Húsfreyjan - 01.04.1965, Blaðsíða 44
félagsins. Til hennar er vísað áskorunum og til-
lögum, er fram koma á félagsfundum varðandi
þau mál, og fjallar hún um þær áður en þær
fara lengra. Álit skólamálanefndar er, að þetta
vandamál verði ekki leyst til fulls nema með
samvinnu sveitarfélaganna, sameiginlegum ungl-
ingaskóla fyrir tvö eða fleiri sveitarfélög.
Innan félagsins starfa nokkrar fastanefndir,
þær eru þessar: Kvenréttindanefnd, friðarnefnd,
heilbrigðismálanefnd, garðyrkjunefnd og nefnd,
er annast útbreiðslu ,,Húsfreyjunnar“. Þessi upp-
talning gefur nokkra hugmynd um að hverju er
starfað. Einnig er unnið að sjúkrahúsmáli Sunn-
lendinga eins og önnur félög innan S.S.K. gera.
Nú á þessu ári mun félagið afhenda til sjúkra-
húsbyggingarinnar tuttugu þúsund krónur.
Eins og sjá má á framangreindu, leggur fé-
lagið mikla áherzlu á hin uppbyggilegu mál, en
það snýst nú samt ekki allt um þau, oft er tekið
upp léttara hjal og komið saman til þess að
skemmta sér. Það eru haldnar skemmtisamkom-
ur í félagsheimilinu fyrir alla íbúa sveitarinn-
ar og barnasamkoma um jólin. Einnig höldum
við svokölluð baðstofukvöld 1—2 á ári. Þá er
komið saman á heimili einhverrar félagskonu og
nokkrum sinnum á vetri eru spilakvöld. Á sumr-
in förum við oftast í skemmtiferð og stundum
líka berjaferð og eigum þar saman ánægjulegar
stundir. Núverandi stjórn félagsins skipa þessar
konur: María Sigurðardóttir, form., Ragnhildur
Sveinbjarnardóttir, ritari, Katrín Einarsdóttir,
gjaldkeri. Félagið er aðili að samtökunum Vernd,
og er einnig í Menningar- og friðarsamtökum
íslenzkr akvenna.
Konur í kvenfélögum á íslandi eru taldar vera
minnst fjórtán þúsund. Kvenfélagasamband ís-
lands er aðili að Húsmæðrasambandi Norður-
landa. Eftir því sem ég kemst næst, erum við
því tengdar félagssamtökum á Norðurlöndum, er
E F N I :
Húsmóðurstaðan (A. Sig.) .................... 1
Fáein orð á ferðalagi (T. Gunnlaugss.) .... 3
Á rökstólum (Sigr. Th.) ..................... 7
Okkar á jnilli sagt (H. M.) ............... 10
Máttur jnálsins (M. Jónsd. þ.) ............. 16
ManneJdisþáttur (Kr. Stgrd.) ............... 18
Heimílisþáttur (E. E. G.) .................. 21
Sjórabók (E. E. G.) ........................ 23
Heimilisþáttur (Sigr. Kr.) ................. 27
F-'á leiðbeiningastöð húsmæðra (S. H.) .... 30
í'erðastökur (Ásdís Kárad.) ................ 38
Anna Hagström látin ........................ 39
Úr ýmsum áttum.............................. 40
Húsfreyjan
kemur út 4 sinnum á ári.
Ritstjórn:
Svafa Þórleifsdóttir
Meðalholti 9 - Simi 16685
Sigríður Thorlacius
Bólstaðarhlíð 16 - Sími 13783
Elsa E. Guðjónsson
Laugateigi 31 - Sími 33223
Sigríður Kristjánsdóttir
Sunnubraut 6, Kpv. Sími 35748
Kristjana Steingrímsdóttir
Hringrbraut 89 - Sími 12771
Afgreiðslu og innheimtu annast
Svafa Þórleifsdóttir, Meðalholti 9.
Auglýsingast j óri:
Matthildur Halldórsdóttir. Sími 33670
Verð árgangsins er 60 krónur. í lausasölu
kostar hvert venjulegt hefti 20 kr. Gjald-
dagi er fyrir 1. júlí ár hvert.
Prentsmiðja Jóns Helgasonar.
samanstanda af tvöhundruð og áttatíu þúsund
konum, þetta er í mínum augum há höfðatala,
ef öll höfuðin hugsuðu um framgang sama máls,
— góðs máls, er varðaði eitthvert landanna,
eða öll, og beitti sér fyrir málinu, hlyti eitthvað
að vinnast. Kvenfélag Fljótshlíðar er líka aðili
að friðarsamtökum, er samanstanda af milljónum
kvenna í hundrað löndum. Við erum að vísu lítill
dropi í stóru hafi, en „dropinn holar steininn".
Við lifum á tímum hraða og mikilla tæknilegra
framfara og samkvæmt því fer bilið milli landa
— já heimsálfa, minnkandi.
Ein rödd er túlkar sannan og fagran tón vek-
ur heimsathygli. — Er þá ekki líklegt að hlustað
verði á milljónir radda samstilltar? Kringum-
stæður nútímans hrópa á friðelskandi fólk til
þess að vinna að afnámi vígbúnaðar. Að lokum
langar mig að spyrja:
Hvert er markmið og áætlun K.í. og héraðs-
sambandanna í nútíð og framtíð?
Njóla Jónsdóttir.
Sem svar við spurningunni í niðurlagi þessa
fréttapistils vill ,,Húsfreyjan“ leyfa sér að benda
höfundinum á 3. gr. laga Kvenfélagasambands
íslands og framtíðaráætlanir K.Í., er samþykktar
voru á landsþingi K.í. árið 1963 og birtar í 3.
tbl. Húsfreyjunnar það ár bls. 36—37.
42
HÚSFREYJAN