár til að skemmta á hverjum fundi. Fyrst eru
málin rædd og afgreidd, síðan kemur skemmti-
nefndin með eitthvað til fróðleiks og skemmtun-
ar. Það er sungið, ljóð eru lesin, sagðar sögur,
getraunakeppni, kvikmyndasýningar o.fl. í fund-
arlok er svo drukkið kaffi og er þá glatt á hjalla
og umræður fjörugar og allar hlökkum við til
að hittast aftur á næsta fundi.
Enn er eitt ótalið, sem hefir verið snar þáttur
í starfi félagsins á seinni árum, en það eru ferða-
lög félagskvenna. Leikhúsferð er farin að minnsta
kosti einu sinni á vetri, stundum oftar. 19. júní
er hátíðlegur haldinn með því að fara í stutta
ferð um nágrennið og heimsækjum við þá gjarn-
an höfuðborgina og skoðum eitthvað markvert og
skemmtum okkur. Aðalferðin er farin i júli. Það
er yndislegt að ferðast um og skoða landið sitt,
er það klæðist hásumarskrúða enda hafa þessar
ferðir orðið bæði félagslegur og persónulegur
ávinningur. Fagrir staðir hafa verið skoðaðir,
minningarnar hafa verið indælar og munum við
lengi að þeim búa, við kynnumst og tengjumst
traustum félags- og vináttuböndum. Og alltaf er
vetrarstarfið blómlegra eftir velheppnaða
skemmtiferð að sumrinu.
Fyrir 47 árum lögðu 33 framsýnar konur
grundvöll að þessu félagi og ennþá á félagið
ungar konur. sem vilja vinna að göfugu málefni
til heilla fyrir byggðarlag sitt.
Fyrstu stjórn kvenfélagsins skipuðu þessar
konur'
Ásdís Rafnar, formaður, Katrín Jónsdóttir, gjald-
keri, Gróa Eggertsdóttir, ritari.
HÚSPREYJAN