Íslenskt mál og almenn málfræði - 01.01.1988, Page 20

18
Gísli Jónsson
ið er nú orðið heldur sjaldgæft á landi hér. Það er biblíunafn úr hebr-
esku, Methuselah, en merkingin er ekki fyllilega ljós; giskað hefur
verið á ‘pflukastari’ (AID). íslendingar bjuggu til af Metúsalem gælu-
nafnið Sali.n Af Sali (eða Metúsalem) var svo myndað kvenmanns-
nafnið Salína sem bráðum getur nánar.
Tunis kemur fyrir í manntalinu 1703 og hét svo einn maður á
landinu, Tunis Eyjólfsson, 25 ára, vinnumaður í Blönduholti í Kjósar-
hreppi (MÍ1703). En 1801 eru Tunisar þrír á íslandi og allir í Norður-
Múlasýslu. Varð nafnið lífseigt eystra en virðist nú löngu horfið. Einn
Tunis var eftir hérlendis í manntalinu 1910 og var sá fæddur í Norður-
Múlasýslu. Lfldegt virðist að nafnið sé komið úr dönsku eða þýsku,
af Tönnis eða Tonnis (Tonis) sem er gamalt þýsk-skandinavískt stutt-
nefni af Antoníus. Ættamafnið Tynes er af sömu rót, hingað komið
úr norsku (Tönnes) eða þýsku (Túnnes).
3. Nöfn Norð-Mýlinga 1845
3.1 Algengustu nöfn
Þá er komið að árinu 1845. Fólki hafði fjölgað til muna eins og víð-
ast um land. Og það sem meira var í Norður-Múlasýslu: Karlar voru
orðnir fleiri (1465) en konur (1428).12 Nöfnum hafði líka fjölgað;
kvenna úr 89 í 138 og karla úr 118 í 149. Vinsælustu kvennanöfnin,
borin af a.m.k. 25, voru þessi:
1. Guðrún 169 9.-10. Katrín 35
2. Sigríður 110 9.-10. Þórunn 35
3. Kristín 75 11. Helga 31
4. Ingibjörg 74 12. Ólöf 30
5. Anna 56 13.-15. Guðlaug 28
6. Björg 50 13.-15. Vilborg 28
7. Guðný 47 13.-15. Þorbjörg 28
8. Margrét 45 16. Guðbjörg 25
11 Sbr. mývetnsku vísuna sem hefst á orðunum „Pétursson Sali liggur látinn".
12 Ég fer hér eftir hinu prentaða manntali (MÍ1845) og minni eigin úrvinnslu.